കൊച്ചി: ഗാര്ഹിക പീഡനത്തെ തുടര്ന്ന് ആലുവയില് നിയമ വിദ്യാര്ഥിനി മോഫിയ പര്വീന് ആത്മഹത്യ ചെയ്ത കേസില് ഒന്നാം പ്രതിയും മോഫിയയുടെ ഭര്ത്താവുമായ സുഹൈലിന് ജാമ്യം. ഹൈക്കോടതിയാണ് ജാമ്യം അനുവദിച്ചത്. കേസില് പ്രതികളായ സുഹൈലിന്റെ മാതാപിതാക്കള്ക്ക് നേരത്തെ ജാമ്യം ലഭിച്ചിരുന്നു.
സ്ത്രീധന പീഡനത്തെ തുടര്ന്നാണ് കഴിഞ്ഞ നവംബറില് ആലുവ എടയപ്പുറം സ്വദേശിനി മോഫിയ പര്വീണ് (21) ആത്മഹത്യ ചെയ്തത്. ഭര്തൃവീട്ടുകാര്ക്കെതിരെ പൊലീസില് പരാതി നല്കിയതിന് പിന്നാലെയാണ് മോഫിയ തൂങ്ങി മരിച്ചത്. 11 മാസങ്ങള്ക്ക് മുന്പായിരുന്നു മോഫിയയുടെയും സുഹൈലിന്റേയും വിവാഹം. വിവാഹത്തിനു പിന്നാലെ ഇരുവരും തമ്മില് പ്രശ്നങ്ങളുണ്ടാവുകയും പെണ്കുട്ടി സ്വന്തം വീട്ടിലേക്ക് മാറി താമസിക്കുകയും ചെയ്തിരുന്നു. തൊടുപുഴ അല് അസ്ഹര് ലോ കോളജിലെ മൂന്നാം വര്ഷ വിദ്യാര്ഥിനിയായിരുന്നു മോഫിയ.
മോഫിയ ഭര്തൃവീട്ടില് സ്ത്രീധന പീഡനത്തിനും, ഗാര്ഹിക പീഡനത്തിനും ഇരയായെന്ന് കുറ്റപത്രത്തില് വ്യക്തമാക്കിയിരുന്നു. ആത്മഹത്യാ പ്രേരണക്കുറ്റമാണ് സുഹൈലിനും മാതാപിതാക്കള്ക്കുമെതിരെ ചുമത്തിയിരിക്കുന്നത്.
ഭര്തൃവീട്ടുകാര്ക്കെതിരെ ആലുവ ഡി.വൈ.എസ്.പിക്ക് പെണ്കുട്ടിയുടെ കുടുംബം പരാതി നല്കിയിരുന്നു. ഇതിന് പിന്നാലെ പെണ്കുട്ടിയുടെയും ഭര്ത്താവിന്റെയും വീട്ടുകാരെ മധ്യസ്ഥ ചര്ച്ചയ്ക്ക് വിളിച്ചിരുന്നു. എന്നാല് സി. ഐ വളരെ മോശമായാണ് മോഫിയയോടും തങ്ങളോടും പെരുമാറിയതെന്ന് പെണ്കുട്ടിയുടെ കുടുംബം ആരോപിച്ചിരുന്നു. ആത്മഹത്യാ കുറിപ്പില് മോഫിയ സി.ഐ. സുധീറിനെതിരെ നടപടി എടുക്കണമെന്ന് ആവശ്യപ്പെടുകയും ചെയ്തിരുന്നു.
സി.ഐക്കെതിരെ നടപടിയെടുക്കണമെന്നും ഭര്ത്താവും മാതാപിതാക്കളും ക്രിമിനലുകളാണെന്നും അവര്ക്ക് പരമാവധി ശിക്ഷ കൊടുക്കണമെന്നും അത് തന്റെ അവസാന ആഗ്രഹമാണെന്നുമായിരുന്നു മോഫിയയുടെ ആത്മഹത്യാക്കുറിപ്പില് പറഞ്ഞിരുന്നത്. സംഭവത്തില് പിന്നാലെ പ്രശ്നത്തില് ഇടപെടുന്നതില് വീഴ്ച വരുത്തിയ ആലുവ സി.ഐക്കെതിരെ ഉദ്യോഗസ്ഥ തലത്തില് നടപടിയെടുക്കുകയും ചെയ്തിരുന്നു.
ട്രെയിന് യാത്രക്കിടയിൽ സെൻട്രൽ ബെർത്ത് പൊട്ടി വീണ് താഴെ ബർത്തിൽ കിടന്നിരുന്ന മാറഞ്ചേരി സ്വദേശിക്ക് ദാരുണാന്ത്യം. മാറഞ്ചേരി വടമുക്കിലെ പരേതനായ…
തിരുവനന്തപുരം: സംസ്ഥാനത്ത് ഒറ്റപ്പെട്ട സ്ഥലങ്ങളിൽ ഇന്ന് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. കണ്ണൂർ, കാസർകോട് ജില്ലകളിൽ…
തിരുവനന്തപുരം കളിയിക്കാവിളയിൽ റോഡിൽ നിർത്തിയിട്ട കാറിനുള്ളിൽ കരമന സ്വദേശിയായ ക്വാറി ഉടമ ദീപുവാനിന്റെ മൃതദേഹം കണ്ടെത്തിയ സംഭവത്തിലെ സിസ്ടവ് ദൃശ്യങ്ങൽ…
കൊച്ചി ∙ ആർഎസ്എസ് നേതാവായിരുന്ന ശ്രീനിവാസൻ വധക്കേസിലെ 9 പ്രതികളുടെ ജാമ്യാപേക്ഷ തള്ളി. എൻഐഎ കുറ്റപത്രത്തിലെ ഗുരുതര കുറ്റങ്ങൾ ചൂണ്ടിക്കാട്ടിയും…
കൊച്ചി: 28 വര്ഷത്തെ മാധ്യമജീവിതത്തിന് വിരാമമിട്ട് എം.വി. നികേഷ് കുമാര്. ഇനി മുഴുവന് സമയ രാഷ്ട്രീയത്തിലേക്ക് പ്രവേശിക്കുമെന്ന് റിപ്പോർട്ട്. സിപിഎം…
മൂന്നാർ: മൂന്നാറില് കനത്ത മഴയില് വീടിന് മുകളിലേക്ക് മണ്ണിടിഞ്ഞു വീണ് സ്ത്രീ മരിച്ചു. മൂന്നാര് എംജി കോളനിയില് താമസിക്കുന്ന കുമാറിന്റെ…