സരിത മക്കളെ വളർത്തിയത് സ്‌നേഹത്തിന്റെയും ബന്ധത്തിന്റെയും വില മനസ്സിലാക്കി, ചർച്ചയായി ശ്രാവണിന്റെ പോസ്റ്റ്

നടൻ മുകേഷിന്റെയും നടി സരിതയുടെയും മകനായ ഡോ. ശ്രാവൺ മുകേഷ് മാതാപിതാക്കളുടെ പാത പിന്തുടർന്ന് അഭിനയ രംഗത്ത് എത്തിയിരുന്നു. ചെറുതും വലുതുമായ പല കഥാപാത്രങ്ങളും അവതരിപ്പിച്ചു. 2018ൽ പുറത്തിറങ്ങിയ കല്യാണം എന്ന ചിത്രത്തിലൂടെയാണ് താരപുത്രൻ നായകനായി എത്തിയത്. അഭിനേതാവ് എന്നതിലുപരി ഇന്ന് ഒരു ഡോക്ടർ കൂടിയാണ് ശ്രാവൺ. കുടുംബ സമേതം ദുബൈയിലാണ് ശ്രാവണിന്റെ ജീവിതം. 1998ലാണ് മുകേഷും സരിതയുമായുള്ള വിവാഹം നടക്കുന്നത്. 2011ൽ ഇരുവരും ബന്ധം പിരിയുകയും ചെയ്തു. ശ്രാവണിനൊപ്പം ദുബായിലാണ് അമ്മ സരിതയും താമസിക്കുന്നത്.

ഇപ്പോൾ ഏറ്റവുമൊടുവിൽ ശ്രാവൺ ഒരു ഇൻസ്റ്റഗ്രാം പോസ്റ്റ് പങ്കുവച്ചിട്ടുണ്ട്. അമ്മയും സഹോദരനും തന്റെ നെടുന്തൂണുകളാണ് എന്ന് ആ പോസ്റ്റിൽ താരപുത്രൻ വ്യക്തമാക്കുന്നു. തന്റെ ബർത്ത്‌ഡേയോട് അനുബദ്ധിച്ചാണ് ശ്രാവണിന്റെ പോസ്റ്റ്. ‘ബർത്ത്‌ഡേ എന്നത് ഒരു പുതിയ തുടക്കവും, ആരംഭവുമാണ്. പുതിയ പ്രതീക്ഷയോടെ, പുതിയ പരീക്ഷണങ്ങൾ നടത്താനും, ആത്മവിശ്വാസത്തോടെയും ധൈര്യത്തോടെയും മുന്നോട്ട് പോകാനുള്ള തുടക്കം. എന്റെ നെടുന്തൂണും ശക്തിയുമായി കൂടെ നിൽക്കുന്ന അമ്മയ്ക്കും മിക്കിക്കും നന്ദി’ എന്നാണ് ശ്രാവൺ എഴുതിയത്.

എന്ത് ടെൻഷനുണ്ടെങ്കിലും, അമ്മയും സഹോദരനും ഉള്ളിടത്തേക്ക് ഓടിയെത്തുമ്പോൾ എല്ലാത്തിനും സമാധാനമുണ്ട് എന്ന് നേരത്തെ ഒരു പോസ്റ്റിൽ തേജസ് പറഞ്ഞിരുന്നു.