സ്നേഹയ്ക്കും ശ്രീകുമാറിനും കുഞ്ഞു ജനിച്ചു, സന്തോഷ വാർത്ത പങ്കുവെച്ച് താരങ്ങൾ

ആദ്യത്തെ കൺമണിയെ വരവേറ്റതിന്റെ സന്തോഷത്തിലാണ് മലയാള ടെലിവിഷൻ പ്രേക്ഷകർക്ക് ഏറെ പ്രിയപ്പെട്ട സ്നേഹയും ശ്രീകുമാറും. കാത്തിരിപ്പുകൾക്ക് അന്ത്യം കുറിച്ച് ഇരുവർക്കും ആൺകുട്ടി ജനിച്ചിരിക്കുകയാണ്. നിരവധി താരങ്ങളാണ് ആശംസകളറിയിച്ചെത്തിയത്.

ഇന്നലെ വൈകീട്ടാണ് കുഞ്ഞ് ജനിച്ചത്. ഗർഭകാല വിശേഷങ്ങളെല്ലാം സ്നേഹ സമൂഹ മാധ്യമത്തിലൂടെ ആരാധകരുമായി പങ്കിട്ടിരുന്നു. കുഞ്ഞിന്റെ ചിത്രങ്ങൾ ഇരുവരും പങ്കുവച്ചിട്ടില്ല. ഏറെ നാളത്തെ കാത്തിരിപ്പിന് ശേഷം പ്രിയതാരങ്ങൾക്ക് കുഞ്ഞ് ജനിച്ചതിന്റെ സതോഷം കമന്റുകളായി ആരാധകരും കുറിച്ചു.

അടുത്തിടെ താരങ്ങൾ പങ്കുവെച്ച വീഡിയോ വൈറലായിരുന്നു. നിറവയറിലുള്ള സ്നേഹയും കരുതലോടെ ഒപ്പം നിൽക്കുന്ന ശ്രീകുമാറിന്റെയും വീഡിയോ സമൂഹമാധ്യമങ്ങളിൽ വൈറലായിരുന്നു . ‘പൊന്നൂഞ്ഞാലി’ എന്ന ഗാനത്തിന്റെ ദൃശ്യവിഷ്‌കാരമാണ് ഇരുവരും പ്രേക്ഷകര്‍ക്കായി ഒരുക്കിവച്ചത്. സ്‌നേഹത്തോടെ കുഞ്ഞിനെ കാത്തിരിക്കുന്ന അച്ഛന്റെയും അമ്മയുടെയും സന്തോഷമാണ് വിഡിയോയിലുടനീളം. ഭാര്യയെ സ്‌നേഹത്തോടെ താലോലിക്കുന്ന ശ്രീകുമാറും സ്‌നേഹയുടെ നൃത്തച്ചുവടുകളുമെല്ലാം മനസ്സിന് കുളിര്‍മയേകുന്ന വീഡിയോയായിരുന്നു.