തിരൂർ : നവകേരള സദസിന്റെ ഭാഗമായി മുഖ്യനും മന്ത്രിമാരും വരുന്ന ബസിന് വഴിയൊരുക്കാൻ സ്കൂളിന്റെ മതിൽ പൊളിച്ചു. തിരൂർ മണ്ഡലത്തിന്റെ നവകേരള സദസ്സ് നടക്കുന്ന തിരൂർ ബോയ്സ് ഹയർസെക്കൻഡറി സ്കൂളിന്റെ മതിലാണ് പൊളിച്ചത്. മതിൽ പൊളിച്ച ഭാഗത്തുണ്ടായിരുന്ന അഴുക്കുചാൽ പാറപ്പൊടിയിട്ട് മൂടുകയും ചെയ്തു. സ്കൂളിന്റെ പ്രധാന കവാടത്തിലൂടെ ബസിന് ഉള്ളിലേക്കു കടക്കാൻ സാധിക്കില്ല. അതിനാലാണ് മതിൽ ഇടിച്ച് ബസിന് വഴിയൊരുക്കിയത്.
മതിൽ ഇടിക്കുക മാത്രമല്ല ബസിന് അകത്തേക്കു കടക്കാനായി ചാലും മൂടി. പരിപാടി കഴിഞ്ഞാലുടൻ മതിലിന്റെ പൊളിച്ച ഭാഗം തിരികെ നിർമിച്ചു നൽകുമെന്ന് പരിപാടിയുടെ സംഘാടക സമിതി ചെയർമാനും ബ്ലോക്ക് പഞ്ചായത്ത് പ്രസിഡന്റുമായ യു.സൈനുദ്ദീൻ ഉറപ്പു നൽകിയതിനെ തുടർന്നായിരുന്നു നടപടി. വലിയ ജനത്തിരക്ക് പ്രതീക്ഷിക്കുന്നതിനാൽ ആളുകൾക്ക് വേഗത്തിൽ കടന്നുപോകാനും ഈ ഭാഗം ഉപയോഗിക്കും എന്നാണ് സംഘാടകർ നൽകുന്ന വിശദീകരണം.
അതേസമയം, നവകേരള സദസിന്റെ പേരിൽ വിദ്യാലയങ്ങളില് മുഖ്യമന്ത്രിയുടെ മന്ത്രിമാരുടെയും ചിത്രങ്ങള് ഉള്പ്പെട്ട ഫ്ളെക്സ് ബോര്ഡുകള് സ്ഥാപിക്കാന് പ്രഥമാദ്ധ്യാപകര്ക്ക് നിര്ദ്ദേശം. വിദ്യാര്ത്ഥികളെ മുഖ്യമന്ത്രിക്കായി കീ ജയിക്കാന് പെരിവെയിലത്ത് ഇറക്കി നിര്ത്തിയ സംഭവത്തിൽ ദേശീയ ബാലാവകാശകമീഷൻ വിശദീകരണം തേടിയതിന് പിന്നാലെയാണ് പുതിയ വിവാദങ്ങളും ഉയരുന്നത്.
തിരുവനന്തപുരത്തെ ആറ്റിങ്ങല്, ചിറയിന്കീഴ് മണ്ഡലങ്ങളിലെ സ്കൂളുകളിലാണ് നിര്ദ്ദേശം. ബോര്ഡുകള് സ്ഥാപിക്കാന് ചിറയിന്കീഴ് താലൂക്ക് ഓഫിസില് നിന്നാണ് പ്രഥമാദ്ധ്യാപകര്ക്ക് നിര്ദ്ദേശം. നവകേരള സദസ് ആറ്റിങ്ങല്, ചിറയിന്കീഴ് മണ്ഡലങ്ങളില് അടുത്തമാസം 21നാണ് നടക്കുക. വിദ്യാലയങ്ങള്ക്കു മുന്നില് സ്ഥാപിക്കേണ്ട ഫ്ളെക്സ് ബോര്ഡുകളുടെ മാതൃകയും പ്രഥമാധ്യാപകര്ക്ക് ഇ-മെയില് അയച്ചു നല്കിയിട്ടുണ്ട്.
ഇതില് മുഖ്യമന്ത്രിയുടെ ചിത്രമാണ് ഏറ്റവും വലുതായി വേണ്ടത്. മണ്ഡലത്തിലെ എം.എല്.എയായ വി.ശശിയുടെ ചിത്രവും ചെറുതാക്കരുത്. മറ്റു മന്ത്രിമാരുടെ ചിത്രങ്ങള് ചെറുതായി മതിയെന്നാണ് നിര്ദ്ദേശം. ഈ മണ്ഡലങ്ങളിലെ നവകേരള സദസ്സ് ജോയിന്റ് കണ്വീനറാണ് ഉത്തരവ് ഉപജില്ലാ വിദ്യാഭ്യാസ ഓഫിസര്മാര്ക്ക് അയച്ചത്. ഫ്ളെക്സ് ബോര്ഡുകള് സ്ഥാപിക്കുന്നതിന് ചെലവാകുന്ന തുക സ്കൂള് ഫണ്ടില് നിന്ന് കണ്ടെത്താനാണ് നിർദ്ദേശം.
തിരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ സുരേഷ് ഗോപി ഇന്നലെ ലൂർദ് മാതാവിന് നന്ദി സൂചകമായി സ്വർണ കൊന്ത സമർപ്പിച്ചിരുന്നു. നിരവധി…
തൃശൂർ: കുന്നംകുളത്തിന്റെ വിവിധ ഭാഗങ്ങളിൽ വീണ്ടും ഭൂചലനം അനുഭവപ്പെട്ടതായി നാട്ടുകാർ. ഞായറാഴ്ച പുലർച്ച 3.55നാണ് സംഭവം. കുന്നംകുളം, കാണിപ്പയ്യൂർ, ആനയ്ക്കൽ,…
തന്നെക്കാൾ ജനപ്രീതി ഗവർണർ അന്ദബോസിന് ഉണ്ടാകുമെന്നു മമത ഭയക്കുന്നു ഇരയായവരെ കണ്ടാൽ ആരാണ് ജനങ്ങൾക്കൊപ്പം നിൽക്കുന്നതെന്ന് ബംഗാൾ ഒന്നടങ്കം മനസിലാക്കും…
തിരുവനന്തപുരം: സംസ്ഥാനത്ത് പക്ഷിപ്പനി സംബന്ധിച്ച് ആരോഗ്യ വകുപ്പ് പ്രത്യേക മാർഗനിർദേശങ്ങളും സാങ്കേതിക മാർഗങ്ങളും പുറത്തിറക്കി. ചേർത്തലയിൽ താറാവുകളിലും കാക്കകളിലും പക്ഷിപ്പനി…
തിരുവനന്തപുരം: കുവൈത്ത് ദുരന്തത്തിൽ മരണപ്പെട്ട നാല് പേരുടെ സംസ്കാരം ഇന്ന് പൂർത്തിയായി. കൊല്ലം വിളച്ചിക്കാല സ്വദേശി ലൂക്കോസ്, കണ്ണൂർ കുറുവ…
കോട്ടയം: ചിങ്ങവനം പൊലീസ് സ്റ്റേഷനില് തമ്മില് തല്ലിയ രണ്ട് പൊലീസുകാര്ക്ക് സസ്പെന്ഷന്. സിപിഒമാരായ സുധീഷ്, ബോസ്കോ എന്നീ ഉദ്യോഗസ്ഥരെയാണ് സസ്പെന്ഡ്…