സോളിഡാരിറ്റി ഇന്റലിജൻസ് ബ്യൂറോയുടെ കർശന നിരീക്ഷണത്തിൽ, ഹമാസ് ഭീകര നേതാവിന്റെ പ്രസം​ഗം അതീവ ഗൗരവത്തോടെ കാണും, സാമ്പത്തിക ഇടപാടുകളൾ പരിശോധിക്കും

മലപ്പുറം : മലപ്പുറത്ത് പൊതുപരിപാടിയിൽ ഹമാസ് ഭീകര നേതാവിന്റെ പ്രസം​ഗം നടത്തിയതിൽ സോളിഡാരിറ്റിയുടെ പ്രവർത്തനം നിരീക്ഷിച്ച് ഇന്റലിജൻസ് ബ്യൂറോ. സംഘടനയുടെ സാമ്പത്തിക ഇടപാടുകളും സാമൂഹ്യമാദ്ധ്യമങ്ങളും ഐബിയുടെ കർശന നിരീക്ഷണത്തിലാണെന്നാണ് സൂചന. ജമാ അത്തെ ഇസ്ലാമിയുടെ യുവജന വിഭാഗമായ സോളിഡാരിറ്റി യൂത്ത് മൂവ്‌മെന്റ് നടത്തിയ പരിപാടിയിൽ ആയിരുന്നു ഹമാസ് മുൻ മേധാവി ഖാലിദ് മഷാലിന്റെ പ്രസം​ഗം ഉണ്ടായത്.

കഴിഞ്ഞ വെള്ളിയാഴ്ചയായിരുന്നു പരിപാടി. പാലസ്തീൻ ഐക്യദാർഢ്യമെന്ന പേരിൽ ഹമാസിന്റെ തീവ്ര നിലപാടുകൾ സംസ്ഥാനത്ത് പ്രചരിപ്പിക്കാനുള്ള സോളിഡാരിറ്റിയുടെ ശ്രമമായാണ് രഹസ്യാന്വേഷണ ഏജൻസികൾ ഇതിനെ വിലയിരുത്തുന്നത്. രാഷ്‌ട്രത്തിന്റെ പൊതുനിലപാടിന് വിരുദ്ധമായി ഭീകരസംഘടനയുടെ നേതാവിനെ കേരളത്തിൽ അവതരിപ്പിച്ച് രാജ്യവിരുദ്ധ മനോഭാവം വളർത്തിയെടുക്കാനാണെന്നത് വ്യക്തം.

ഹമാസിന്റെ നേതാവായ ഇസ്മയിൽ ഹനിയ തൽസമയം പരിപാടിയിൽ കൊണ്ടുവരാനായിരുന്നു സോളിഡാരിറ്റി ആദ്യം പദ്ധതിയിട്ടത്. എന്നാൽ അവസാന നിമിഷം ചില കാരണങ്ങൾ കൊണ്ട് ഇത് പാളി. തുടർന്നാണ് ഖാലിദ് മഷാലിന്റെ മുൻകൂട്ടി തയ്യാറാക്കിയ പ്രസംഗം പ്രദർശിപ്പിക്കുകയായിരുന്നു.
ഐബി സാംഭവത്തിൽ ഡിജിറ്റൽ തെളിവുകൾ അടക്കം ശേഖരിച്ചിട്ടുണ്ട്. രാജ്യത്ത് പിഎഫ്‌ഐ നിരോധനത്തിന് ശേഷമാണ് സോളിഡാരിറ്റി പ്രവർത്തനങ്ങൾ കൂടുതൽ ഊർജ്ജിതമായത്.

ഇതേ കാരണം കൊണ്ടു തന്നെ ജമാ അത്തെ ഇസ്ലാമിയേയും യൂത്ത് വിം​ഗായ സോളിഡാരിറ്റിയേയും എൻഐഎ നിരീക്ഷിച്ച് വരികയാണ്. ജമാ അത്തെ ഇസ്ലാമിയുടെ അംഗങ്ങൾ തന്നെയാണ് പിഎഫ്‌ഐയിൽ പ്രവർത്തിച്ചത്.