ഇത്തരം വസ്ത്രധാരണങ്ങളൊന്നും നമ്മുടെ ഹിന്ദു സംസ്‌കാരത്തിന് ചേര്‍ന്നതല്ലെന്ന് കമന്റ്, മറുപടിയുമായി സനുഷ

മലയാളികളുടെ പ്രിയപ്പെട്ട നടിയാണ് സനുഷ സന്തോഷ്. ബാല താരമായി എത്തിയ താരം ഇപ്പോള്‍ നായിക നടിയായി തിളങ്ങുകയാണ്. മലയാളത്തിന് പുറമെ അന്യ ഭാഷകളിലും താരം നായികയായി തിളങ്ങുന്നുണ്ട്. സോഷ്യല്‍ മീഡിയകളില്‍ ഏറെ സജീവമാണ് നടി. താരം പങ്കുവെയ്ക്കുന്ന പുതിയ ചിത്രങ്ങളും വീഡിയോകളും വിശേഷങ്ങളുമൊക്കെ വളരെ പെട്ടെന്ന് വൈറലായി മാറാറുമുണ്ട്. മോശം കമന്റുകള്‍ ശ്രദ്ധയില്‍ പെട്ടാല്‍ അതിന് മറുപടി നല്‍കിയും സനുഷ രംഗത്ത് എത്താറുണ്ട്.

ഇപ്പോള്‍ ഒരു കമന്റിന് സനുഷ നല്‍കിയ മറുപടിയാണ് സോഷ്യല്‍ മീഡിയകളില്‍ ഏറെ ചര്‍ച്ചയാകുന്നത്. ഇത്തരം വസ്ത്രധാരണങ്ങളൊന്നും നമ്മുടെ ഹിന്ദു സംസ്‌കാരത്തിന് ചേര്‍ന്നതല്ല സനുശമോള്‍ എന്നായിരുന്നു കമന്റ്. രമ്യ സതീഷ് റിച്ചു എന്ന പേരിലുള്ള അക്കൗണ്ടില്‍ നിന്നുമാണ് ഇത്തരത്തില്‍ ഒരു കമന്റ് എത്തിയത്.

ഹിന്ദു സംസ്‌കാരത്തിന്റെ കാര്യങ്ങളൊക്കെ through ആയി നോക്കുന്ന head ഓഫീസില്‍ ഞാന്‍ ഒരു permission തരണം എന്ന ലെറ്റര്‍ അയച്ചിരുന്നു. അതിന്റെ ഭാഗമായി സംസാരിക്കാന്‍ വന്ന അവിടുത്തെ ആളാണോ?- എന്നായിരുന്നു കമന്റിന് സനുഷ നല്‍കിയ മറുപടി. നിരവധി പേര്‍ സനുഷയുടെ മറുപടിക്ക് കൈയ്യടിച്ചും പിന്തുണ അറിയിച്ചും രംഗത്ത് എത്തി.