ആര്‍എസ്പിയില്‍ ഭിന്നത; പാര്‍ട്ടിയില്‍ നിന്ന് അവധിയെടുത്ത് ഷിബു ബേബി ജോണ്‍

ആര്‍എസ്പിയില്‍ ഭിന്നത രൂക്ഷമാകുന്നു.നിയമസഭാ തെരഞ്ഞെടുപ്പിലെ കനത്ത പരാജയത്തിന് പിന്നാലെയാണ് പാര്‍ട്ടിയില്‍ ഭിന്നത രൂക്ഷമാകുന്നത്. ഷിബു ബേബി ജോണ്‍ രണ്ടാം വട്ടവും ചവറയില്‍ തോല്‍വി ഏറ്റുവാങ്ങിയതോടെ പാര്‍ട്ടിയില്‍ നിന്ന് അവധിയെടുത്തു.

ഷിബു ബേബി ജോണ്‍ കഴിഞ്ഞ ദിവസം നടന്ന യുഡിഎഫ് യോഗത്തിലും പങ്കെടുത്തിരുന്നില്ല. ഷിബുവിനെ മാനസികമായും സാമ്ബത്തികമായും തുടര്‍ച്ചയായി ചവറയിലുണ്ടായ രണ്ട് തോല്‍വികള്‍ തളര്‍ത്തിയതായി അടുപ്പക്കാര്‍ പറയുന്നു.കൂടാതെ ഷിബുവിന് പാര്‍ട്ടിയിലും മുന്നണിയിലും വേണ്ടത്ര പരിഗണന കിട്ടുന്നില്ലെന്നും പരിഭവമുണ്ട്. പാര്‍ട്ടിയെ ഷിബു അറിയിച്ചിരിക്കുന്നത് അവധി എടുത്തത് ആയുര്‍വേദ ചികിത്സക്കായിട്ടാണെന്നാണ്.