ഫഹദിന് സ്‌കൂൾ വിദ്യാഭ്യാസം മാത്രമെയുള്ളോ? പിന്നെ വിദേശത്ത് പോയത് എന്തിന്, ചർച്ച

മലയാളികളുടെ ഇഷ്ട താരദമ്പതികളാണ് ഫഹദും നസ്രിയയും. ആദ്യ ചിത്രമായ കയ്യെത്തും ദൂരത്തിന് ശേഷം സിനിമയിൽ നിന്നും ബ്രേക്ക് എടുത്ത് ശേഷമാണ് ഫഹദ് വീണ്ടും മലയാള സിനിമയിലേക്ക് എത്തുന്നത്. സിനിമകളിൽ ഞെട്ടിക്കുന്ന ഫഹദ് ഫാസിലിന് നിരവധി ആരാധകരുണ്ട്. എന്നാൽ സിനിമയ്ക്ക് പുറത്ത് ഫഹദ് എന്ന വ്യക്തിയെ മലയാളികൾക്ക് അത്ര പരിചിതമില്ല. സോഷ്യൽ മീഡിയയിലും നടൻ അത്ര സജീവമല്ല. ഫഹദ് സോഷ്യൽ മീഡിയയിൽ സജീവമല്ലെങ്കിലും നസ്രിയ എല്ലാ വിശേഷവും ആരാധകരുമായി പങ്കുവെക്കാറുണ്ട്. ബാംഗ്ലൂർ ഡേയ്‌സിന്റെ വൻ വിജയത്തിന് പിന്നാലെയായിരുന്നു ഫഹദും നസ്രിയയും ജീവിതത്തിലും ഒരുമിച്ചത്. 2014 ഓഗസ്റ്റ് 21 നായിരുന്നു ഇവരുടെ വിവാഹം നടന്നത്. ഫഹദിന്റെയും നസ്രിയയുടെയും പ്രായ വിത്യാസത്തെ ചൊല്ലി വിവാഹ സമയത്ത് പല ട്രോളുകളും വന്നിരുന്നു

ഇപ്പോഴിതാ നസ്രിയ പങ്കുവച്ചൊരു പോസ്റ്റ് സോഷ്യൽ മീഡിയയിൽ ചർച്ചയായി മാറുകയാണ്. തീർത്തും സാധാരണമായ, തമാശ നിറഞ്ഞൊരു സ്‌റ്റോറിയാണ് നസ്രിയ പങ്കുവച്ചിരിക്കുന്നത്. ചിത്രത്തിലുള്ളത് ഫഹദും. ഒരു ഡിഗ്രി നേടാനുള്ള അവസാന ശ്രമം എന്നാണ് നസ്രിയ ഫഹദിന്റെ ചിത്രത്തോടൊപ്പം നസ്രിയ കുറിച്ചിരിക്കുന്നത്. ബാഴ്‌സിലോണ സിനിമാ സ്‌കൂൾ ആന്റ് ആക്ടേഴ്‌സ് സ്റ്റുഡിയോയുടെ മുന്നിൽ നിൽക്കുന്ന ഫഹദാണ് ചിത്രത്തിലുള്ളത്.

എന്നാൽ ഇതോടെ സോഷ്യൽ മീഡിയയിലെ ചർച്ച പോയത് മറ്റൊരു വഴിക്കാണ്. എന്താണ് ഫഹദിന്റെ വിദ്യാഭ്യാസം എന്നാണ് സോഷ്യൽ മീഡിയ ചോദിക്കുന്നത്. അഭിനേതാവാകാൻ വേണ്ടി പഠനം പാതി വഴിയിൽ ഉപേക്ഷിച്ചവരും ആഗ്രഹമുണ്ടായിട്ടും തുടരാൻ സാധിക്കാത്തവരുമൊക്കെയുണ്ട്. സൂപ്പർ താരമായ പൃഥ്വിരാജ് സിനിമയിൽ വന്നതോടെ പഠനം നിർത്തിയ ആളാണ്. തനിക്ക് സ്‌കൂൾ വിദ്യാഭ്യാസം മാത്രമേയുള്ളൂവെന്ന് പൃഥ്വി പലവട്ടം പറഞ്ഞിട്ടുണ്ട്.

നസ്രിയയുടെ സ്റ്റോറിയ്ക്ക് പിന്നാലെ പൃഥ്വിയെ പോലെ ഫഹദിനും സ്‌കൂൾ വിദ്യാഭ്യാസം മാത്രമേ ഉള്ളൂവോ എന്നാണ് സോഷ്യൽ മീഡിയയിൽ ഉയരുന്ന സംശയം. വിക്കിപീഡിയ പ്രകാരം ഫഹദ് ഫാസിൽ സ്‌കൂൾ വിദ്യാഭ്യാസം നേടുന്നത് ആലപ്പുഴയിലേയും തൃപ്പൂണിത്തുറയിലേയും ഊട്ടിയിലേയും സ്‌കൂളുകളിൽ നിന്നുമാണ്. പിന്നീട് ആലപ്പുഴ എസ്ഡി കോളേജിൽ നിന്നും ബാച്ചിലേഴ്‌സും യൂണിവേഴ്‌സിറ്റി ഓഫ് മിയാമിയിൽ നിന്നും മാസ്റ്റേഴ്‌സും നേടാൻ പോയെന്നും വിക്കിയിൽ പറയുന്നു. പിന്നെ എന്തുകൊണ്ടാണ് നസ്രിയ അങ്ങനെ പറഞ്ഞതെന്നാണ് സോഷ്യൽ മീഡിയ ചോദിക്കുന്നത്.