അഭിനയിക്കാൻ സുഖം പക്രുവിനും സുരേഷ് ഗോപിക്കും ഒപ്പം തുറന്ന് പറഞ്ഞ് സുധീഷ്

വളരെ ചെറിയ പ്രായത്തില്‍ തന്നെ സിനിമയിലെത്തി മലയാളികളുടെ ഇഷ്ടം പിടിച്ച് പറ്റിയ നടനാണ് സുധീഷ്. മുപ്പത്തഞ്ച് വര്‍ഷമായി സിനിമയില്‍ വിവിധ വേഷങ്ങളില്‍ സുധീഷ് നിറഞ്ഞ് നില്‍ക്കുന്നു. 1987 ല്‍ പുറത്തിറങ്ങിയ അനന്തരം എന്ന സിനിമയിലൂടെ ആയിരുന്നു സുധീഷിന്റെ അരങ്ങേറ്റം. മണിചിത്രത്തിലെ ചന്ദു എന്ന കഥാപാത്രമാണ് സുധീഷിന് കൂടുതല്‍ പ്രേക്ഷക ശ്രദ്ധ നേടി കൊടുത്തത്.

പിന്നീട് അനിയത്തി പ്രാവ്, ചിന്താവിഷ്ടയായ ശ്യാമള, ശ്രീകൃഷ്ണപുരത്തെ നക്ഷത്ര തിളക്കം, വല്യേട്ടന്‍, വെള്ളിത്തിര തുടങ്ങിയ നിരവധി ചിത്രങ്ങളിലൂടെ പ്രേക്ഷകര്‍ക്ക് പ്രിയങ്കരനായി മാറുകയായിരുന്നു സുധീഷ്. അടുത്തിടെയായി ക്യാരക്ടര്‍ റോളുകളില്‍ പ്രത്യേക്ഷ പെടാന്‍ തുടങ്ങിയ സുധീഷ് മികച്ച സ്വഭാവ നടനുള്ള സംസ്ഥാന ചലച്ചിത്ര പുരസ്‌കാരം സ്വന്തമാക്കിയിരുന്നു. ഭൂമിയിലെ മനോഹര സ്വകാര്യം, എന്നിവര്‍ തുടങ്ങിയ ചിത്രങ്ങളിലെ അഭിനയത്തിനാണ് താരത്തെ തേടി പുരസ്‌കാരമെത്തിയത്.

എന്നിവര്‍ എന്ന ചിത്രത്തിന് രണ്ടാമത്തെ മികച്ച നടനുള്ള ഫിലിം ക്രിട്ടിക്‌സ് പുരസ്‌കാരവും സുധീഷ് സ്വന്തമാക്കിയിരുന്നു. മലയാളത്തിലെ എല്ലാ സൂപ്പര്‍ താരങ്ങള്‍ക്കുമൊപ്പവും അഭിനയിക്കാന്‍ ഭാഗ്യം ലഭിച്ചിട്ടുണ്ട് സുധീഷിന്. ഒരിക്കല്‍ കൈരളി ടിവിയിലെ സ്റ്റാര്‍ റാഗിങ് എന്ന പരിപാടിയില്‍ പങ്കെടുത്തപ്പോള്‍ അവതാരകനായ നാദിര്‍ഷ, അഭിനയിക്കാന്‍ ഏറ്റവും കംഫര്‍ട്ടബിള്‍ ആയ നടന്‍ ആരാണെന്ന് താരത്തിനോട്‌ചോദിച്ചിരുന്നു.

അന്ന് സുധീഷ് നല്‍കിയ രസകരമായ മറുപടിയാണ് ഇപ്പോള്‍ ശ്രദ്ധനേടുന്നത്. സുധീഷിന്റെ വാക്കുകള്‍ ഇങ്ങനെ. അഭിനയിക്കാന്‍ ഏറ്റവും കംഫര്‍ട്ടബിള്‍ ആയിട്ടുള്ളത് ഗിന്നസ് പക്രുവാണ്. ഗിന്നസ് പക്രുവിന്റെ ഒപ്പം അഭിനയിക്കുമ്പോള്‍ മാത്രമേ എനിക്ക് താഴേക്ക് നോക്കി അഭിനയിക്കേണ്ട ആവശ്യം വരുന്നുള്ളു. ബാക്കി എല്ലാം ഞാനിങ്ങനെ മേളിലോട്ട് നോക്കിയാണ് അഭിനയിക്കുക. അതിപ്പോള്‍ മമ്മൂട്ടിയ്ക്ക് ഒപ്പമായാലും മോഹന്‍ലാലിന് ഒപ്പമായാലും അങ്ങനെയാണെന്ന് സുധീഷ് പറയുന്നു.

പക്രുവിന് ഒപ്പമാണെങ്കില്‍ നമുക്ക് അമിതാഭ് ബച്ചനെ പോലെ അന്തസായി താഴോട്ട് നോക്കിയൊക്കെ അഭിനയിക്കാം. അതിന്റെ കംഫര്‍ട്ട് ഭയങ്കരമല്ലേ. പിന്നെ സുരേഷ് ഗോപി, ബാബു ആന്റണി എന്നിവരോടൊപ്പം അഭിനയിക്കുമ്പോള്‍ ഭയങ്കര സുഖമാണ്. കോമ്പിനേഷന്‍ വരുമ്പോള്‍ നമ്മള്‍ ഫ്രേമില്‍ ഉണ്ടാവില്ല. നമ്മള്‍ ത്രൂ ഔട്ടായിരിക്കും. നാദിര്‍ഷയ്ക്കും അങ്ങനെ ആവും, ചിരിച്ചു കൊണ്ട് ജഗദീഷ് പറഞ്ഞു.

പക്രുവിനോട് നിന്റൊപ്പം അഭിനയിക്കുമ്പോള്‍ ഞാന്‍ അമിതാഭ് ബച്ചനാണെന്ന് പറഞ്ഞിട്ടുണ്ടെന്നും നാദിര്‍ഷ പറയുന്നുണ്ട്. തനിക്ക് ഇഷ്ടപ്പെട്ട പെണ്‍കുട്ടിയെ കുറിച്ച് ചോദിക്കുമ്പോഴും രസകരമായ മറുപടിയാണ് സുധീഷ് നല്‍കുന്നത്. ഇഷ്ടപ്പെട്ട പെണ്‍കുട്ടിയുണ്ട് അയാളോട് പറയാന്‍ പറ്റിയില്ല എന്നാണ് താരം പറയുന്നത്. ആരെന്ന് ചോദിക്കുമ്പോള്‍ ഐശ്വര്യ റായ് എന്നാണ് മറുപടി.

ഞാന്‍ വിളിച്ചു കൊണ്ടിരുന്നത് ഐഷു എന്നാണെന്നും ഞങ്ങളിക്കെ ഒരേ പ്രായമാണെന്നും സുധീഷ് പറയുന്നുണ്ട്. സൗന്ദര്യ രഹസ്യത്തെ കുറിച്ചുള്ള ചോദ്യത്തിന് മനസ് നന്നായിരിക്കുക എന്നാണ് സുധീഷ് പറയുന്നത്. ആ കാര്യത്തില്‍ ഞാനും മമ്മൂക്കയുമൊക്കെ ഒരുപോലെയാണ്. ഞങ്ങളുടെ മനോഭാവം ഒക്കെ ഒന്നാണ്. മനസ്സില്‍ ചെറുപ്പം സൂക്ഷിക്കുന്നവരാണ് ഞങ്ങള്‍ എന്നാണ് താരം പറയുന്നത്.