മാമുക്കോയയുടെ വിയോഗം മലയാള സിനിമയക്ക് തീരാനഷ്ടമെന്ന് സുരേഷ് ഗോപി

കോഴിക്കോട്. അന്തരിച്ച നടന്‍ മാമുക്കോയയുടെ കുടുംബത്തെ സന്ദര്‍ശിച്ച് സുരേഷ് ഗോപി. ഞായറാഴ്ച രാവിലെയാണ് അദ്ദേഹം മാമുക്കോടയുടെ വീട്ടില്‍ എത്തിയത്. മാമുക്കോയയുടെ വിയോഗം മലയാളി സിനിമ രംഗത്ത് വലിയ നഷ്ടമാണെന്നും രൂപത്തിലും ഭാവത്തിലും അഭിനയത്തിലും മികവ് പുലര്‍ത്തിയ വ്യക്തിയായിരുന്നു അദ്ദേഹം എന്നും സുരേഷ് ഗോപി പറഞ്ഞു.

അതേസമയം ഞായറാഴ്ച രാവിലെ മുഖ്യമന്ത്രി പിണറായി വിജയനും മാമുക്കോയയുടെ വീട്ടില്‍ എത്തിയിരുന്നു. 10 മിനിറ്റോളം മുഖ്യമന്ത്രി കുടുംബവുമായി സംസാരിച്ചു. രാവിലെ വീട്ടില്‍ എത്തിയ സുരേഷ് ഗോപി കുടുംബത്തിനൊപ്പം സമയം ചിലവിട്ട ശേഷമാണ് മടങ്ങിയത്. സുരേഷ് ഗോപിക്കൊപ്പം നടന്‍ ജോയ് മാത്യുവും മാമുക്കോയയുടെ വീട്ടില്‍ എത്തിയിരുന്നു.