വിമാനം വീഴ്ത്തുമെന്ന് ട്വീറ്റ് ചെയ്ത വിദ്യാർഥി അറസ്റ്റിൽ

മുംബൈ. 12-ാം ക്ലാസുകാരന്‍ വിമാനം ആക്രമിക്കുമെന്ന് ഭീഷണിപ്പെടുത്തിയ കേസില്‍ അറസ്റ്റില്‍. ആകാശ എയര്‍ലൈന്‍ ആക്രമിക്കുമെന്ന് 12-ാം ക്ലാസുകാരന്‍ ട്വീറ്റ് ചെയ്യുകായയിരുന്നു. ട്വീറ്റ് ശ്രദ്ധയില്‍പ്പെട്ട ആകാശ എയര്‍ലൈന്‍ പോലീസില്‍ പരാതി നല്‍കിയതതോടെയാണ് ഗുജറാത്തില്‍ നിന്നുള്ള വിദ്യാര്‍ഥിയെ പോലീസ് അറസ്റ്റ് ചെയ്തത്.

പരാതിയുടെ അടിസ്ഥാനത്തില്‍ മുംബൈ പോലീസ് ഗുജറാത്തില്‍ എത്തിയാണ് വിദ്യാര്‍തിയെ അറസ്റ്റ് ചെയ്തത്. ആകാശ എയറിന്റെ ബോയിങ് 737 മാക്‌സ് വിമാനമാണ് വീഴ്ത്തുമെന്ന് വിദ്യാര്‍ഥി ട്വീറ്റ് ചെയ്തത്. പോലീസ് ഐപി വിലാസവും മറ്റും പരിശോധിച്ചാണ് ഗുജറാത്തില്‍നിന്നാണ് ട്വീറ്റ് ചെയ്തതെന്ന് കണ്ടെത്തിയത്. തുടര്‍ന്ന് മുംബൈ പോലീസ് ഗുജറാത്തില്‍ എത്തിയാണ് വിദ്യാര്‍തിയെ അറസ്റ്റ് ചെയ്തത്.

സംഭവം ഇത്രയും വലിയ പ്രശ്‌നത്തിലേക്ക് എത്തുമെന്ന് കരുതിയില്ലെന്ന് കുട്ടി പറയുന്നു. വിമാനങ്ങളോട് വലിയ താല്പര്യമുണ്ടെന്നും എന്നാല്‍ എന്തെങ്കിലും പ്രശ്‌നം ഉണ്ടാക്കുവാന്‍ വേണ്ടിയല്ല ട്വീറ്റ് ചെയ്തതെന്നും വിദ്യാര്‍ഥി പോലീസിനോട് പറഞ്ഞു. തുടര്‍ന്ന് വിദ്യാര്‍ഥിയെ 5000 രൂപയുടെ ജാമ്യത്തില്‍ പോലീസ് വിട്ടയച്ചു.