ദൃശ്യം 2 മികച്ച അഭിപ്രായങ്ങളുമായി മുന്നേറുമ്പോള് ഇപ്പോള് ശ്രദ്ധിക്കപ്പെടുന്നൊരു കഥാപാത്രമാണ് ജോര്ജുകുട്ടിയെ ഇറക്കിക്കൊണ്ടുവരുന്ന വക്കീല്. യഥാര്ത്ഥ ജീവിതത്തിലും വക്കീലായ ശാന്തിപ്രീയയാണ് വക്കീല് രേണുകയായി ചിത്രത്തിലെത്തുന്നത്. ദൃശ്യത്തിന് ഇനിയൊരു മൂന്നാം പതിപ്പുണ്ടെങ്കില് താന് തന്നെ ജോര്ജ്കുട്ടിയുടെ വക്കീലാകുമെന്നാണ് ശാന്തിപ്രീയ പറയുന്നത്. നേരത്തേ ഗാനഗന്ധര്വ്വന് എന്ന മമ്മൂട്ടി ചിത്രത്തിലും ശാന്തിപ്രിയ വക്കീലായി വേഷമിട്ടിട്ടുണ്ട്.
സിനിമയിലേക്ക് വന്നതിനെക്കുറിച്ച് ശാന്തിപ്രീയ പറയുന്നതിങ്ങനെ: ‘ദൃശ്യം 2വിന്റെ തിരക്കഥയുമായി ബന്ധപ്പെട്ട് ചര്ച്ചകള് നടത്തിയിരുന്നു. ചിത്രത്തില് ഇതുപോലൊരു കോടതി രംഗമുണ്ടെന്ന് മാത്രമായിരുന്നു അപ്പോള് അറിയുമായിരുന്നത്. അങ്ങനെയിരിക്കെയാണ് ജീത്തു ജോസഫിന്റെ കോള് വരുന്നത്. ജോര്ജുകുട്ടിയുടെ വക്കീല് ആകണമെന്നായിരുന്നു ജീത്തു പറഞ്ഞത്. താനാകെ ഞെട്ടിയെന്നും ശാന്തി പറയുന്നു. അങ്ങനെയാണ് ജോര്ജുകുട്ടിയെ രക്ഷിക്കാനായി രേണുകയാകുന്നതും സ്ക്രീനിലും കോടതിയിലെത്തുന്നതും.
കോടതി രംഗങ്ങളില് രേണുക ഞെട്ടുന്ന രംഗമുണ്ട്. സിനിമയിലെ മികച്ചൊരു ട്വിസ്റ്റാണത്. ആദ്യം ആ രംഗം വൃത്തിയായി തന്നെ അവതരിപ്പിച്ചു. എന്നാല് ചില കാരണങ്ങളാണ് ആ രംഗം വീണ്ടും എടുക്കേണ്ടി വന്നു. ഇത്തവണ തന്റെ വാ അല്പ്പം കൂടുതല് തുറന്നു പോയോ എന്നൊരു സംശയം. ഇത്രയും വാ പൊളിച്ച് നില്ക്കണമോ ഒരു ടേക്ക് കൂടെ എടുത്താലോ എന്ന് ജീത്തുവിനോട് ചോദിച്ചു. വേണ്ട നാച്വറലാണെന്നായിരുന്നു ജീത്തു നല്കിയ മറുപടി എന്ന് ശാന്തിപ്രിയ പറഞ്ഞു.
ജീവിതത്തില് താന് കണ്ടിട്ടുള്ളതില് ഏറ്റവും പാവം മനുഷ്യരില് ഒരാളാണ് ജീത്തു. പക്ഷെ അദ്ദേഹം കഥ പറയുന്നത് കേള്ക്കുമ്പോള് അത്ഭുതം തോന്നും. ഇങ്ങനൊക്കെ കഥ മെനയാന് സാധിക്കുമായിരുന്നുവെങ്കില് തന്റെ പ്രൊഫഷന് അത് ഗുണം ചെയ്തേനെയെന്ന് തോന്നിയിട്ടുണ്ടെന്നും ശാന്തി പ്രിയ പറയുന്നു. അതുപോലെ തന്നെ മോഹന്ലാലുമൊത്തുള്ള രംഗം അവസ്മരണീയമായ ഓര്മ്മയാണെന്നും ജീവിതത്തില് ഇതുപോലൊരു അവസരം ഇനി ലഭിക്കില്ലെന്നും താരം പറയുന്നു. ദൃശ്യത്തിനൊരു മൂന്നാം ഭാഗം ഉണ്ടാവുകയാണെങ്കില് താന് തന്നെ ജോര്ജുകുട്ടിയ്ക്ക് വേണ്ടി വാദിക്കുമെന്നാണ് ശാാന്തി പ്രിയ പറയുന്നത്. ദൃഷ്യം 3 വരികയാണെങ്കില് വക്കീല് താന് തന്നെയാണെന്ന് ജീത്തുവിനോട് പറഞ്ഞിട്ടുണ്ടെന്നും ശാന്തി പറയുന്നു. ജോര്ജുകുട്ടിയ്ക്ക് വേണ്ടി എവിടെ വരെ വാദിക്കേണ്ടി വന്നാലും അഭിമാനത്തോടെ തന്നെ വാദിക്കുമെന്നാണ്’ ശാന്തി പ്രിയ പറയുന്നത്.
കൊച്ചി: വിവാദമായ പന്തീരാങ്കാവ് ഗാർഹിക പീഡനക്കേസ് റദ്ദാക്കരുതെന്ന് പൊലീസ് ഹൈക്കോടതിയിൽ അറിയിച്ചു. പരാതിക്കാരിയായ യുവതി മൊഴി മാറ്റിയത് പ്രതി രാഹുലിന്റെ…
തിരുവനന്തപുരം: കേരളത്തില് അതിശക്തമായി മഴ തുടരുമെന്ന് കാലാവസ്ഥാ മുന്നറിയിപ്പ്. കേരള തീരത്ത് പടിഞ്ഞാറന്, തെക്ക് പടിഞ്ഞാറന് കാറ്റ് ശക്തമാണ്. അടുത്ത…
പ്രിഥ്വിരാജ് സംവിധാനം ചെയ്ത ബ്രോ ഡാഡി സിനിമയുടെ സെറ്റിൽ വെച്ച് യുവ നടിയെ പീഢിപ്പിച്ച് ദൃശ്യങ്ങൾ പകർത്തിയ സഹ സംവിധായകനെ…
തിരുവനന്തപുരം: തുമ്പ കിന്ഫ്ര പാര്ക്കിലെ കോണ്ക്രീറ്റ് റെഡിമിക്സ് യൂണിറ്റില് പൊട്ടിത്തെറി. ആര്.എം.സി. എന്ന സ്ഥാപനത്തിന്റെ പ്ലാന്റില് ഉച്ചയ്ക്ക് 12-ഓടെയാണ് പൊട്ടിത്തെറിയുണ്ടായത്.…
സിയോൾ : ഉത്തര കൊറിയയിൽ നിന്ന് ദക്ഷിണ കൊറിയയിലേക്കുള്ള മാലിന്യ ബലൂണാക്രമണം തുടരുന്നു. കഴിഞ്ഞ രണ്ട് ദിവസത്തിനിടെ മാത്രം 100ഓളം…
ന്യൂഡല്ഹി: ഈ ഓഫീസിൽ ദൈവനിയോഗം പോലെയെത്തിയെന്ന് 66-ാം പിറന്നാൾ ദിനത്തിൽ കേന്ദ്രമന്ത്രിയും നടനുമായ സുരേഷ് ഗോപി. കേരള ഹൗസിലേക്ക് രാവിലെതന്നെ…