സ്ലീവ്ലെസ് ടോപ്പ് ധരിച്ച് ലുക്ക് മാറ്റി സയനോര, ആളാകെ മാറിപ്പോയല്ലോയെന്ന് ആരാധകർ

പുതിയ ലുക്ക് പ്രേക്ഷകർക്ക് പരിചയപ്പെടുത്തി ​ഗായിക സയനോര. മോഡേൺ വസ്ത്രം ധരിച്ച് മുടിയെല്ലാം കളറ് ചെയ്ത് അതീവ ​ഗ്ലാമറസായി നിൽക്കുന്ന ഫോട്ടോയാണ് സോഷ്യൽ മീഡിയയിൽ പങ്കുവെച്ചിരിക്കുന്നത്. സയനോരയുടെ മേക്കോവർ ചിത്രങ്ങൾക്കു പ്രതികരണങ്ങളുമായ് നിരവധി പേരാണു രംഗത്തെത്തിയത്. തനിക്ക് ഈ ലുക്ക് ഏറെ ഇഷ്ടമായി എന്ന് ചിത്രങ്ങൾക്കു താഴെ നടി മന്യ കുറിച്ചു. സയനോരയ്ക്ക് എല്ലാ ലുക്കും ഇണങ്ങും എന്നാണ് ഒരു ആരാധകൻ കുറിച്ചത്.

മലയാളത്തിന്റെ പ്രീയ ഗായികയാണ് സയനോര ഫിലിപ്പ്. ലാൽ ജോസിന്റെ സംവിധാനത്തിൽ 2001ൽ പുറത്തിറങ്ങിയ ‘രണ്ടാം ഭാവം’ എന്ന ചിത്രത്തിലെ ‘മറന്നിട്ടുമെന്തിനോ മനസിൽ തുളുമ്പുന്ന’എന്ന ഗാനവുമായാണ് സയനോര എത്തിയിരിക്കുന്നത്. ഗിത്താറിസ്റ്റായും ഗായികയായും തിളങ്ങിയതിനു ശേഷം സയനോര സംഗീത സംവിധാന രംഗത്തേക്കും ചുവടുവെച്ചിരുന്നു. മലയാളത്തിന്റെ അതിരുകൾക്കപ്പുറത്തേക്കു വളർന്ന്, എ.ആർ റഹ്മാൻ ഉൾപ്പടെയുള്ള സംഗീത മാത്രികർക്കൊപ്പം പ്രവർത്തിച്ചിട്ടുണ്ട്. കഴിഞ്ഞ ദിവസം സുഹൃത്തുക്കളും നടിമാരുമായ രമ്യ നമ്പീശൻ, ശിൽപ ബാല, മൃദുല മുരളി, ഭാവന എന്നിവർക്കൊപ്പം നൃത്തം ചെയ്യുന്ന വീഡിയോ സയനോര പങ്കുവെച്ചുരുന്നു.

എന്നാൽ നിമിഷ നേരം കൊണ്ട് വൈറലായ വീഡിയോയ്ക്ക് നേരെ നിരവധി വിമർശനങ്ങളാണ് ഉയർന്നത്. കൂടുതലും സയനോരയുടെ വസ്ത്രധാരണത്തെ ചൂണ്ടിക്കാണിച്ചുകൊണ്ടായിരുന്നു സൈബർ ആങ്ങളമാരുടെ വിമർശനം. തുടർന്ന് അതേ വേഷം ധരിച്ചുകൊണ്ടുള്ള ചിത്രം പോസ്റ്റ് ചെയ്തുകൊണ്ടായിരുന്നു വിമർശനങ്ങൾക്കുള്ള സയനോരയുടെ അന്നത്തെ ശക്തമായ മറുപടി.