ബിരുദ പ്രവേശന പട്ടികയിൽ സണ്ണി ലിയോണിന് ഒന്നാം റാങ്ക്, അടുത്ത സെമസ്റ്ററിൽ കാണാമെന്ന് സണ്ണി ലിയോൺ

നിരവധി ആരാധകരുള്ള നടിയാണ് സണ്ണി ലിയോൺ.ലോക്ക് ഡൗൺ വിശേഷങ്ങൾ ആരാധകരായി നിരന്തരം താരം പങ്കുവയ്ക്കാറുണ്ട്.മക്കൾക്കും ഭർത്താവിനുമൊപ്പം സന്തോഷത്തോടെ കഴിയുകയാണ് സണ്ണി ലിയോൺ.നിഷ എന്നൊരു മകളെ ദത്തെടുത്തതിന് പിന്നാലെ വാടകഗർഭപാത്രത്തിലൂടെ രണ്ട് ഇരട്ടക്കുട്ടികളെ കൂടി ഇരുവരും സ്വന്തമാക്കിയിരുന്നു.കേരളത്തിലും നിരവധി ആരാധകരുള്ള താരത്തിന്റെ വിശേഷങ്ങൾ ക്ഷണ നേരം കൊണ്ട് വൈറലാകാറുണ്ട്.കഴിഞ്ഞ ദിവസം മൂത്തമകളുടെ ജന്മദിനത്തിന്റെ ചിത്രങ്ങളൊക്കെ താരം ഷെയർ ചെയ്തിരുന്നു.

എന്നാലിപ്പോൾ സോഷ്യൽ മീഡിയയിൽ ചർച്ചയാകുന്നത് സണ്ണി ലിയോണിന്റെ കോളേജ് വിശേഷങ്ങളാണ്.കൊൽക്കത്തയിലെ ഒരു കോളജിൽ ഇം​ഗ്ലീഷ് ബിരുദത്തിന് പ്രവേശനം എടുക്കാൻ വന്ന വിദ്യാർത്ഥികൾ പ്രവേശനത്തിനുള്ള മെറിറ്റ്‌ പട്ടികയിൽ ഒന്നാംസ്ഥാനത്ത് സണ്ണി ലിയോണിയുടെ പേരാണ്.അശുതോഷ് കോളജ് വ്യാഴാഴ്ച ഓൺലൈനിൽ പ്രസിദ്ധീകരിച്ച ബിഎ ഇംഗ്ലീഷ്(ഓണേഴ്സ്) പ്രവേശനത്തിനുള്ള ആദ്യ പട്ടികയിലാണ് താരത്തിന്റെ പേര് ഇടംപിടിച്ചത്.ആപ്ലിക്കേഷൻ ഐഡി,റോൾ നമ്പർ എന്നിവ സഹിതമാണ് പേര് പട്ടികയിലുള്ളത്.പേരിന് പുറമെ പ്ലസ് ടു പരീക്ഷയിൽ നാല് വിഷയങ്ങൾക്ക് ഫുൾ മാർക്ക് നേടിയിട്ടുണ്ടെന്നും ഇതിൽ വ്യക്തമാക്കുന്നു.

എന്നാൽ സണ്ണിയുടെ കോളജ് പ്രവേശനം വാർത്തകളിൽ നിറഞ്ഞതോടെ രസകരമായ പ്രതികരണവുമായി താരം രം​ഗത്തെത്തി.എല്ലാവരേയും അടുത്ത സെമസ്റ്ററിൽ കാണാം,നിങ്ങൾ എന്റെ ക്ലാസിലുണ്ടാകുമെന്ന് പ്രതീക്ഷിക്കുന്നു-എന്നായിരുന്നു താരം ട്വീറ്റ് ചെയ്തത്.അതിന് താഴെ രസകരമായ ട്രോളുകളും നിറയുന്നുണ്ട്.സംഭവം വിവാദമായതോടെ കോളേജ് മാനേജ്മെന്റ് വിശദീകരണവുമായി രം​ഗത്തെത്തി.ആരോ മനഃപൂർവം ചെയ്തതാണിതെന്നാണ് കോളജിന്റെ വിശദീകരണം.ഇത് തിരുത്താൻ ബന്ധപ്പെട്ട വകുപ്പിനോട് ആവശ്യപ്പെട്ടിട്ടുണ്ടെന്നും സംഭവത്തെക്കുറിച്ച്‌ അന്വേഷണം നടത്തുമെന്നും കോളജ് അധികൃതർ അറിയിച്ചു.