വിദേശ താരങ്ങളെ അടക്കം കൊണ്ടുവന്നു, ദിലീപ് ചിത്രത്തിനുേവേണ്ടി നൗഷാദിന് നഷ്ടമായത് 14 കോടി രൂപ, ശാന്തിവിള ദിനേശ്

പാചക വിദഗ്ധനും സിനിമ നിർമ്മാതാവുമായ നൗഷാദിന്റെ പെട്ടന്നുള്ള മരണം മലയാളികൾക്ക് ആകെ നൊമ്പരമായിരുന്നു. കഴിഞ്ഞ ഒരു മാസത്തോളമായി ബിലീവേഴ്‌സ് മെഡിക്കൽ കോളജ് ആശുപത്രിയിൽ ചികിത്സയിൽ കഴിയകെയാണ് മരണം നടന്നത്. രോഗങ്ങളോട് പൊരുതവെ രണ്ടാഴ്ച മുമ്പ് നൗഷാദിന്റെ ഭാര്യ ഹൃദയാഘാതത്തെ തുടർന്ന് മരിച്ചു. ഇത് നൗഷാദിനെ വല്ലാതെ തളർത്തിയിരുന്നു. ഐസിയു കിടക്കയിൽ കിടന്നാണ് ഭാര്യയുടെ മൃതദേഹം അവസാനമായി അദ്ദേഹം കണ്ടത്. ഇപ്പോളിതാ നൗഷാദിനെ ഓർത്തെടുക്കുകയാണ് സംവിധായകൻ ശാന്തിവിള ദിനേശ്.

ലാൽജോസിന്‌റെ സംവിധാനത്തിൽ ദിലീപ് നായകനായ സ്പാനിഷ് മസാല നൗഷാദിന് ഭീമമായ നഷ്ടമാണ് ഉണ്ടാക്കിയത് എന്ന് സംവിധായകൻ പറയുന്നു. സ്പാനിഷ് മസാല വിദേശത്തൊക്കെ പോയി ആർഭാടമായി ചിത്രീകരിച്ച സിനിമയായിരുന്നു. എന്നാൽ ലാൽജോസിന്‌റെയും ദിലീപിന്‌റെയും കണക്ക് കൂട്ടലുകൾ എല്ലാം തെറ്റിച്ച് ദയനീയ പരാജമായി ആ സിനിമ മാറിയെന്നും സംവിധായകൻ പറഞ്ഞു. അവിടം മുതലാണ് നൗഷാദ് എന്ന വലിയ മനുഷ്യന്റെ താളം തെറ്റിയത്. അദ്ദേഹം പതിയെ സാമ്പത്തിക പ്രതിസന്ധിയിലേക്കാണ് പോയെന്നും ശാന്തിവിള ദിനേഷ് പറഞ്ഞു.

ഒരു ആവറേജ് ചിത്രമായി സ്പാനിഷ് മസാലയെ കുറിച്ച് അഭിപ്രായങ്ങൾ വന്നു. അതേസമയം 14 കോടി രൂപ മുടക്കിയാണ് നൗഷാദ് ലാൽജോസിന്‌റെ സ്പാനിഷ് മസാല നിർമ്മിച്ചത്. എന്നാൽ ആ ചിത്രം ബോക്‌സോഫീസിൽ ദയനീയമായി പരാജയപ്പെട്ടു. ലാൽജോസിന്‌റെ മറ്റ് സിനിമകൾ പോലെ സ്പാനിഷ് മസാല വന്നില്ലേ എന്ന് ഞാൻ നൗഷാദിനോട് ചോദിച്ചിരുന്നു. മറ്റ് സിനിമകളൊന്നും എനിക്ക് അറിയില്ല. പക്ഷേ എന്റെ 14 കോടി പോയെന്നായിരുന്നു നൗഷാദിന്റെ മറുപടി. സിനിമാ മേഖലയിൽ ഒരുപാട് പേർ നൗഷാദിന്റെ സഹായം സ്വീകരിച്ചവരുണ്ട്. ലക്ഷങ്ങളും കോടികളും നഷ്ടപ്പെടുമ്പോഴും നൗഷാദ് എപ്പോഴും ചിരിച്ച് കൊണ്ടായിരുന്നു നിന്നത്.

അദ്ദേഹത്തിന്റെ ട്രേഡ് മാർക്ക് തന്നെ അതായിരുന്നു, അതേസമയം നൗഷാദ് നിർമ്മിച്ച കാഴ്ച എന്ന സിനിമ ഏറെ ശ്രദ്ധിക്കപ്പെട്ട ചിത്രമാണ്. സംവിധായകൻ ബ്ലെസിയുടെ ആദ്യ സംവിധാന സംരംഭം കൂടിയായിരുന്നു കാഴ്ച. കൂടാതെ മമ്മൂട്ടിയുടെ തന്നെ ചട്ടമ്പിനാട്, ബെസ്റ്റ് ആക്ടർ തുടങ്ങിയ സിനിമകളും നിർമ്മാതാവിന്‌റെതായി വിജയമായി. ദിലീപ് നായകനായ ലയണും വിജയമായ ചിത്രമാണ്.