ഇടതുകാൽ മുട്ടിനു താഴെ ശസ്ത്രക്രിയ ചെയ്തു മാറ്റിയിരിക്കുകയാണ്, അമ്മയെക്കുറിച്ച് ശ്രീശാന്ത്

നിരവധി ആരാധകരുള്ള ക്രിക്കറ്റ് താരമായിരുന്നു ശ്രീശാന്ത്. ഇടക്ക് സിനിമയിലും താരം അഭിനയിച്ചിരുന്നു. ബിഗ് ബോസ് റിയാലിറ്റി ഷോയിലും ശ്രീശാന്ത് മത്സരിക്കാൻ എത്തിയിരുന്നു. എന്നാൽ ഷോയിൽ വിജയിക്കാൻ താരത്തിന് സാധിച്ചിരുന്നില്ല. താരത്തിന്റെ വിശേഷങ്ങൾ ഏല്ലാം പെട്ടന്ന് തന്നെ വൈറലാകാറുണ്ട്. കരിയറിൽ ഇടക്ക് ചില പ്രശ്നങ്ങൾ നേരിട്ടെങ്കിലും അതെല്ലാം അതിജീവിച്ച് തിരിച്ചെത്തിയിരുന്നു. അടുത്തിടെയാണ് ക്രിക്കറ്റിൽ നിന്ന് വിരമിക്കുന്നെന്ന പ്രഖ്യാപനം നടത്തിയത്. ഇപ്പോഴിതാ തൻ്റെ പ്രതിസന്ധി ഘട്ടത്തിൽ ശ്രീശാന്ത് നൽകിയ ഒരു അഭിമുഖം വീണ്ടും വൈറലാകുകയാണ്.

വിലക്കു കാലത്ത് ഭുവനേശ്വരി ഒപ്പം നിന്നു. പ്രശ്നങ്ങളുടെ നടുവിലാണ് ഞങ്ങൾ ജീവിതം തുടങ്ങുന്നത് തന്നെ. അന്നു മുതൽ ‘യു വിൽ പ്ലേ എഗെയ്ൻ. എന്ന് ഭുവനേശ്വരിജി പറയാറുണ്ടായിരുന്നു. മോൾക്കാണ് ക്രിക്കറ്റിൽ താൽപര്യം കൂടുതൽ. ലെറ്റ്സ് പ്ലേ ക്രിക്കറ്റ് എന്നൊക്കെ പറഞ്ഞു വരും ഇടയ്ക്ക്. പ്രാക്ടീസിന് സാൻവികയും തേസും ഒപ്പം വരാറുണ്ട്. അമ്മ ഇപ്പോൾ ജീവിതത്തിലെ വലിയ പ്രതിസന്ധിയിലൂടെ കടന്നു പോകുകയാണ്. ഇടതുകാൽ മുട്ടിനു താഴെ ശസ്ത്രക്രിയ ചെയ്തു മാറ്റിയിരിക്കുകയാണ്. ഇപ്പോൾ കൃത്രിമ കാലിൽ നടക്കാനുള്ള ശ്രമത്തിലാണ്. അമ്മ ശക്തയായ സ്ത്രീയാണ്. എല്ലാവരും അമ്മയ്ക്കു വേണ്ടിയും പ്രാർഥിക്കണം.

വീരേന്ദർ സേവാഗ് പാജിയും വിവിഎസ് ലക്ഷ്മണും. രാഷ്ട്രീയത്തിൽ ശശി തരൂർജിയുമാണ് പ്രതിസന്ധി കാലത്ത് ഏറ്റവും പിന്തുണച്ചത്. ‘ശ്രീശാന്തിനെ എനിക്കറിയാം, അവൻ അങ്ങനെ ചെയ്യില്ല’ എന്ന് പറഞ്ഞത് ശശി തരൂർജിയാണ്. ഒത്തു കളിയിൽ കുടുങ്ങിയ കാലത്തെ കുറിച്ച് ഓർക്കാൻ പോലും ഇഷ്ടപ്പെടുന്നില്ല ശ്രീശാന്ത്. കരുത്തനാകാനുള്ള അവസരം ദൈവം തന്നു എന്നാണ് വിശ്വസിക്കുന്നത്. കുടുംബത്തോട് കൂടുതൽ അടുക്കാൻ കഴിഞ്ഞു