എന്ഫോഴ്സ്മെന്റ് ഡയറക്ടറേറ്റിനെതിരെ എം ശിവശങ്കര് കോടതിയില്. രാഷ്ട്രീയ നേതാക്കളുടെ പേര് വെളിപ്പെടുത്താന് എന്ഫോഴ്സ്മെന്റ് ഡയറക്ടറേറ്റ് സമ്മര്ദം ചെലുത്തുന്നതായി ശിവശങ്കര് കോടതിയെ അറിയിച്ചു. രാഷ്ട്രീയ ലക്ഷ്യങ്ങളുടെ ഇരയാണ് താന്. രാഷ്ട്രീയ നേതാക്കളുടെ പേര് പറയാത്തത് കൊണ്ടാണ് തന്നെ അറസ്റ്റ് ചെയ്തത്. കുറ്റകൃത്യവുമായി തനിക്ക് യാതൊരു വിധത്തിലുള്ള ബന്ധവും ഇല്ലെന്നും താനൊരു പൊളിറ്റിക്കല് ടാര്ഗറ്റ് മാത്രമാണെന്നും എം ശിവശങ്കര് കോടതിയെ അറിയിച്ചു. കോടതിയില് എഴുതി നല്കിയ വിശദീകരണത്തിലാണ് ശിവശങ്കര് ഇക്കാര്യം അറിയിച്ചത്.
ശിവശങ്കറിന്റെ ജാമ്യഹര്ജിയില് കോടതി നാളെ വിധി പറയാനിരിക്കെ എറണാകുളം പ്രിന്സിപ്പല് സെക്ഷന്സ് കോടതിയിലാണ് ശിവശങ്കര് ഇക്കാര്യം അറിയിച്ചത്. സ്വര്ണക്കടത്ത്, ലൈഫ്മിഷന് തുടങ്ങിയ കേസുകളില് രാഷ്ട്രീയ നേതാക്കളുടെ പേര് പറയാന് തന്റെ മേല് എന്ഫോഴസ്മെന്റ് ഡയറക്ടറേറ്റ് സമ്മര്ദ്ദം ചെലുത്തിയെന്നും ഇതിന് താന് വഴങ്ങാത്തതിനെത്തുടര്ന്നാണ് അറസ്റ്റ് ചെയ്തതെന്നും ശിവശങ്കര് പറഞ്ഞു. താന് ഒരു കസ്റ്റംസ് ഓഫീസറേയും സ്വര്ണക്കടത്തിന് വേണ്ടി വിളിച്ചിട്ടില്ലെന്നും ശിവശങ്കര് പറയുന്നു.
സ്വപ്നയും തന്റെ ചാര്ട്ടേര്ഡ് അക്കൗണ്ടന്റായ വേണുഗോപാലും തമ്മിലുള്ള വാട്സാപ്പ് സന്ദേശത്തിന്റെ പൂര്ണ്ണരൂപവും ശിവശങ്കര് രേഖമൂലം കോടതിയില് സമര്പ്പിച്ചിട്ടുണ്ട്. ഈ വാട്സാപ്പ് സന്ദേശങ്ങള് പരിശോധിക്കണമെന്നും ശിവശങ്കര് ആവശ്യപ്പെട്ടു.
അതേസമയം എം ശിവശങ്കറിനെ ചോദ്യം ചെയ്യാനായി കസ്റ്റംസ് ഉദ്യോഗസ്ഥര് ജയിലിലെത്തി. ഉച്ചയോടെയാണ് കസ്റ്റംസ് ഉദ്യോഗസ്ഥര് കാക്കനാട് ജില്ലാ ജയിലില് എത്തിയത്. വൈകുന്നേരം അഞ്ചുമണി വരെ ശിവശങ്കറിനെ ചോദ്യം ചെയ്യാനാണ് കസ്റ്റംസിന് അനുമതിയുള്ളത്.
തൃശ്ശൂര് : രണ്ടരക്കിലോ എം.ഡി.എം.എ.യുമായി തൃശ്ശൂരില് ഒരാള് പിടിയില്. കണ്ണൂര് പയ്യന്നൂര് സ്വദേശി ഫാസിലിനെയാണ് സിറ്റി പോലീസും ജില്ലാ പോലീസിന്റെ…
സിനിമ ലൊക്കേഷൻ വീട്ടിലെ ശുചിമുറിയിൽ പ്രൊഡക്ഷൻ കൺട്രോളറെ തൂങ്ങി മരിച്ച നിലയിൽ കണ്ടെത്തി. കൂവപ്പടി കാവുംപുറം ഗവ. യു.പി സ്കൂളിന്…
മുംബയ് : കീറിയ ഫാഷനിലുള്ള ജീൻസ്, ടി- ഷർട്ട്, ശരീരം പുറത്തുകാണിക്കുന്ന തരത്തിലെ വസ്ത്രങ്ങൾ എന്നിവ ക്യാമ്പസിനുള്ളിൽ വിലക്കി മുംബയിലെ…
കോഴിക്കോട് : എസ്എഫ്ഐ ക്രിമിനലുകളെ മുഖ്യമന്ത്രിയും പാർട്ടിയും സംരക്ഷിക്കുന്നുവെന്ന് ബിജെപി സംസ്ഥാന അദ്ധ്യക്ഷൻ കെ. സുരേന്ദ്രൻ. കേരളത്തിൽ ഇടതുപക്ഷം നാമാവശേഷമാകുന്ന…
ഗായകൻ മധു ബാലകൃഷ്ണന്റെ പാട്ട് കേട്ട് വളർന്ന കുട്ടികൾ പലരും പഠനം കഴിഞ്ഞ് ജോലിയും കുടുംബവുമായി വളർന്നു കാണും ഇന്ന്.…
എറണാകുളം : ആലുവയിൽ 70 വയസ്സുകാരനെ കുത്തിക്കൊന്നു. പറവൂർ കവലയിലുള്ള ഹോട്ടലിലാണ് സംഭവം. മരിച്ച വ്യക്തിയെ തിരിച്ചറിഞ്ഞിട്ടില്ല. ചായ കുടിക്കുന്നതിനിടെ…