കേരളാ പോലീസ് പാക്കിസ്ഥാനികളേ പോലെ, പോലീസ് സ്റ്റേഷനുകൾ അടിച്ച് തകർക്കും, രോക്ഷത്തോടെ പട്ടാളക്കാർ

ഇനി ഏതെങ്കിലും പട്ടാളക്കാരനു നേരെ പോലീസ് കൈ പൊക്കിയാൽ ഞങ്ങൾ അവധി എടുത്തു വന്ന് കേരളത്തിലെ മുഴുവൻ പോലീസ് സ്റ്റേഷനുകളും അടിച്ച് തകർക്കുമെന്ന് പട്ടാളക്കാർ. ഒന്നും ബാക്കി വയ്ക്കില്ല. കേരളാ പോലീസിനെതിരേ ഇന്ത്യയിലെ വിവിധ പട്ടാള ക്യാമ്പുകളിൽ രോക്ഷം അണപൊട്ടുകയാണ്. പാക്കിസ്ഥാൻ പട്ടാളക്കാർ ഇന്ത്യൻ പട്ടാളക്കാരോട് കാണിക്കുന്ന ക്രൂരതകൾ ആണ്‌ കേരളാ പോലീസ് കൊല്ലത്ത് സൈനികനെതിരേ ചെയ്തത്, ഇന്ത്യൻ മിലിട്ടറി ഇതിനു മാപ്പ് നല്കില്ലെന്നും പഞ്ചാബിൽ നിന്നും പട്ടാളക്കാർ കർമ്മ ന്യൂസിനോട് പറഞ്ഞു

കൈക്കൂലിയും കോഴയും വാങ്ങി ലാത്തി പിടിക്കുന്ന കൈകളല്ല ഞങ്ങൾ പട്ടാളക്കാരുടേത്. ശത്രുവിന്റെ തല നോക്കി നിറയൊഴിക്കുന്ന തോക്ക് പിടിച്ച് തഴമ്പിച്ച കൈകളാണ്‌. പാക്കിസ്ഥാനും ചൈനക്കുമെതിരേ യുദ്ധം ചെയ്യാൻ തോക്ക് പിടിക്കുന്ന പട്ടാളക്കാരന്റെ കൈകൾ അടിച്ച് തകർക്കാൻ കേരളാ പോലീസ് വരുന്നുണ്ട് എങ്കിൽ രാജ്യം തന്നെ അപകടത്തിലാക്കുന്ന പോലീസാണ്‌ കേരളത്തിലെന്നും പറയുന്നു.