മകൾക്ക് സുദർശന എന്ന് പേരിട്ടത് മുത്തശി പറഞ്ഞതുകൊണ്ട്, സൗഭാ​ഗ്യയും അർജുനും

മലയാളികൾക്ക് സുപരിചിതയായ താര ദമ്പതികളാണ് താരകല്യാണിന്റെ മകൾ സൗഭാഗ്യ വെങ്കിടേഷും ഭർത്താവ് അർജുൻ സമോശേഖറും. ബാല്യകാലം മുതൽ സുഹൃത്തായിരുന്ന അർജുനെ സൗഭാഗ്യം പിന്നീട് ജീവിതത്തിൽ പങ്കാളിയാക്കുകയായിരുന്നു. മിനിസ്‌ക്രീനിൽ സജീവമാണ് അർജുൻ. കഴിഞ്ഞ നവംബറിലാണ് ദമ്പതികൾക്ക് പെൺകുഞ്ഞ് പിറന്നത്. ഇപ്പോളിതാ ഇവരുടെ പുത്തൻ അഭിമുഖമാണ് ശ്രദ്ധ നേടുന്നത്, വാക്കുകളിങ്ങനെ

ചെറുപ്പം മുതൽ ഞങ്ങൾ പരിചയക്കാരായിരുന്നു. പക്ഷേ അപ്പോഴൊന്നും പ്രണയമുണ്ടായിരുന്നില്ല. മുൻപുണ്ടായിരുന്ന പ്രണയങ്ങളെല്ലാം പൊട്ടുമ്പോൾ അർജുൻ എന്റെ അമ്മയുടെ അടുത്ത് വന്നിരുന്ന് കരയുമായിരുന്നു. അപ്പോൾ ഞാൻ പറയുമായിരുന്നു, ചേട്ട കളഞ്ഞിട്ട് പോ ചേട്ട എന്നൊക്കെ. എനിക്ക് തൊട്ടുമുൻപ് ചേട്ടനുണ്ടായിരുന്ന ഗേൾഫ്രണ്ട് നല്ല മാച്ചായിരുന്നു. അവളാണ് പറഞ്ഞത് സൗഭാഗ്യയെ കെട്ടാനെന്നും അർജുൻ.

പെൺകുട്ടികളോട് എനിക്ക് ഒരു പ്രത്യേക ഇഷ്ടമുണ്ടായിരുന്നു. പെൺകുട്ടികളെ വളർത്താൻ എനിക്ക് എന്റേതായ ചില ധാരണകളൊക്കെ ഉണ്ട്. ആൺകുട്ടി ആയിരുന്നെങ്കിൽ കേശവ് എന്ന് പേരിടണമെന്നായിരുന്നു ആഗ്രഹം. കല്യാണത്തിന് മുൻപ് തന്നെ പെൺകുട്ടി വേണമെന്നായിരുന്നു ആഗ്രഹമെന്നും മീനാക്ഷി അർജുൻ ശേഖർ എന്ന് പേരിടണമെന്നായിരുന്നു കരുതിയിരുന്നതെന്നും സൗഭാഗ്യ. എസ് അക്ഷരത്തിൽ തുടങ്ങുന്ന പേരിടണമെന്ന് മുത്തശി പറഞ്ഞതു കൊണ്ടാണ് സുദർശന എന്ന പേരിട്ടത്. പെൺകുട്ടിയായിരക്കണമെന്ന് പ്രാർഥിക്കുമായിരുന്നുവെന്നും സൗഭാഗ്യ. എസ് അക്ഷരത്തിൽ തുടങ്ങുന്ന പേരിടുന്നത് അർജുന് നല്ലതായിരിക്കുമെന്നും മുത്തശി പറഞ്ഞിരുന്നു.