സത്രം പുല്ലുമേട് കാനനപാതയിൽ അയ്യപ്പ ഭക്തൻ കുഴഞ്ഞ് വീണ് മരിച്ചു

ഇടുക്കി: സത്രം പുല്ലുമേട് കാനനപാതയിൽ അയ്യപ്പ ഭക്തൻ കുഴഞ്ഞ് വീണ് മരിച്ചു. ചെന്നൈ സ്വദേശി യുവരാജ് ആണ് മരിച്ചത്. പുല്ലുമേടിനും കഴുതക്കുഴിക്കും ഇടയിൽ കുഴഞ്ഞ് വീഴുകയായിരുന്നു. ഇന്നലെ വൈകിട്ടായിരുന്നു സംഭവം.

കുഴഞ്ഞ് വീണ യുവരാജിനെ രാത്രിയോടെ പുല്ലുമേട്ടിലെ താൽക്കാലിക ആരോഗ്യ കേന്ദ്രത്തിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം വണ്ടിപ്പെരിയാർ പ്രാഥമിക ആരോഗ്യകേന്ദ്രം മോർച്ചറിയിൽ.

കഴിഞ്ഞ മാസവും, സത്രം-പുല്ലുമേട് വഴി ശബരിമലക്കു പോയ കണ്ണൂര്‍ സ്വദേശി സമാനരീതിയിൽ മരിച്ചിരുന്നു. തോട്ടുമ്മല്‍ മാണിക്കോത്ത് ദിനേശ്(55) ആണ് മരിച്ചത്. സത്രത്തില്‍ നിന്ന് പുല്ലുമേട്ടിലേക്ക് പോയ ഏഴംഗ സംഘത്തില്‍പ്പെട്ടയാളായിരുന്നു ദിനേശന്‍. സീതക്കുളത്ത് എത്തിയപ്പോള്‍ ദിനേശന്‍ അവശനാകുകയായിരുന്നു തുടര്‍ന്ന് വനം വകുപ്പിന്റെ റാപ്പിഡ് റെസ്‌പോണ്‍സ് ടീം വാഹനത്തില്‍ പുല്ലുമേട്ടിലെ ആരോഗ്യ വകുപ്പിന്റെ താത്കാലിക കേന്ദ്രത്തില്‍ എത്തിച്ചെങ്കിലും മരിച്ചു.