വീടിനു മുകളില്‍ മതില്‍ ഇടിഞ്ഞു വീണു; 22 ദിവസം പ്രായമായ കുഞ്ഞുള്‍പ്പെടുന്ന കുടുംബത്തെ രക്ഷപെടുത്തി

തിരുവനന്തപുരം മുടവന്‍മുകള്‍ ഷീറ്റിട്ട ഉണ്ണികൃഷ്ണന്റെ നാല് മുറി വീടിന് മുകളിലേക്ക് അയല്‍വാസിയുടെ സംരക്ഷണ ഭിത്തി ഇടിഞ്ഞു വീണു പാലസ് റോഡില്‍ ഉണ്ണികൃഷ്ണനും കുടുംബവും വാടകയ്ക്ക് താമസിക്കുന്ന ഷീറ്റിട്ട നാല് മുറി വീടിന് മുകളിലേക്കാണ് വീടിനുമുകളിലേക്ക് വീണത്.. 25 അടി ഉയരവും 30 അടി നീളവുമുള്ള കോണ്‍ക്രീറ്റ് മതിലാണ് ഇടിഞ്ഞ് വീണത്. വീട് പൂര്‍ണമായും തകരുകയും അതിനുള്ളില്‍ അകപ്പെട്ട ലീല (80), ബിനു (35), ഉണ്ണികൃഷ്ണന്‍ (26) സന്ധ്യ (23) ജിതിന്‍ (നാല് വയസ്), 22 ദിവസം മാത്രം പ്രായമായ കുഞ്ഞ് എന്നിവരെ അഗ്നിശമന സേന രക്ഷപ്പെടുത്തി.

ലീല, ഉണ്ണികൃഷ്ണന്‍ എന്നിവരെ ആശുപത്രിയില്‍ പ്രവേശിപ്പിച്ചു. കനമുള്ള കോണ്‍ക്രീറ്റിനടിയില്‍ കുടുങ്ങി പോയ ഉണ്ണികൃഷ്ണനെ ഒന്നര മണിക്കൂറോളം കോണ്‍ക്രീറ്റും മണ്ണും നീക്കം ചെയ്തും കോണ്‍ക്രീറ്റ് കട്ടര്‍ ഉപയോഗിച്ചും കഠിനമായ പരിശ്രമത്തിന് ശേഷമാണ് സേന പുറത്തെടുത്തത്.

തിരുവനന്തപുരം നിലയത്തില്‍ നിന്നും സ്റ്റേഷന്‍ ഓഫീസര്‍ സജിത്ത് എസ്.റ്റി., നിതിന്‍ രാജ് എന്നിവരുടെ നേതൃത്വത്തിലുള്ള ടീമും ചാക്ക നിലയത്തില്‍ നിന്നുള്ള ഒരു ക്രൂവും രക്ഷാപ്രവര്‍ത്തനം നടത്തി. ഇന്ന് 12.45നാണ് സംഭവം . രണ്ടേകാല്‍ മണിക്കൂറിനുള്ളില്‍ രക്ഷാപ്രവര്‍ത്തനം പൂര്‍ത്തിയായി.