വിവാഹം കഴിഞ്ഞാലും നായകന്മാരുടെ ഇമേജിന് വലിയ പ്രശ്‌നം വരുന്നില്ല, പക്ഷേ നായികമാര്‍ക്ക് അതല്ല സ്ഥിതി

മലയാളികളുടെ പ്രിയപ്പെട്ട നടിയാണ് ശ്രീജയ. വിവാഹ ശേഷം സിനിമയില്‍ നിന്നും വിട്ടു നിന്നിരുന്ന ശ്രീജയ 2017ല്‍ പുറത്തെത്തിയ വികെ പ്രകാശ് സംവിധാനം ചെയ്ത കെയര്‍ ഫുള്‍ എന്ന ചിത്രത്തിലൂടെ മടങ്ങി എത്തി. പലപ്പോഴും സഹനടിയുടെ വേഷത്തിലാണ് ശ്രീജയയെ മലയാളി സിനിമ പ്രേക്ഷകര്‍ കണ്ടിട്ടുള്ളത്,. ഇപ്പോള്‍ ശ്രീജയ തന്റെ സിനിമ വിശേഷങ്ങള്‍ ഒരു ടിവി ചാനലിന് നല്‍കിയ അഭിമുഖത്തില്‍ പങ്കുവെച്ചിരിക്കുകയാണ്.

ശ്രീജയയുടെ വാക്കുകള്‍ ഇങ്ങനെ, ‘വിവാഹം കഴിഞ്ഞാലും നായകന്മാരുടെ ഇമേജിന് വലിയ പ്രശ്‌നം വരുന്നില്ല. പക്ഷേ നായികമാര്‍ക്ക് അതല്ല സ്ഥിതി. വിവാഹ ശേഷം അങ്ങനെ അഭിനയിക്കണമെന്ന് തോന്നിയിട്ടില്ല. ഹസ്ബന്‍ഡും മകളും എപ്പോഴും അഭിനയിക്കുന്നതിനെക്കുറിച്ച് പറയും. മകള്‍ക്ക് വലിയ ഇഷ്ടമാണ് സിനിമ. എന്റെ സിനിമകളില്‍ അവള്‍ക്ക് ഏറ്റവും പ്രിയപ്പെട്ടത് ‘സമ്മര്‍ ഇന്‍ ബത്‌ലേഹ’മാണ് .അതില്‍ ഞാന്‍ ഇങ്ങനെ അവര്‍ക്കൊപ്പം ജോളിയായിട്ട് അടിച്ചു പൊളിച്ചു നടക്കുന്നതിനെക്കുറിച്ചൊക്കെ അവള്‍ ചോദിക്കും.

‘കന്മദ’ത്തിലെ എന്റെ വേഷവും അവള്‍ക്കിഷ്ടമാണ്. വലിയ ഒരിടവേളയ്ക്ക് ശേഷം വികെപിയുടെ ‘കെയര്‍ ഫുള്‍’ എന്ന ചിത്രം ചെയ്യാന്‍ കഴിഞ്ഞതില്‍ ഏറെ സന്തോഷമുണ്ട്. എന്റെയും ജോമോളിന്റെയും തിരിച്ചു വരവായിരുന്നു ആ ചിത്രം. ആ സിനിമ ചെയ്യുമ്‌ബോള്‍ സ്വന്തമായി ശബ്ദം കൊടുക്കുക എന്നത് ഏറെ ടെന്‍ഷനുള്ള കാര്യമായിരുന്നു. പക്ഷേ അതൊക്കെ ഈസിയായി ചെയ്യാന്‍ കഴിഞ്ഞു. ഞാന്‍ ഡബ്ബ് ചെയ്തു കഴിഞ്ഞ് ജോമോള്‍ ഡബ്ബ് ചെയ്യാന്‍ പോകുമ്‌ബോള്‍ എന്നോട് പറഞ്ഞു ‘ഇനി ഞാന്‍ പോയി അരി പെറുക്കിയിട്ട് വരാമെന്ന്’ പക്ഷേ ജോമോളും ഡബ്ബിംഗ് ഭംഗിയായി പൂര്‍ത്തികരിച്ചു’.