ലോകം മുഴുവന്‍ ആളുകള്‍ മരിച്ച് വീഴുമ്പോള്‍ എന്ത് ഓണം, സീമ പറയുന്നു

ഓണത്തിന് ആയി ഒരുങ്ങിയിരിക്കുകയാണ് മലയാളികള്‍.ഇക്കുറി മലയാളികളുടെ ഓണം കോവിഡ് മഹാമാരിക്ക് ഇടെയാണ്.മഹാമാരിക്ക് ഇടെയും ശോഭ മങ്ങാതെ ഓണം ആഘോഷിക്കാനാവും എന്ന വിശ്വാസത്തിലാണ് മലയാളികള്‍.ഈ സാഹചര്യത്തില്‍ നടി സീമയുടെ വാക്കുകളാണ് ശ്രദ്ധേയമാകുന്നത്.കോവിഡ് 19 മഹാമാരി വലിയ ദുരിതം വിതച്ചതിനാല്‍ ഈ വര്‍ഷത്തെ ഓണാഘോഷത്തിന് പങ്ക് ചേരുന്നില്ല എന്നാണ് സീമ തുറന്ന് പറയുന്നത്.ലോകം മുഴുവന്‍ ആളുകള്‍ മരിച്ച് വീഴുമ്പോള്‍ എന്ത് ഓണം എന്നാണ് സീമ ചോദിക്കുന്നത്.മാത്രമല്ല ഭര്‍ത്താവ് ഐവി ശശിയും അമ്മയും പോയ വര്‍ഷങ്ങളില്‍ വിട പറഞ്ഞതിനാല്‍ രണ്ട് വര്‍ഷമായി താന്‍ ഓണം ആഘോഷിച്ചിട്ടില്ലെന്നും സീമ പറയുന്നു.ഒരു മാഗസിന് അനുവദിച്ച അഭിമുഖത്തിലാണ് സീമ ഓണത്തെ കുറിച്ച് പറഞ്ഞത്.

സീമയുടെ വാക്കുകളിങ്ങനെ,’ശശിയേട്ടന്‍ ഉള്ളപ്പോള്‍ ഓണാഘോഷം ഗംഭീരമായിരുന്നു.ശശിയേട്ടന് എന്നും ഓണമായിരുന്നു.എന്ന് പറയാം.ലൊക്കേഷനിലായാലും,വീട്ടിലായാലും ആഘോഷത്തിന് ഒരു കുറവുമുണ്ടാകില്ല. എല്ലാവരും ഒന്നിച്ച് ചേര്‍ന്നുള്ള ആ ഓണക്കാലങ്ങളാണ് ഇപ്പോഴും എപ്പോഴും മനസ്സില്‍ നിറഞ്ഞു നില്‍ക്കുന്നത്. ശശിയേട്ടന്‍ പോയപ്പോള്‍ അതൊക്കെകൂടിയാണ് നഷ്ടമായത്.ശശിയേട്ടനും അമ്മയും അടുത്തടുത്ത വര്‍ഷങ്ങളില്‍ വിട്ടു പിരിഞ്ഞതിനാല്‍ കഴിഞ്ഞ രണ്ടു വര്‍ഷമായി ഓണഘോഷമില്ല.ഈ വര്‍ഷം ഓണം ആഘോഷിക്കാന്‍ പറ്റിയ ഒരു സാഹചര്യവുമില്ലല്ലോ,ലോകം മൊത്തം ആളുകള്‍ മരിച്ചു വീഴുമ്‌ബോള്‍ എന്ത് ഓണം. എല്ലാവരും എത്രയും പെട്ടെന്ന് ഈ ദുരിതത്തില്‍ നിന്ന് കരകയറട്ടെ എന്നാണ് എന്റെ ആശംസ.ഇനി വരുന്ന ഓണക്കാലങ്ങള്‍ സന്തോഷമായിരിക്കട്ടെ എന്ന് പ്രാര്‍ത്ഥിക്കാം’.