ശ്രീയ രമേശ് മുസ്ലിം സമുദായത്തിൽ പെട്ടയാളല്ല, പിന്നെ എന്തിനാണ് പർദ്ദ ധരിക്കുന്നത്, എന്ത് സന്ദേശമാണ് നൽകുന്നത്, വിമർശനം

മിനിസ്ക്രീനിലും ബി​ഗ് സ്ക്രീനിലും തന്റെ കഴിവു തെളിയിച്ച താരമാണ് ശ്രീയ രമേശ്. ഭർത്താവ് രമേശുമൊത്ത്‌ ദുബായിൽ താമസം. കുങ്കുമപ്പൂവ്‌ എന്ന സീരിയലിലൂടെയാണ് ശ്രീയ അഭിനയ രംഗത്തേയ്ക്ക് വരുന്നത്. തുടർന്ന് നിരവധി സീരിയലുകളിൽ അഭിനയിച്ചു. ആദ്യ ചലച്ചിത്രം എന്നും എപ്പോഴും, പിന്നീട് വേട്ട, അനീസ്യ, ഒപ്പം, ഡഫേദാർ തുടങ്ങിയ ചിത്രങ്ങളിലും അഭിനയിച്ചു. ചലച്ചിത്ര നടൻ മോഹൻലാലിന്റെ കസിനാണ് ശ്രീയ രമേശ്.

കഴിഞ്ഞ ദിവസം ശ്രീയ പങ്കുവെച്ച പോസ്റ്റിന് വൻതരത്തിൽ സൈബറാക്രമണം നേരിട്ടിരുന്നു. പുണ്യമാസമായ റംസാനിലെ കഠിനമായ വ്രതവും പ്രാർത്ഥനകളും നിറഞ്ഞ ദിനങ്ങൾ പൂർത്തിയാക്കി പെരുന്നാൾ വന്നെത്തിയിരിക്കുന്നു. എല്ലാ സുഹൃത്തുക്കൾക്കും കുടുംബങ്ങൾക്കും ഈദ് ആശംസകൾ. കൊവിഡ് വ്യാപന ജാഗ്രതയുടെ ഭാഗമായി എല്ലാവരും ഒത്തുകൂടലുകൾ പരമാവധി ഒഴിവാക്കി ആഘോഷങ്ങൾ വീടുകളിൽ ഒതുക്കുവാൻ ശ്രദ്ധിക്കുക. നമുക്കും പ്രിയപ്പെട്ടവർക്കും ആപത്ത് വരാതിരിക്കുവാൻ വലിയ ശ്രദ്ധ നൽകിയേ പറ്റൂ. കൊവിഡ് എന്ന മഹാമാരിയിൽ നിന്നും വിമുക്തമായ ലോകം ഉണ്ടാകട്ടെ എന്ന് പ്രാർത്ഥിക്കുന്നു’, എന്ന ക്യാപ്ഷ്യനോടെയാണ് ചിത്രം പങ്ക് വച്ചത്. നടി ധരിച്ച പർദ്ദയാണ് വിമർശനത്തിന് കാരണമായത്.

ശ്രീയ രമേശ് മുസ്ലിം സമുദായത്തിൽ പെട്ടയാളല്ല. പക്ഷേ, ശ്രീയയുടെ വസ്ത്രധാരണം കണ്ടാൽ അങ്ങിനെ തോന്നും. എന്ത് സന്ദേശമാണ് ഇത് കൊണ്ട് സൂചിപ്പിക്കുന്നത്. ഇത് വെറും ഷോ മാത്രമാണോ? എന്ന് തുടങ്ങി നിരവധി കമന്റ്സുകൾ ആണ് ശ്രീയക്ക് ലഭിച്ചത്. ഇതിന് തക്ക മറുപടിയും ശ്രീയ നൽകി. ‘ഈ വസ്ത്രത്തെ ഞാൻ അങ്ങേയറ്റം ബഹുമാനിക്കുന്നു. പർദ്ദ മുസ്‌ലിം സ്ത്രീകൾ മാത്രമാണോ ധരിക്കുന്നത്. ഞാൻ സൗദിയിൽ ആയിരുന്നപ്പോൾ ഇത് ആണ് ഇപ്പോഴും ധരിച്ചിരുന്നത്. ഞാൻ ഈ വസ്ത്രത്തിൽ ഒരുപാട് കംഫർട്ട് ആണ്’, എന്നും ശ്രീയ പറയുന്നു. മാത്രമല്ല ദയവായി നിങ്ങളുടെ കണ്ണുകൾ തുറന്ന് ലോകത്തെ ശരിയായി മാത്രം കാണാനും നടി ഉപദേശിച്ചു. നിരവധി പേരാണ് ശ്രീയയെ അനുകൂലിച്ച്‌ എത്തിയത്.