ബംഗളുരുവിലെ നഴ്സിംഗ് കോളജിൽ അഡ്മിഷൻ വാഗ്ദാനം ചെയ്ത് തട്ടിപ്പ്, SMAC ഗ്ലോബൽ എജ്യുക്കേഷൻ പറയുന്നത് കേട്ട് ഓടേണ്ട, ശുദ്ധ തട്ടിപ്പ്, പണം പോകും, കുട്ടികളുടെ ഭാവിയും

തിരുവനന്തപുരം . ബംഗളുരുവിലെ നഴ്സിംഗ് കോളജിൽ അഡ്മിഷൻ വാഗ്ദാനം ചെയ്ത തട്ടിപ്പ് നടത്തിയ തിരുവനന്തപുരം കിളമാനൂരിൽ പ്രവർത്തിക്കുന്ന SMAC ഗ്ലോബൽ എജ്യുക്കേഷൻ എന്ന സ്ഥാപനത്തിനെതിരെ പരാതി. പത്തോളം വിദ്യാർത്ഥികൾ ആണ് പരാതിയുമായി കിളമാനൂർ പൊലീസിനെ സമീപിച്ചിരിക്കുന്നത്. സംഭവത്തിൽ തട്ടിപ്പു കാരുമായി ഒത്തു കളി നടത്തുന്ന കിളിമാനൂർ പൊലീസ് കേസെടുക്കാൻ തയ്യാറാകുന്നില്ലെന്ന് വിദ്യാർത്ഥികളും രക്ഷിതാക്കളും ആരോപിക്കുന്നു.

രാജീവ് ഗാന്ധി സർവകലാശാലക്ക് കീഴിലുള്ള കർണ്ണാടക കോളജിൽ അഡ്മിഷൻ വാഗ്ദാനം ചെയ്തായിരുന്നു തട്ടിപ്പ്കോ നടക്കുന്നത്. കോളേജിൽ അഡ്മിഷൻ ഉറപ്പായി എന്ന് ചൂണ്ടിക്കാട്ടി കിളിമാനൂരിലെ SMAC ശാഖാ 2022ലാണ് ഇവിടുത്തെ 10 വിദ്യാർത്ഥികൾക്ക് വ്യാജ അഡ്മിഷൻ ലെറ്റർ നൽക്കുകയായിരുന്നു. അഡ്മിഷൻ ഫീ ഇനത്തിൽ 65,000 രൂപയോളം ഇവർ ഇങ്ങനെ തട്ടിയെടുത്തു. ഒപ്പം വിദ്യാഭ്യാസ വായ്പ എന്ന് പറഞ്ഞ് രക്ഷിതാക്കളുടെ പേരിൽ ലക്ഷക്കണക്കിന് രൂപയുടെ വ്യക്തഗത ലോണും തരപ്പെടുത്തുകയാണ് ഉണ്ടായത്.

തട്ടിപ്പിന് ഇരകളായ പത്തു വിദ്യാർത്ഥികൾ കിളിമാനൂർ പൊലീസിൽ പരാതി നൽകിയെങ്കിലും കേസുടുക്കാൻ തയാറാകുന്നില്ലെന്ന് രക്ഷിതാക്കൾ ആരോപിക്കുന്നു. ആരോപണ വിധേയരാറുമായി സി ഐ ക്കുള്ള അട്ജെസ്റ്മെന്റാണ് ഇതിനു കാരണം. സംഭവത്തിൽ സി ഐ ക്കെതിരെ സംസ്ഥാന മനുഷ്യാവകാശ കമ്മീഷനും ദേശീയ മനുഷ്യാവകാശ കമ്മീഷനും പരാരാതി നൽകുന്നുണ്ട്.

വിദ്യാർത്ഥികൾ വിഷയം ചൂണ്ടിക്കാട്ടി സംസ്ഥാന പൊലീസ് മേധാവിക്ക് പരാതി നൽകിയിരുന്നു. കർണ്ണാടക കോളജിന് പകരം കോളജിന്റെ മറ്റൊരു കേന്ദ്രമായ ഫാദർ മാത്യുസ് കോളജിലാണ് ഇവരെ പ്രവേശിപ്പിച്ചിരുന്നത്. യൂണിവേഴ്സിറ്റി അഡ്മിഷൻ പട്ടികയിൽ ഇവരുടെ പേരുകളും ഉണ്ടായിരുന്നില്ല. കോളജിന് അംഗീകാരമില്ലെന്ന് പിന്നീട് അന്വേഷിച്ചപ്പോൾ മനസിലായെന്ന് വിദ്യാർത്ഥികൾ പറഞ്ഞിരിക്കുന്നു. തട്ടിപ്പ് മനസ്സിലായ വിദ്യാർത്ഥികൾ ഇതോടെ ഇപ്പോൾ നാട്ടിലെത്തിയിരിക്കുകയാണ്.