മകനോടൊപ്പം പായസം ഉണ്ടാക്കി കഴിച്ച് ഓണം ആഘോഷിച്ച് സ്വപ്ന സുരേഷ്

സ്വപ്ന സുരേഷിന്റെ ഓണാഘോഷ വീ‍ഡിയോ സോഷ്യൽ മീ‍ഡിയയിൽ വൈറൽ. വിവാദങ്ങളെ ഒന്നും മാനിക്കാതെ വളരെ സന്തോഷവതിയായാണ് സ്വപ്ന സുരേഷ് ഇത്തവണ ഓണം ആഘോഷിച്ചത്. ജയിലിൽ നിന്ന് പുറത്തിറങ്ങിയ ശേഷമുള്ള സ്വപ്നയുടെ ആദ്യ ഓണമായിരുന്നു കടന്നുപോയത്. പ്രമുഖ അവതാരകൻ രാജ് കലേഷിന്റെ ഓണം സ്പെഷ്യൽ വീഡിയോയിലൂടെയാണ് സ്വപ്ന ഓണ വിശേഷങ്ങൾ പങ്കിട്ടത്. സ്വപ്നയൊടൊപ്പം മകൻ‌ ആദിത്യനാരയണനമുണ്ടായിരുന്നു,.​ഗംഭീരമായ ഒരു പായസവും സ്വപ്ന ഓണത്തിനായി തയ്യാറാക്കിയിട്ടുണ്ട്.

സ്വപ്ന വീഡിയോയിൽ പറയുന്നത് ഇങ്ങനെ, രൂപം നോക്കി ആരെയും വിധിക്കാൻ ശ്രമിക്കരുത്. അവരെ മനസിലാക്കാൻ ശ്രമിക്കുക. ആരും കുറ്റവാളികളായി ജനിക്കുന്നില്ല. സാഹചര്യങ്ങളാണ് ഇത്തരത്തിൽ ആക്കി തീർക്കുന്നത്. എല്ലാ സ്ത്രീകളും മകളും സഹോദരിയും ഭാര്യയുമൊക്കെയാണ്. സ്ത്രീകൾക്ക് മാത്രമാണ് മറ്റൊരു മനുഷ്യന് ജന്മം നൽകാനാകുക. അതുകൊണ്ട് സ്ത്രീകളെ ബഹുമാനിക്കുക. സ്ത്രീകളെ മനസിലാക്കുക. അവർക്ക് ഒരു കൈ സഹായം നൽകി അവരുടെ ജീവിതം മാറ്റിമറിക്കാൻ ശ്രമിക്കുക

മകൻ അമ്മയെക്കുറിച്ച് പറയുന്നതിങ്ങനെ, മറ്റുള്ളവർ എന്തൊക്കെ പറഞ്ഞാലും എനിക്ക് എന്റെ അമ്മയെ അറിയാലോ. ഇടയ്ക്കിടെ ഓരോ ആൾക്കാർ കുറ്റം പറയുമ്പോൾ അമ്മയ്ക്ക് സങ്കടം വരാറുണ്ട്. രാത്രി കരയും പിന്നെ വയ്യാണ്ടാകും. ഞാൻ പരമാവധി സമാധാനിപ്പിക്കും. വീണ്ടും കരയുമ്പോൾ കൂടെ കരയും. തനിക്ക് നടൻ ആകണമെന്നാണ് ആഗ്രഹം