വട്ടിയൂർക്കാവ് അല്ലെങ്കിൽ തിരുവനന്തപുരത്ത് സുരേഷ് ഗോപി, ത്രികോണ മത്സരം നടക്കും

തിരുവനന്തപുരം: നിയമസഭാ തിരഞ്ഞെടുപ്പിൽ ശക്തമായ മത്സരം നടത്തൊനൊരുങ്ങി ബിജെപി. പ്ര​ഗത്ഭരായവരെ മത്സരരം​ഗത്തിറക്കാനാണ് തീരുമാനം. വട്ടിയൂർക്കാവ് വൻ പോരാട്ടത്തിന് തയ്യാറെടുത്തിരിക്കുകയാണ് ബിജെപി. സിനിമ താരവും രാജ്യസഭ എംപിയും ആയ സുരേഷ് ഗോപിയോട് സംസ്ഥാന നേതൃത്വവും മത്സരിക്കാൻ ആവശ്യപ്പെട്ടു. മണ്ഡലം ഏതെന്ന് അദ്ദേഹത്തിനു തിരഞ്ഞെടുക്കാം. ആർഎസ്എസും സമാനമായ ആവശ്യം ഉന്നയിച്ചിട്ടുണ്ട്. സുരേഷ് ​ഗോപി എത്തുന്നതോടെ ശക്തമായ ത്രികോണ മത്സരമായിരിക്കും വട്ടിയൂർക്കാവ് നടക്കുക. ഇത്തവണ മത്സരിക്കാനില്ലെന്നാണ് സുരേഷ് ​ഗോപി അറിയിതെന്നും സൂനയുണ്ട്.

ആദ്യഘട്ടത്തിൽ സുരേഷ് ഗോപി മത്സരിക്കാൻ താത്പര്യപ്പെട്ടിരുന്ന മണ്ഡലങ്ങളിൽ ഒന്നായിരുന്നു വട്ടിയൂർക്കാവ്.വട്ടിയൂർക്കാർ വൻ പോരാട്ടത്തിന് തയ്യാറെടുത്ത് ബിജെപി. ജില്ലാ പ്രസിഡന്റ് വിവി രാജേഷിന്റെ പേരാണ് ആദ്യം വട്ടിയൂർക്കാവിൽ ഉയർന്ന് കേട്ടിരുന്നത് എങ്കിലും ഇപ്പോൾ കാര്യങ്ങൾ മാറിമറിയുകയാണ്.അതിനിടെ സുരേഷ് ഗോപിയെ തൃശൂരിൽ മത്സരിപ്പിക്കാനുള്ള ശ്രമങ്ങളും ബിജെപിയിൽ നടന്നിരുന്നു. കഴിഞ്ഞ ലോക്‌സഭ തിരഞ്ഞെടുപ്പിൽ തൃശൂരിൽ സുരേഷ് ഗോപി വലിയ തോതിൽ വോട്ടുകൾ സമാഹരിച്ചിരുന്നു. എന്നാൽ നിയമസഭയിലേക്ക് തൃശൂരിൽ നിന്ന് മത്സരിക്കാൻ അദ്ദേഹം താത്പര്യപ്പെടുന്നില്ല എന്നാണ് സൂചന.

അതേസമയം, കെ.സുരേന്ദ്രൻറെ സ്ഥാനാർഥിത്വം നിർദേശിച്ച് ആറു ജില്ലാ കമ്മിറ്റികൾ സംസ്ഥാന നേതൃത്വത്തിനു കത്തു നൽകി. തിരുവനന്തപുരം, പത്തനംതിട്ട, തൃശൂർ, കോഴിക്കോട്, കാസർകോട്, പാലക്കാട് ജില്ലാ കമ്മിറ്റികളാണ് കെ.സുരേന്ദ്രൻ എത്തണമെന്നാവശ്യപ്പെട്ട് കത്തു നൽകിയത്. സംസ്ഥാന നേതൃത്വം നൽകിയ സാധ്യതാ പട്ടികയുടെ അടിസ്ഥാനത്തിൽ കേന്ദ്ര നേതൃത്വത്തിൻറെ സർവേയുടെ അടിസ്ഥാനത്തിലാകും അന്തിമ സ്ഥാനാർഥി പട്ടികയെത്തുക.