ചതിയിൽ അകപ്പെട്ട ജനങ്ങളാണ് തനിക്കൊപ്പം നടക്കുന്നത്, യാത്രയിൽ രാഷ്ട്രീയമില്ല തീർത്തും മനുഷ്യത്വപരമായ സമരമാണെന്ന് സുരേഷ് ഗോപി

തൃശൂര്‍. സമരം കണ്ണൂരിലേക്കും മലപ്പുറത്തേക്കും കണ്ടലയിലേക്കും വ്യാപിപ്പിക്കുമെന്നും കരുവന്നൂരിലെ പദയാത്ര ഒരു കനല്‍ത്തരി മാത്രമാണെന്നും സുരേഷ് ഗോപി. കരുവന്നൂരില്‍ സംഘടിപ്പിച്ച സഹകാരി സംരക്ഷണ ജാഥയില്‍ സംസാരിക്കുകയായിരുന്നു അദ്ദേഹം. ബാങ്കിന്റെ ക്രൂരതയില്‍ പെട്ട ജനങ്ങളാണ് തനിക്കോപ്പം നടക്കുന്നത്. പദയാത്രയില്‍ രാഷ്ട്രീയമില്ലെന്നും മനുഷ്യത്വപരമായ സമരമാണ് നടക്കുന്നതെന്നും അദ്ദേഹം വ്യക്തമാക്കി.

കേരളത്തിലെ സഹകരണ പ്രസ്ഥാനത്തിന്റെ പ്രശ്‌നം തുടങ്ങുന്നത് നോട്ട് നിരോധനം മുതലാണെന്നും. സഹകരണ മേഖലയിലെ ചില പ്രശ്‌നങ്ങള്‍ അവതരിപ്പിക്കാന്‍ മുഖ്യമന്ത്രി പിണറായി വിജയന്‍ ധനകാര്യ മന്ത്രിയായിരുന്ന അരുണ്‍ ജെയ്റ്റ്‌ലിയെ കണ്ടിരുന്നുവെന്നും അദ്ദേഹം പറഞ്ഞു. താന്‍ അന്ന് എംപിയായിരുന്നുവെന്നും അന്ന് ആ ഓഫീസില്‍ ഉണ്ടായിരുന്നുവെന്നും അദ്ദേഹം വ്യക്തമാക്കുന്നു.

പാവപ്പെട്ടവന്റെ ചോരയിലും നീരിലുമാണ് സഹകരണ പ്രസ്ഥാനം പടുത്തുയര്‍ത്തിയിരിക്കുന്നത്. ഈ അഴിമതി പുറത്തുകൊണ്ടുവന്നച് പാവപ്പെട്ട സിപിഎം അനുഭാവികളാണ്. പദയാത്ര തുടങ്ങി തൃശൂരിൽ അവസാനിക്കുക മാത്രമല്ല പുതിയ പ്രഖ്യാപനങ്ങളും അവിടെ വെച്ച് ഉണ്ടാകണം. തട്ടിപ്പ് ബാധിക്കപ്പെട്ട കുടുംബങ്ങൾ അവരുടെ കണ്ണൂര് കണ്ട കുടുംബങ്ങൾ ആ ഓരോ കുടുംബത്തിലെയും അം​ഗങ്ങൾ ഇവിടെ ഉണ്ടെന്നാണ് താൻ വിശ്വസിക്കുന്നത്. ഇത് സഹകരണ പ്രസ്ഥാനങ്ങളെ തകർക്കാൻ വേണ്ടിയോ അതിന്റെ നിലനിൽപ് ചോദ്യം ചെയ്യുവാൻ വേണ്ടിയോ അല്ലെന്നും.

ഈ സകരണ ബാങ്കുകൾ‌ പാവപ്പെട്ടവന്റെ ചോരപ്പണം തിരിച്ചു നൽകുന്നത് വരെ നിങ്ങൾ നിലനിൽക്കണം. നിങ്ങൾ പൂട്ടാൻ ഞങ്ങൾ അനുവദിക്കില്ല. സഹകരണ പ്രസ്ഥാനത്തിന്റെ ബലപ്പെടുത്തലിന് കൂടിയാണ് ഈ യാത്രയെന്നും അദ്ദേഹം പറഞ്ഞു.