പിണറായിയുടെ ദുബൈ ബാങ്ക് അക്കൗണ്ട് വിവരങ്ങളുമായി ഷോൺ ജോർജ്

മുഖ്യമന്ത്രി പിണറായി വിജയനും കുടുംബവും യു എ യിൽ എത്തിയത് അഴിമതി പണം ബാങ്ക് അക്കൗണ്ടുകളിൽ സ്വീകരിക്കാൻ. വൻ വെളിപ്പെടുത്തലുമായി ബിജെപി നേതാവ് ഷോൺ ജോർജ്. മുഖ്യമന്ത്രിക്ക് യു എ ഇയിൽ ബാങ്ക് അക്കൗണ്ടുകൾ ഉണ്ട്. എക്സാ ലോജിക് കമ്പിനി ഉടമകൾക്കും ബാങ്ക് അക്കൗണ്ടുകൾ ഉണ്ട്.

ഇതിൽ പണം എത്തി. മുഖ്യമന്ത്രിക്ക് വിദേശത്ത് പോകാൻ പാടില്ല എന്നൊന്നും ഇല്ല. എന്നാൽ ബാങ്ക് അക്കൗണ്ടുകളിൽ എത്തിയ പണം അന്വേഷിക്കണം. ഇതുമായി ബന്ധപ്പെട്ട് അടിയന്തിര അന്വേഷണത്തിനു കേരള ഹൈക്കോടതിയിൽ ഷോൺ ജോർജ് ഹരജി സമർപ്പിച്ചു.

പ്രതികളായ പിണറായി വിജയൻ, വീണാ വിജയൻ, മുഹമദ് റിയാസ് തുടങ്ങിയവരുടെ വിദേശ ബാങ്ക് അക്കൗണ്ടുകൾ കേന്ദ്ര ഏജൻസി അന്വേഷിക്കണം എന്ന ആവശ്യമാണ്‌ ഹൈക്കോടതിയിലെ ഷോണിന്റെ വൻ നീക്കത്തിലൂടെ പുറത്ത് വരുന്നത്.

ഈ അക്കൗണ്ടിലേക്ക് കോടികളാണ് എത്തിയതെന്നും അന്വേഷണം വേണമെന്നും ആവശ്യം ഉന്നയിച്ച് അദ്ദേഹം ഹൈക്കോടതിയിൽ ഉപഹർജി സമർപ്പിച്ചു.

എക്സാലോജിക്കിന്റെ ഓഹരി ഉടമകൾക്ക് വിദേശത്ത് അക്കൗണ്ടുകളുണ്ടെന്നും എസ്എൻസി ലാവ്‌ലിന്‍, പിഡബ്ല്യുസി അടക്കമുള്ള കമ്പനികൾ‌ പണം നൽകിയെന്നുമാണ് ആരോപണം. അബുദാബിയിലാണ് അക്കൗണ്ട് പ്രവർത്തിക്കുന്നതെന്നും ഉപഹർജിയിൽ പറയുന്നു.

എക്സാലോജിക്-കരിമണൽ കമ്പനിയായ സി.എം.ആർ.എലും തമ്മിലുള്ള ഇടപാടിൽ എസ്.എഫ്.ഐ.ഒ അന്വേഷണം ആവശ്യപ്പെട്ട് ഷോൺ ജോർജും എസ്.എഫ്.ഐ.ഒ അന്വേഷണം സ്റ്റേ ചെയ്യണമെന്ന് ചൂണ്ടിക്കാട്ടിയുള്ള സി.എം.ആർ.എല്ലിന്‍റെയും ഹരജികൾ നാളെ ഹൈകോടതി പരിഗണിക്കും.

പരാതിയുമായി ബന്ധപ്പെട്ട കൂടുതൽ രേഖകൾ കോടതിയിൽ ഷോൺ ജോർജ് കഴിഞ്ഞ ദിവസം സമർപ്പിച്ചിട്ടുണ്ട്. കൂടുതൽ വിവരങ്ങൾ എറണാകുളത്ത് ഇന്ന് 11.30ന് നടത്തുന്ന വാർത്താസമ്മേളനത്തിൽ പുറത്തുവിടുമെന്ന് ഷോൺ ജോർജ് അറിയിച്ചു.