പ്രണയക്കെ കുറിച്ചും വിവാഹാഭ്യര്‍ത്ഥനയെ കുറിച്ചും മനസ് തുറന്ന് ശ്രേയാ ഘോഷാല്‍

ലോകത്തെമ്പാടും നിരവധി ആരാധകരുള്ള ഗായികയാണ് ശ്രേയ ഘോഷാല്‍. ഇന്ത്യയില്‍ തന്നെ ഒട്ടുമിക്ക ഭാഷകളിലും താരം പിന്നടി പാടിയിട്ടുണ്ട്. മലയാളത്തിലും നിരവധി ഗാനങ്ങള്‍ ആലപിച്ചു. ഇപ്പോള്‍ ശൈലാദിത്യ മുഖോപാധ്യയുമായുള്ള പ്രണയത്തെ കുറിച്ചുമ വിവാഹാഭ്യര്‍ത്ഥനയെ കുറിച്ചും മനസ് തുറന്നിരിക്കുകയാണ് താരം.

വര്‍ഷങ്ങള്‍ക്കു മുന്‍പ് ഒരുമിച്ച് ഗോവയില്‍ അവധിയാഘോഷിക്കുന്നതിനിടയിലാണ് ശൈലാദിത്യ തന്നോടു വിവാഹാഭ്യര്‍ഥന നടത്തിയതെന്ന് അടുത്തിടെ ദേശീയ മാധ്യമത്തിനു നല്‍കിയ അഭിമുഖത്തില്‍ ശ്രേയ ഘോഷാല്‍ പറഞ്ഞു.

2015 ഫെബ്രുവരിയിലാണ് ശ്രേയയും ശൈലാദിത്യയും വിവാഹിതരായത്. പത്ത് വര്‍ഷം നീണ്ട പ്രണയത്തിനൊടുവിലാണ് തങ്ങളുടെ വിവാഹമെന്ന് ശ്രേയ നേരത്തെ പറഞ്ഞിരുന്നു. ബാല്യകാല സുഹൃത്തുക്കള്‍ കൂടിയാണ് ഇരുവരും. ബംഗാളി ചടങ്ങളുകള്‍ പ്രകാരമാണ് വിവാഹ ചടങ്ങുകള്‍ നടന്നത്. ഇതിന്റെ ചിത്രങ്ങളൊക്കെ സോഷ്യല്‍ ലോകത്ത് അന്ന് വൈറലായിരുന്നു. .

സമൂഹമാധ്യമങ്ങളില്‍ ഏറെ സജീവമായ ശ്രേയ ഘോഷാല്‍, ഭര്‍ത്താവിനൊപ്പമുള്ള ചിത്രങ്ങളും വിഡിയോകളുമെല്ലാം ആരാധകരുമായി പങ്കുവയ്ക്കാറുണ്ട്. ശൈലാദിത്യ ഇലക്ട്രോണിക്‌സ് എന്‍ജിനീയര്‍ ആണ്. ഈ വര്‍ഷം മെയ് മാസത്തിലാണ് ശ്രേയയും ശൈലാദിത്യയും ആദ്യകണ്‍മണിയെ വരവേറ്റത്. വിവാഹം കഴിഞ്ഞ് 6 വര്‍ഷങ്ങള്‍ക്കു ശേഷം അമ്മയായതിന്റെ സന്തോഷവും ശ്രേയ പങ്കുവച്ചിരുന്നു. മുന്‍പ് ഒരിക്കലും അറിഞ്ഞിട്ടില്ലാത്ത ആനന്ദം താന്‍ ഇപ്പോള്‍ അനുഭവിക്കുകയാണെന്നാണ് ആണ്‍കുഞ്ഞിനു ജന്മം നല്‍കിയ ശേഷം ശ്രേയ ഘോഷാല്‍ പറഞ്ഞത്.