എന്റെ വീട്ടിൽ മതം പ്രശ്നമുണ്ടായില്ല, എന്നാൽ പ്രേമിന്റെ അമ്മക്ക് ചെറിയ പേടിയുണ്ടായിരുന്നു- സ്വാസിക

സീരിയല്‍ താരങ്ങളായ നടി സ്വാസിക വിജയും പ്രേം ജേക്കബും വിവാഹിതരായത് ഇന്നലെയാണ്. കഴിഞ്ഞ കുറേ കാലമായി തന്റെ വിവാഹത്തെ കുറിച്ച് സ്വാസിക പല അഭിമുഖങ്ങളിലും പറഞ്ഞിരുന്നു. എന്നാല്‍ വിവാഹത്തീയ്യതി മാറ്റി പറഞ്ഞ് വളരെ രഹസ്യമായിട്ടാണ് നടിയിപ്പോള്‍ വിവാഹിതയായത്. ഇതിന് പിന്നാലെ കല്യാണ സങ്കല്‍പ്പത്തെ കുറിച്ച് സ്വാസിക പറഞ്ഞ കാര്യങ്ങളും വൈറലാവുകയാണ്.

ഞങ്ങളുടെ ബന്ധം വീട്ടില്‍ അവതരിപ്പിച്ചപ്പോള്‍ അമ്മ നോ എന്ന് പറഞ്ഞില്ല. കാരണം എന്റെ കൂടെ ലൊക്കേഷനില്‍ വന്നിട്ട് അമ്മ പ്രേമിനെ കണ്ടിട്ടുണ്ട്. ഇഷ്ടവുമാണ്. എന്നാല്‍ നമ്മള്‍ അങ്ങോട്ട് പോകണ്ട, അവര്‍ വീട്ടില്‍ ആലോചിച്ചിട്ട് ഇഷ്ടമാണെങ്കില്‍ ഇങ്ങോട്ട് വരട്ടെ. കല്യാണം കഴിപ്പിക്കാമെന്ന് മാത്രമാണ് അമ്മ പറഞ്ഞത്. പിന്നെ പ്രേം ക്രിസ്ത്യനിയാണെന്ന ചിന്തയൊന്നും എന്റെ വീട്ടില്‍ ഉണ്ടായിരുന്നില്ല.

പ്രേമിന്റെ അച്ഛനും പ്രശ്‌നങ്ങളൊന്നും ഉണ്ടായിരുന്നില്ല. എന്നാല്‍ അമ്മക്ക് തുടക്കത്തിലെ അത് ശരിയാകുമോ എങ്ങനെയായിരക്കും, വളര്‍ന്ന രീതികളൊക്കെ വേറെയല്ല എന്നൊരു കണ്‍സേണ്‍ ഉണ്ടായിരുന്നു. കല്യാണം നടത്താന്‍ സമ്മതിക്കില്ലെന്നല്ല പറഞ്ഞത്. സാധാരണ അമ്മമാര്‍ക്ക് ഉണ്ടാവുന്ന കണ്‍ഫ്യൂഷനായിരുന്നു. പിന്നെ അമ്മയും, ഞാനും പ്രേമിന്റെ വീട്ടുകാരും എല്ലാവരും ഒരുമിച്ചിരുന്ന് സംസാരിച്ചപ്പോള്‍ ഓക്കേ ആയെന്നും സ്വാസിക പറയുന്നു.