തെന്നിന്ത്യയുടെ പ്രിയതാരമായി മാറിയ നടിയാണ് ശരണ്യ മോഹന്. ചുരുങ്ങിയ സമയം കൊണ്ട് ഒരുപിടി മികച്ച കഥാപാത്രങ്ങള് അവതരിപ്പിച്ച താരം വിവാഹത്തോടെ അഭിനയ രംഗത്ത് നിന്നും ഇടവേള എടുക്കുകയായിരുന്നു. സോഷ്യല് മീഡിയയില് സജീവമാണ് ശരണ്യ. ഡോ. അരവിന്ദ് കൃഷ്ണനാണ് നടിയുടെ ഭര്ത്താവ്. ഇവര്ക്ക് അന്നുപൂര്ണ്ണ അനന്തപദ്മനാഭന് എന്നിങ്ങനെ രണ്ട് മക്കളുണ്ട്.
ഇപ്പോള് വിവാഹത്തെ കുറിച്ചും പ്രണയത്തെ കുറിച്ചുമെല്ലാം തുറന്ന് പറഞ്ഞിരിക്കുകയാണ് ശരണ്യ. സ്വാസിക വിജയ് അവതാരകയായി എത്തുന്ന റെഡ്കാര്പ്പറ്റില് അതിഥിയായി എത്തിയപ്പോഴാണ് ശരണ്യയും അരവിന്ദും മനസ് തുറന്നത്. നാട്ട് നടപ്പ് അനുസരിച്ച് താലികെട്ടി ഭര്ത്താവിനൊപ്പം പോകുമ്പോള് പെണ്കുട്ടികള് അച്ഛനെയും അമ്മയെയും കൂടപ്പിറപ്പുകളെയും എല്ലാം കെട്ടിപ്പിടിച്ച് കരയുന്നതും ഒരു ആചാരം പോലെ തന്നെയാണെന്നും എന്നാല് തന്റെ കല്യാണത്തിന് ആ ഒരു കരച്ചില് താന് മറന്ന് പോയതെന്നും ശരണ്യ മോഹന് പറയുന്നു.
വീഡിയോയില് അനിയത്തിയും അച്ഛനും ഒക്കെ കരയുമ്പോള് ശരണ്യ വളരെ സന്തോഷത്തോടെ റ്റാറ്റ പറഞ്ഞ് പോകുകയായിരുന്നു. അതെന്താ കരയാതിരുന്നത് എന്ന് സ്വാസിക ചോദിച്ചപ്പോള്…. സത്യത്തില് കാറില് കയറിയപ്പോഴാണ് കരഞ്ഞില്ലല്ലോ എന്ന് ഓര്ത്തത് എന്നായിരുന്നു ശരണ്യയുടെ പ്രതികരണം. പിന്നെ നാലാം കല്യാണത്തിന് സ്വന്തം വീട്ടിലേക്ക് തന്നെ തിരിച്ചുവരുമല്ലോ എന്ന സന്തോഷവും ഉണ്ടായിരുന്നുവെന്നാണ് ശരണ്യ പറഞ്ഞത്.
കണ്ടു… പരിചയപ്പെട്ടു.. വിവാഹത്തിലെത്തി. വിവാഹ ശേഷമാണ് പ്രണയിച്ചത്. കെമിസ്ട്രി എന്ന ചിത്രത്തിന്റെ ലൊക്കേഷനില് വെച്ചാണ് ശരണ്യയെ കാണുന്നത്. ചിത്രത്തിന്റെ എഡിറ്റര് അരവിന്ദിന്റെ സുഹൃത്ത് ആയിരുന്നു. കല്യാണം കഴിക്കാം എന്ന പ്രപ്പോസ് മുന്നോട്ട് വെച്ചത് താന് തന്നെയാണ്. പിന്നെ എല്ലാം പെട്ടന്ന് ആയിരുന്നു.- അരവിന്ദ് പറഞ്ഞു.
സിനിമയെ അത്ര ഗൗരവമായിട്ടൊന്നും കണ്ടിരുന്നില്ല. ചെറുപ്പം മുതല് ലൊക്കേഷനില് തന്നെ. അതുകൊണ്ട് അത്ര പക്വത മാത്രമെ ഉണ്ടായിരുന്നുള്ളൂ. വെണ്ണിലാ കബടി കുഴു എന്ന ചിത്രമൊക്കെ കഴിഞ്ഞപ്പോഴാണ് ഇനി സിനിമയേയും അഭിനയത്തേയും സീരിയസ് ആയി എടുക്കാം എന്ന് കരുതിയത്. പക്ഷെ അപ്പോഴേക്കും വിവാഹം കഴിഞ്ഞു. കല്യാണത്തിന് അരവിന്ദും കുടുംബവും പ്രതീക്ഷിച്ചത് ഒരു 300 പേരെയാണ്. പക്ഷെ വന്നത് 3000 പേരായിരുന്നു. തമിഴ് നടന് വിജയ് കല്യാണത്തിന് വരും എന്ന ഗോസിപ്പ് ആരോ പരത്തിയത് കാരണം ആളുകള് കൂടുകയായിരുന്നു. വിജയിയേയും ധനുഷിനേയും എല്ലാം കല്യാണത്തിന് വിളിച്ചിരുന്നു. എന്നാല് അവര്ക്ക് എത്തപ്പെടാന് സാധിച്ചില്ല.-ശരണ്യ പറഞ്ഞു.
തിരുവല്ല : ബാർ പരിസരത്ത് തമ്മിൽത്തല്ല് . ബാറിനുള്ളിൽ ഉണ്ടായ തർക്കമാണ് പുറത്ത് തമ്മിലടിയിൽ കലാശിച്ചത്. തിരുവല്ല വളഞ്ഞവട്ടം ഇന്ദ്രപ്രസ്ഥ…
ന്യൂഡല്ഹി: ട്രെയിന് യാത്രയ്ക്കിടെ ബര്ത്ത് പൊട്ടി വീണ് യുവാവ് മരിച്ച വാർത്തയ്ക്ക് പിന്നാലെ വിശദീകരണവുമായി റെയിൽവേ. ബര്ത്ത് പൊട്ടി വീണല്ല…
കോഴിക്കോട് : ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ച പന്ത്രണ്ടുവയസുകാരന് അമീബിക് മസ്തിഷ്ക ജ്വരത്തിന്റെ ലക്ഷണങ്ങൾ. ഫറൂഖ് കോളേജ് ഇരുമൂളിപ്പറമ്പ് സ്വദേശിയെയാണ്…
ലോക്സഭയിലെ പ്രതിപക്ഷ നേതാവെന്ന നിലയിൽ രാഹുൽ ഗാന്ധി ചമതല ഏറ്റെടുത്തു. ഒരു പതിറ്റാണ്ടിനു ശേഷമാണ് കോൺഗ്രസ് ഇത് തിരിച്ച് പിടിക്കുന്നത്.ഇനി…
ന്യൂഡൽഹി∙ ഭരണഘടനയെ പാർലമെന്റിൽ കൊണ്ടുനടക്കുകയും നാടകം കളിക്കുകയും ചെയ്യുന്നവരുടെ തെറ്റായ പ്രവൃത്തികൾ സെപ്റ്റംബർ 6ന് വെളിപ്പെടുമെന്ന് നടിയും ലോക്സഭാംഗവുമായ കങ്കണ…
മലപ്പുറം: എടവണ്ണയിൽ ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തിനശിച്ചു. രാവിലെ 10.30- ഓടെ പത്തപ്പിരിയം വായനശാലക്ക് സമീപമാണ് സംഭവം. എടവണ്ണ പുള്ളാട്ട്…