വടകരയിൽ വ്യാപാരിയെ കൊലപ്പെടുത്തി പണവും സ്വർണവും കവർന്നു

കോഴിക്കോട്: വ്യാപാരി കടയ്ക്കുള്ളിൽ മരിച്ച നിലയിൽ കണ്ടെത്തി. അടക്കാത്തെരു പുതിയാപ്പ സ്വദേശി ഇ എ ട്രെഡേഴ്സ് (പല വ്യഞ്ജന കട ) ഉടമ രാജൻ 62 നെയാണ് മരിച്ച നിലയിൽ കണ്ടെത്തിയത്. വടകര മാർക്കറ്റ് റോഡിൽ ഇന്നലെ രാത്രി 12 മണിയോടെയാണ് സംഭവം നടന്നത്.

രാജൻ വീട്ടിലെത്താൻ വൈകിയതോടെ മകനും മരുമകനും കൂടി അന്വേഷിച്ച് കടയിൽ എത്തിയപ്പോഴാണ് നിലത്ത് വീണ് കിടക്കുന്ന നിലയിൽ രാജനെ കാണുന്നത്. ഇയാളുടെ ശരീരത്തിലുണ്ടായിരുന്ന 3 പവൻ സ്വർണ ചെയിനും, മോതിരവും, കടയിലുണ്ടായിരുന്ന പണവും നഷ്ടമായി. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

മോഷണ ശ്രമത്തിനിടെ ഉണ്ടായ കൊലപാതകമാണെന്നാണ് പ്രാഥമിക നിഗമനം. രാജന്റെ മൃതദേഹത്തിൽ മുഖത്തും കഴുത്തിലും പരിക്കുകൾ ഉണ്ടായിരുന്നതായി പോലീസ് പറഞ്ഞു.