മകന്റെ ജന്മദിനം ആഘോഷമാക്കി ഷഹീനും സിദ്ദിഖും, ആശംസകളുമായി സോഷ്യൽ മീഡിയ

നടൻ സിദ്ദിഖിന്റെ മകൻ ഷഹീൻ സിദ്ദിഖിന്റെ വിവാഹം സോഷ്യൽ മീഡിയയിൽ ചർച്ചയായിമാറിയിരുന്ന താരസമ്പന്നമായിരുന്നു വിവാഹം, റിസപ്ഷന്റെ ചിത്രങ്ങളും സോഷ്യൽ ലോകത്ത് വൈറലായിരുന്നു. ഈ വിശേഷങ്ങൾക്ക് ഒപ്പം മറ്റൊരു വാർത്തകൂടെ സോഷ്യൽ ലോകത്ത് വൈറലായിരുന്നു. സിദ്ധിഖിന്റെ രണ്ടാമത്തെ മകനെ കുറിച്ചുള്ള വാർത്തകൾ ഭിന്നശേഷിക്കാരനായ മകനെ ക്യാമറ കണ്ണുകളിൽ നിന്ന് മറച്ച് വച്ച് സന്തോഷകരമായ ജീവിതം നയിക്കുകയായിരുന്നു സിദ്ദിഖ് എന്നായിരുന്നു അത്. എന്നാൽ അതെല്ലാം വെറും വ്യാജ ആരോപണങ്ങൾ മത്രമാണെന്ന് പിന്നീട് തെളിഞ്ഞു.

ഇപ്പോഴിതാ ഷഹീന്റെ സഹോദരൻ സാപ്പിയുടെ പിറന്നാൾ ആഘോഷത്തിന്റെ ചിത്രങ്ങളും വീഡിയോയുമാണ് സോഷ്യൽമീഡിയയിൽ വൈറലാകുന്നത്. ഷഹീന്റെ സോഷ്യൽമീഡിയ പേജുവഴിയാണ് സാപ്പിയുടെ വിശേഷങ്ങൾ സിദ്ദീഖ് കുടുംബത്തിന്റെ ആരാധകർ അറിയാറുള്ളത്. സാപ്പിയുടെ പിറന്നാൾ കുടുംബസമേതം ആഘോഷമാക്കിയതിന്റെ വീഡിയോയും ചിത്രങ്ങളും മനോഹരമായ കുറിപ്പോടെ പങ്കിട്ടതും ഷഹീൻ തന്നെയാണ്. കസാവ റെസ്റ്റോറന്റിലായിരുന്നു പിറന്നാൾ ആഘോഷം.

ഓരോ ദിവസം ചെല്ലുന്തോറും ചെറുപ്പമാകുന്ന സാപ്പിക്ക് പിറന്നാൾ ആശംസകൾ എന്നാണ് പിറന്നാൾ ആഘോഷത്തിന്റെ ചിത്രങ്ങൾ പങ്കിട്ട് ഷഹീൻ കുറിച്ചത്. സാപ്പി സന്തോഷത്തോടെ കേക്ക് മുറിക്കുന്നതും സിദ്ദീഖും മറ്റ് കുടുംബാം​ഗങ്ങളും മധുരം സാപ്പിക്ക് വായിൽ വെച്ച് നൽകുന്നതും വീഡിയോയിൽ കാണാം. സിദ്ദീഖ് കുടുംബത്തിന്റെ ആരാധകരും സിനിമാപ്രേമികളും എല്ലാം സാപ്പിക്ക് പിറന്നാൾ ആശംസിച്ച് എത്തി.

ഇത്രയും നല്ല വാപ്പയെയും ഇക്കയെയും കിട്ടിയ സാപ്പി ഭാഗ്യവാനാണ് എന്നാണ് ഒരു ആരാധകൻ കുറിച്ചത്. സ്പെഷ്യൽ ചൈൽഡായ സാപ്പിയെ സിദ്ദീഖും മകൻ ഷഹീനും ഭാര്യ അമൃതയും എല്ലാം കൊച്ചുകുട്ടിയെപ്പോലെയാണ് സ്നേഹിക്കുകയും പരിപാലിക്കുകയും ചെയ്യുന്നത്. ഷഹീനും സാപ്പിക്കും ഒരു സഹോദരി കൂടിയുണ്ട്.