ദല്ലാൾ നന്ദകുമാറിനെതിരെ പരാതി നൽകി ശോഭ സുരേന്ദ്രൻ, കേസെടുത്തു

ആലപ്പുഴ: വിവാദ ദല്ലാൾ ടി.ജി നന്ദകുമാറിനെതിരെ പൊലീസിൽ പരാതി നൽകി ബിജെപി നേതാവ് ശോഭ സുരേന്ദ്രൻ. സ്ത്രീത്വത്തെ അപമാനിക്കുന്ന പരാമർശം നടത്തിയെന്ന് ചൂണ്ടിക്കാട്ടിയാണ് പരാതി.
പുന്നപ്ര പൊലീസാണ് കേസെടുത്തിരിക്കുന്നത്. പരാതിയുടെ പശ്ചാത്തലത്തിൽ ശോഭ സുരേന്ദ്രന്റെ മൊഴി രേഖപ്പെടുത്തി. നന്ദകുമാറിന്റെ വാർത്താ സമ്മേളനത്തിലെ പരാമർശങ്ങൾ പരിശോധിക്കുമെന്ന് പൊലീസ് അറിയിച്ചു.

അതേസമയം വ്യാജ ആരോപണം നടത്തുന്ന ദല്ലാൾ നന്ദകുമാറിനെതിരെ ശോഭാ സുരേന്ദ്രൻ ഡിജിപിക്കാണ് തെളിവുകൾ സഹിതം പരാതി നൽകിയിരിന്നു. കേരളത്തിൽ സ്ത്രീകൾക്ക് നേരെ സൈബർ ആക്രമണമുണ്ടായാൽ നടപടി ഉണ്ടാകുമെന്ന് മുഖ്യമന്ത്രി പറഞ്ഞിരുന്നു. ഇത്തരത്തിൽ തനിക്കെതിരെ സൈബർ ആക്രമണം നടത്തുന്ന നന്ദകുമാറിനെ അടിയന്തരമായി അറസ്റ്റ് ചെയ്യാൻ മുഖ്യമന്ത്രി തയ്യാറാവണമെന്നും ശോഭ സുരേന്ദ്രൻ പറയുകയുണ്ടായി . സ്ത്രീയെന്ന നിലയിൽ തന്നെ അപമാനിക്കാനാണ് നന്ദകുമാർ ശ്രമിക്കുന്നതെന്നും അവർ കൂട്ടിച്ചേർത്തു.

ദല്ലാൾ നന്ദകുമാറിന്റെ ആരോപണങ്ങൾക്ക് മറുപടിയുമായി കഴിഞ്ഞ ദിവസവും ശോഭാ സുരേന്ദ്രൻ രംഗത്തെത്തിയിരുന്നു. തെളിവുകൾ സഹിതമായിരുന്നു നന്ദകുമാറിന്റെ ആരോപണങ്ങളെ ശോഭാ സുരേന്ദ്രൻ നേരിട്ടത്.