വിവാഹത്തിന് മറക്കാനാവാത്ത സമ്മാനം തന്നത് അന്ന- സ്നേഹ

മറിമായം പരമ്പരയിലൂടെ പ്രേക്ഷകർക്ക് പ്രീയപ്പെട്ട താരങ്ങളായ സ്നേഹയും ശ്രീകുമാറും വിവാഹിതരായത് കഴിഞ്ഞ വർഷമായിരുന്നു. മറിമായമെന്ന പരമ്പരയിൽ അഭിനയിച്ച് വരുന്നതിനിടയിലായിരുന്നു ഇരുവരും വിവാഹം കഴിക്കാനുള്ള താരുമാനമെടുത്തത്. വിവാഹവും അതിന് ശേഷമുള്ള വിശേഷങ്ങളുമെല്ലാം ആരാധകർ ഏറ്റെടുത്തിരുന്നു. വിവഹാം കഴിഞ്ഞതിന്റെ തൊട്ടടുത്ത ദിവസം തന്നെ ഏറ്റെടുത്ത പ്രൊജക്ടുകൾ തീർക്കാനായി ഇരുവരും ഷൂട്ടിം​ഗിന് പോയിരുന്നു.

വിവാഹത്തെക്കുറിച്ചും വിവാഹശേഷമുള്ള ജീവിതത്തെക്കുറിച്ചും താരങ്ങൾ മനസ്സ് തുറക്കുകയാണ്. വിവാഹത്തിന് ഏറ്റവും സർപ്രൈസായ സമ്മാനം തന്നത് ലിച്ചി എന്ന് വിളിപ്പേരുള്ള അന്ന രേഷ്മ രാജനാണെന്ന് പറയുകയാണ് സ്നേഹ. വിവാഹ സമ്മാനമായി ലിച്ചി നൽകിയത് അടിപൊളി യാത്രയായിരുന്നു. ഞങ്ങളുടെ പുതുവർഷ പുലരി വൈത്തിരി റിസോർട്ടിലായിരുന്നു ലിച്ചി പ്ലാൻ ചെയ്തിരുന്നത്. അവൾ നൽകിയ ആ സമ്മാനമായിരുന്നു ഒരുമിച്ചുള്ള ഞങ്ങളുടെ ആദ്യ യാത്ര. അടിപൊളി റിസോർട്ടാണ് വയനാട്ടിലെ വൈത്തിരി.

വിവാഹം കഴിഞ്ഞതിനുശേഷം നല്ല തിരക്കായതിനാൽ യാത്രകളൊന്നും നടന്നില്ലായിരുന്നു. അതിനാൽ തന്നെ മെയ് 29ന് സിംഗപൂർ-മലേഷ്യ ക്രൂസ് ട്രിപ് പ്ലാൻ ചെയ്തിരുന്നു. വലിയ ആകാംഷയോടെ ഞാനും ശ്രീയും കാത്തിരുന്നതായിരുന്നു ആറ് ദിവസത്തെ ആ യാത്ര. മനസിൽ നൂറായിരം ആഗ്രഹങ്ങളായിരുന്നു. ഒറ്റ നിമിഷം കൊണ്ടാണ് കൊറോണ ആ യാത്ര തല്ലിക്കെടുത്തത്. എനിക്ക് സങ്കടം തോന്നിയിരുന്നു. വിഷമം ഉണ്ടെങ്കിലും ഇപ്പോഴഴത്തെ അവസ്ഥയിൽ യാത്ര ചെയ്യാൻ പറ്റില്ലല്ലേ.. യാത്രയെക്കാൾ പ്രാധനാമണല്ലോ ആരോ​ഗ്യം.. ആരോ​ഗ്യമുണ്ടെങ്കിൽ ഇനിയും യാത്ര ചെയ്യാമല്ലോ എന്നും താരങ്ങൾ വ്യക്തമാക്കി