വേരിന് നല്ല ബലമുണ്ട്, ചേട്ടൻ ഭാര്യയേയും അമ്മയേയും നോക്ക്, ഗോപി സുന്ദറിനെക്കുറിച്ച് ചോദിച്ചവരോട് അഭയ

മലയാളികളുടെ പ്രിയ ഗായികയാണ് അഭയ ഹിരൺമയി. സംഗീത സംവിധായകൻ ഗോപി സുന്ദറുമായുള്ള ലിവിങ് റിലേഷൻ ഷിപ്പ് താരം അവസാനിപ്പിച്ചിരുന്നു. സോഷ്യൽ മീഡിയകളിൽ സജീവമായ അഭയ പങ്കുവെയ്ക്കുന്ന വിശേഷങ്ങളും ചിത്രങ്ങളുമൊക്കെ വളരെ പെട്ടെന്ന് വൈറലായി മാറാറുണ്ട്.

കഴിഞ്ഞ ദിവസം ആനിമൽ റെസ്‌ക്യു സെന്ററിനെക്കുറിച്ചുള്ള വീഡിയോ അഭയ പങ്കുവച്ചിരുന്നു. നായ്ക്കുട്ടികളേയും കൊണ്ടാണ് അഭയ വീഡിയോയിലെത്തിയത്. എന്നാൽ ഇതിന്റെ കമന്റിൽ നിറയെ ഗോപി സുന്ദറിനെക്കുറിച്ചുള്ള ചോദ്യങ്ങളായിരുന്നു വന്നത്.

പിന്നാലെ അവർക്കെല്ലാം അഭയ മറുപടി നൽകുകയും ചെയ്യുന്നുണ്ട്. ചേച്ചി വളർത്തിയ പട്ടിയിൽ ഒരുത്തൻ ആയിരുന്നു ലവൻ എന്നായിരുന്നു ഒരാളുടെ ചോദ്യം. ആരെന്ന് അഭയ ചോദിക്കുന്നുണ്ട്, സുന്ദരൻ എന്നായിരുന്നു മറുപടി. അങ്ങനെ ഒരു പട്ടിയെ ഞാൻ വളർത്തിയിട്ടില്ലല്ലോ. നല്ല മാനസികാവസ്ഥയാണല്ലോ. കഷ്ടം. ഇനി ഗോപി സുന്ദറിനെയാണ് ആണ് ഉദ്ദേശിച്ചതെങ്കിൽ എനിക്ക് അഭിമാനമേയുള്ളൂ. ആര് ആരെ വളർത്തിയെന്ന കണക്കെടുപ്പ് ചേട്ടൻ എടുക്കാൻ നിൽക്കണ്ട. സ്വന്തം വീട്ടിൽ ഭാര്യയും അമ്മയും സുഖമായിരിക്കുന്നു എന്ന് പോയി നോക്ക് എന്ന് അയാൾക്ക് അഭയ മറുപടി നൽകി.

നമ്മൾ ആരേയും ഉദ്ദേശിച്ചിട്ടില്ല. പട്ടി സുന്ദരൻ ആണെന്നാ പറഞ്ഞത്. ചേച്ചി വേറെ എന്തെങ്കിലും ഉദ്ദേശിച്ചു എങ്കിൽ എന്റെ പ്രശ്‌നം അല്ല. പിന്നെ എന്റെ ഭാര്യയും അമ്മയും സുഖമായിരിക്കുന്നു. അവിടേയും എല്ലാർക്കും സുഖമല്ലേ എന്നായി ഇതോടെ അയാളുടെ മറുപടി. അപ്പോ ചേട്ടൻ ഈ പോസ്റ്റ് മൈൻഡ് ആക്കാണ്ട് പോയി ആൾക്കാരെ സഹായിക്കൂ.

കുഴി തോണ്ടാൻ എന്ന ഉദ്ദേശത്തോടെയാണ് കമന്റിടുന്നതെങ്കിൽ ഇവിടെ കുഴിയില്ല, പച്ചപ്പാണ്. ആൽമരം ആയി വളർന്നോണ്ടിരിക്കുകയാണ്. വേരിനു നല്ല ബലവും ഉണ്ട്. കുഴിക്കാൻ നിന്നാൽ ചെളി തെറിക്കും എന്ന് അഭയയും മറുപടി നൽകി. കുഴി തോണ്ടാൻ ഒരു ഉദ്ദേശവും ഇല്ല, ആൽമരം ആയി തന്നെ തഴച്ചു വളരൂ. ഇനിയും ഉയരത്തിൽ പിന്നെയും ഉയർത്തിൽ കട്ട സപ്പോർട്ട് എന്നായി കമന്റിട്ടയാൾ. സമാനമായ രീതിയിൽ മറ്റുള്ളവർ നൽകിയ കമന്റുകൾക്കും അഭയ മറുപടി നൽകുന്നുണ്ട്.