അമ്മ ഭാവഗായിക ആണല്ലോ? അതുകൊണ്ടു തന്നെ അമ്മയെപ്പോലെ ഭാവങ്ങൾ വരണം എന്ന് അവർ പറയും- ശ്വേതാ മോഹൻ

മലയാളികളുടെ പ്രിയഗായികയാണ് സുജാത മോഹൻ. നൂറു കണക്കിനു ഗാനങ്ങളിലൂടെ ഇപ്പോഴും ആരാധകരുടെ മനസ്സിൽ ഒന്നാം നിരയിൽ തന്നെ തുടരുകയാണ് സുജാത. റിയാലിറ്റി ഷോയിൽ ജഡ്ജായൊക്കെയെത്തി പ്രേക്ഷകരുടെ ഹൃദയത്തിൽ സ്ഥാനം പിടിച്ചിരുന്നു. മനോഹരമായ നിറചിരിയോടെയെ സുജാതയെ എക്കാലവും പൊതു ചടങ്ങുകളിലും മറ്റും കാണാറുള്ളു. ഒപ്പം മികച്ച വസ്ത്രധാരണത്താലും സുജാത ശ്രദ്ധാ കേന്ദ്രമാകാറുണ്ട്.

സുജാതയുടെ ഭർത്താവ് കൃഷ്ണമോഹനും മകൾ ശ്വേതയും കൊച്ചുമകളുമെല്ലാം പ്രേക്ഷകർക്ക് പ്രീയപ്പെട്ടവർത്തന്നെ. ഇപ്പോളിതാ സംഗീത ജീവിതം തുടങ്ങിയപ്പോൾ ഗായിക സുജാതയുടെ മകൾ എന്ന ലേബൽ തന്നെ ഒരുപാട് സഹായിച്ചിട്ടുണ്ടെന്ന് തുറന്നുപറയുകയാണ് ശ്വേത മോഹൻ. എന്നാൽ തുടർന്ന് താൻ അനുഭവിച്ച സമ്മർദ്ദങ്ങളും ഏറെയാണ്.

വാക്കുകൾ, സുജാതയുടെ മകൾ എന്ന പരിഗണനയിൽ പല പ്രഗത്ഭ സംഗീത സംവിധായകരുടെ അടുത്തേക്ക് എത്താൻ എളുപ്പമായിരുന്നു.എന്നാൽ ആദ്യ ഗാനം മാത്രമേ തനിക്ക് കിട്ടാറുള്ളു. പിന്നീട് തനിക്ക് പാട്ടു തരാറില്ല. സുജാതയുടെ മകൾ നന്നായി പാടണമല്ലോ എന്ന പ്രതീക്ഷ എല്ലാവരിലും ഉണ്ടായിരുന്നു. ആ പ്രതീക്ഷയ്ക്കു മങ്ങലേൽക്കാതിരിക്കാൻ വേണ്ടി ആദ്യ കാലത്തൊക്കെ സമ്മർദ്ദങ്ങൾ നേരിടേണ്ടി വന്നു.
അന്നൊക്കെ റെക്കോർഡിംഗിനു വിളിക്കുമ്പോൾ പാടുന്ന സമയത്ത് സംഗീത സംവിധായകർ ഭാവങ്ങൾ എന്നിൽ നിന്നും പ്രതീക്ഷിച്ചിരുന്നു. കാരണം, അമ്മ ഭാവഗായിക ആണല്ലോ? അതുകൊണ്ടു തന്നെ അമ്മയെപ്പോലെ ഭാവങ്ങൾ വരണം എന്ന് അവർ പറയാറുണ്ടായിരുന്നു എന്നു ശ്വേത പറയുന്നു.

പിന്നണി ഗാനരംഗത്ത് എത്തിയ തുടക്കകാലത്ത് അമ്മയുടെ അതേ ശൈലിയാണ് തനിക്ക് എന്നാണ് എല്ലാ സംഗീത സംവിധായകരും പറഞ്ഞിരുന്ന്. തന്റെ ആദ്യ ഗാനമായ ‘സുന്ദരി ഒന്നു പറയൂ’ കേട്ട് അമ്മയാണ് പാടിയതെന്ന് പലരും തെറ്റിദ്ധരിച്ചിരുന്നു. പല പാട്ടുകൾക്കും അതേ അനുഭവം ഉണ്ടായി. പിന്നീട് പാടി പാടി തന്റെ ശൈലി മാറി