പയ്യന്നൂർ കോടതിയിൽ മോദിക്കെതിരേ പ്രസംഗം, ഉദ്യോഗസ്ഥൻ കുടുങ്ങി

പയ്യന്നൂർ കോടതിയിൽ റിപ്പബ്ലിക് ദിനത്തിൽ ജുഡീഷ്യൽ ഓഫീസർ രാഷ്ട്രീയ പ്രസംഗം നടത്തിയതിനെതിരേ പരാതി. പയ്യന്നൂർ കോടതി ഹാളിൽ നടന്ന പരിപാടിയിൽ രാമക്ഷേത്രം നരേന്ദ്ര മോദി തുറന്നതിനെ വിമർശിക്കുകയാണ്‌. കൂടാതെ പാർലിമെന്റ് നരേന്ദ്ര മോദി ഉല്ഘാടനം ചെയ്തു എന്നതിനേയും വിമർശിച്ചു. നരേന്ദ്ര മോദിക്ക് പാർലിമെന്റ് ഉല്ഘാടനം ചെയ്യാനുള്ള അർ ഹത ഇല്ലെന്നും പ്രസിഡന്റാണ്‌ ചെയേണ്ടത് എന്നും വിമർശനം ഉന്നയിക്കുകയാണ്‌. ഗവർണ്ണറേയും വിമർശിക്കുന്നുണ്ട്

പയ്യന്നൂർ കോടതിയുടെ റിപ്പബ്ലിക് ദിന പരിപാടിയിൽ കേന്ദ്ര സർക്കാരിനെ വിമര്ശിച്ചു രാഷ്ട്രീയ പ്രസംഗം നടത്തിയ മുൻസിഫ് കോടതി ജൂനിയർ സുപ്രണ്ട് നാരായണൻകുട്ടി മനിയേരിക്ക് എതിരെ നടപടി ആവശ്യപ്പെട്ട് കേന്ദ്ര സർക്കാരിന്റെ കണ്ണൂർ ജില്ലാ സ്റ്റാന്റിങ്ങ് കൗൺസിലും ലീഗൽ സെൽ സ്റ്റേറ്റ് കമ്മിറ്റി മെമ്പറും ആയ അഡ്വ. പി. പ്രേമരാജൻ ജില്ലാ ജഡ്ജിനു പരാതി നൽകി.

റിപ്പബ്ലിക് ദിനത്തിൽ ഔദ്യോഗിക പരിപാടിയിൽ പ്രധാനമന്ത്രിയെയും സർക്കാരിനെയും ഇകഴ്ത്തി കാട്ടുന്ന രീതിയിൽ പ്രസംഗിച്ചത് ചട്ട വിരുദ്ധവും ഗുരുതര അച്ചടക്ക ലംഘനവും ആണ് എന്ന് കാണിച്ചാണ് നടപടി ആവശ്യപ്പെട്ടു പരാതി നൽകിയത്. ജുഡീഷ്യൽ ഓഫീസർ പദവിയിൽ ഇരിക്കുന്നവർ ഇത്തരത്തിൽ കോടതിക്കുള്ളിൽ രാഷ്ട്രീയം പ്രസംഗിക്കുകയും പ്രധാനമന്ത്രിയേയും കേന്ദ്ര സർക്കാരിനെയും ആക്രമിക്കുന്നതും സർവീസ് ചട്ടങ്ങൾക്കും വിരുദ്ധമാണ്‌ എന്നും പരാതിയിൽ അഡ്വ പി. പ്രേമരാജൻ ചൂണ്ടിക്കാട്ടി