മക്കൾക്ക്‌ വിഷം നൽകി ജീവനൊടുക്കാൻ ശ്രമിച്ച 26കാരി മരിച്ചു, മക്കൾ ഗുരുതരാവസ്ഥയിൽ

തിരുവനന്തപുരം വെഞ്ഞാറമൂട്ടിൽ മക്കൾക്ക് വിഷം നൽകി ജീവനൊടുക്കാൻ ശ്രമിച്ച അമ്മ മരിച്ചു. കുന്നുമുകൾ തടത്തരികത്തു വീട്ടിൽ ഇരുപത്തയാറുകാരിയായ ശ്രീജയാണ് മരിച്ചത്. ഇന്നലെ ഉച്ചയോടെയാണ് മക്കൾക്ക് ശ്രീജ വിഷം നൽകിയത്. മക്കളായ ജ്യോതിക (9), ജ്യോതി (7 ), അഭിനവ് (മൂന്നര) എന്നിവർക്കും വിഷം നൽകിയിരുന്നു. കുട്ടികൾ തിരുവനന്തപുരം എസ് എ ടിയിൽ ചികിത്സയിലാണ്. മൂത്ത കുട്ടിയുടെ നില ഗുരുതരമാണ്.

കുടുംബ പ്രശ്നമാണ് ആത്മഹത്യക്ക് കാരണമെന്നാണ് പ്രാഥമിക നിഗമനം. ഭർത്താവ് ബിജു പൂനയിൽ ടയറ് കടയിലെ ജീവനക്കാരനാണ്. ഇയാളുമായി പിണങ്ങി കഴിയുകയാണ് ശ്രീജ എലി വിഷം ആണ് നൽകിയത് എന്നാണ് പ്രാഥമിക നിഗമനം. മധുരപലഹാരങ്ങളിലും, ശീതളപാനീയങ്ങളും വിഷം കലർത്തിയാണ് കുട്ടികൾക്ക് ശ്രീജ നൽകിയത്.

വെഞ്ഞാറമൂട്ടിലെ ഒരു വസ്ത്രശാലയിലെ ജീവനക്കാരിയാണ്. ശ്രീജയുടെ ഒപ്പം ശ്രീജയുടെ അമ്മയും താമസിക്കുന്നുണ്ട്. വൈകിട്ട് അവശതയിലായ ആയ ശ്രീജയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. തുടർന്ന് ഇന്ന് മരിക്കുകയായിരുന്നു. ആശുപത്രിയിലേക്കുള്ള യാത്രാമധ്യേ കുട്ടികൾക്കും വിഷം നൽകിയതായി ശ്രീജ നൽകിയ വിവരത്തിന്റ അടിസ്ഥാനത്തിൽ കുട്ടികളെയും എസ് ഐ ടി ആശുപത്രിയിൽ പ്രവേശിപ്പിക്കുകയായിരുന്നു