ഷാജൻ സ്കറിയയുടെ മുൻ കൂർ ജാമ്യ ഹരജി സുപ്രീം കോടതിയിൽ

മറുനാടൻ മലയാളി ഉടമ ഷാജൻ സ്കറിയയുടെ മുൻ കൂർ ജാമ്യ ഹരജി സുപ്രീം കോടതിയിൽ.അടിയന്തിര പ്രാധാന്യത്തോടെ നല്കിയ ഹരജി ഞായറാഴ്ച്ച തന്നെ ഫയലിൽ എടുക്കുകയായിരുന്നു.കേസിൽ ഇനി ഏത് ബഞ്ചിലേക്കാണ്‌ വാദത്തിനെടുക്കുന്നത് എന്നും തിയതിയും തീരുമാനിച്ചിട്ടില്ല. മുതിർന്ന അഭിഭാഷകൻ സിദ്ധാർത്ഥ് ലൂത്രയാണ് സുപ്രീംകോടതിയിൽ ഷാജനു വേണ്ടി ഹാജരാകുന്നത്.മുൻ അഡീഷണൽ സോളിസിറ്റർ ജനറയാണ് ലൂത്ര. ഭരണഘടനാ കേസുകളിലും ക്രിമിനൽ നിയമത്തിലും വിദഗ്ധനാണ്. ഡൽഹി മുഖ്യമന്ത്രി അരവിന്ദ് കെജ്രിവാളിനെതിരായ ക്രിമിനൽ മാനനഷ്ടക്കേസിൽ മുൻ കേന്ദ്രമന്ത്രി അരുൺ ജെയ്റ്റ്‌ലിക്ക് വേണ്ടി ഹാജരായത് ലൂത്രയായിരുന്നു.അതിനാൽ തന്നെ വളരെ പ്രതീക്ഷയോടെയാണ്‌ ഷാജൻ സ്കറിയയുടെ നീക്കങ്ങൾ നടക്കുന്നത്.

സുപ്രീം കോടതിയിൽ പോരാടാനുള്ള നിലപാട് വ്യക്തമാക്കിയതോടെ ഷാജൻ ഒളിവിൽ തുടരും എന്ന് തന്നെയാണ്‌ സൂചന. ഷാജനെ അറസ്റ്റ് ചെയ്യാൻ 2 എസ്.പി റാങ്കിൽ ഉള്ള ഉദ്യോഗസ്ഥരുടെ നേതൃത്വത്തിൽ വിവിധ സംഘങ്ങളായാണ്‌ പോലീസ് നീങ്ങുന്നത്. 3 ആഴ്ച്ചയായിട്ടും ഷാജൻ ഒളിവിൽ കഴിയുകയാണ്‌. വീട്ടിലേക്കും ബന്ധപ്പെടുന്നില്ല. ഓഫീസിലേക്കും വിളിക്കുന്നില്ല. ഇതോടെ ഷാജന്റെ ലൊക്കേഷൻ കണ്ടെത്താനും പോലീസിനു സാധിക്കുന്നില്ല.

പി വി അൻ വറും സി.പി.എമ്മും നിരന്തിരം വെല്ലുവിളികൾ നടത്തുന്നു എങ്കിലും ഷാജൻ സ്കറിയ അതിനെയും പോലീസിന്റെ നീക്കങ്ങളേയും അതിജീവിച്ചാണ്‌ ഒളിവിൽ തുടരുന്നത്.കുന്നത്തുനാട് എംഎൽഎ വി ശ്രീനിജിൻ എംഎൽഎ നൽകിയ കേസിലാണ് ഷാജൻ സ്‌കറിയ മുൻകൂർ ജാമ്യം തേടിയത്. ജാമ്യാപേക്ഷ തള്ളിയ എറണാകുളം സെഷൻസ് കോടതി വിധി ഹൈക്കോടതി സിംഗിൾ ബെഞ്ച് ശരിവെക്കുകയായിരുന്നു. പിവി ശ്രീനിജൻ എംഎൽഎയുടെ പരാതിയിൽ പട്ടികജാതി അതിക്രമം തടയൽ നിയമത്തിലെ 3 -1 (ആർ), 3-1 (യു) വകുപ്പുകളനുസരിച്ചാണ് എളമക്കര പൊലീസാണ് ഷാജൻ സ്‌കറിയക്കെതിരെ കേസെടുത്തത്.