എസ് ഐ പോലീസുകാരനെ ലൈംഗീകമായി ആക്രമിച്ചു

കൊച്ചി. കേരള പോലീസിനു നാണക്കേട്‌ ഉണ്ടാക്കുന്ന വാർത്ത വീണ്ടും. ജനങ്ങളുടെ ജീവനും സ്വത്തിനും സുരക്ഷ നൽകേണ്ട പൊലീസ് ഉദ്യോഗസ്ഥൻ സ്വന്തം മാനം സംരക്ഷിക്കണമെന്ന് ആവശ്യപ്പെട്ടു ഉന്നത ഉദ്യോഗസ്ഥർക്ക് പരാതി നൽകിയിരിക്കുന്നു. എസ് ഐ പോലീസുകാരനെ ലൈംഗീകമായി ആക്രമിച്ചു എന്നാണു പരാതി.

കൊച്ചിയിലാണ് ഈസംഭവം റിപ്പോർട്ട് ചെയ്തിരിക്കുന്നത്. എസ് ഐ രാത്രി പത്ത് മണിക്ക് ശേഷം തന്നെ ലൈംഗികമായി ആക്രമിച്ചുവെന്നാണ് പൊലീസുകാരൻ പരാതി നൽകിയിരിക്കുന്നത്. ഹിൽപ്പാലസ് ആസ്ഥാനമായുള്ള കേരള ആംഡ് പൊലീസ് ഒന്ന് ബറ്റാലിയന്റെ ഡിറ്റാച്ച്‌മെന്റ് ക്യാമ്പായ പോത്താനിക്കാട് ഗാർഡ് ഡ്യൂട്ടിയിലുണ്ടായിരുന്ന പൊലീസുകാരനാണ് പരാതിയുമായി രംഗത്ത് വന്നിരിക്കുന്നത്.

സംഭവത്തിൽ ആംഡ് പോലീസ് സബ് ഇൻസ്‌പെക്ടർക്കെതിരെ ബറ്റാലിയൻ കമാൻഡന്റ് അന്വേഷണത്തിന് ഉത്തരവിട്ടു. എസ് ഐയ്‌ക്കെതിരെ മുൻപും ഇത്തരത്തിൽ നിരവധി ആരോപണങ്ങൾ ഉണ്ടായിട്ടുണ്ട്. അതേസമയം, സദ്ഗുണങ്ങൾ ഇല്ലാത്തവർ പൊലീസിൽ തുടരേണ്ടതില്ലെന്ന് മുഖ്യമന്ത്രി പിണറായി വിജയൻ പറഞ്ഞ പിറകെയാണ് പോലീസുകാരന് നേരെ എസ് ഐയുടെ ലൈംഗീക അതിക്രമ വാർത്ത പുറത്ത് വന്നിരിക്കുന്നത്.

പൊലീസ് സേനയ്ക്ക് ചേരാത്ത പ്രവർത്തി ചെയ്യുന്നവർ ആ സേനയുടെ ഭാഗമായി നിൽക്കണോ എന്നും മുഖ്യമന്ത്രി ചോ​ദിച്ചു. ചിലരുടെ പ്രവർത്തികൾ സേനക്ക് അപമാനമുണ്ടാക്കുന്നു. പൊലീസ് ഇങ്ങനെയാകാൻ പാടില്ലെന്ന് ജനം ആഗ്രഹിക്കുന്നുവെന്നും മുഖ്യമന്ത്രി പറഞ്ഞോയിരുന്നു.