പാക് ക്രിക്കറ്റ് താരവുമായി തമന്ന പ്രണത്തിലായിരുന്നില്ല, പ്രണയം നടിക്ക് ഇഷ്ടമാണ്

തെന്നിന്ത്യയിൽ വയറ് കാണിച്ചുള്ള ഗ്ലാമറസ് വേഷങ്ങളിലൂടെ യുവ ആരാധകരുടെ പ്രിയപ്പെട്ട നടിയായി മാറിയ തമന്ന സിനിമാലോകത്തിന് ഏറ്റവും പ്രിയങ്കരിയായ നടിയാണ്. ഗ്ലാമറസ് സിനിമകള്‍ക്കൊപ്പം ബാഹുബലി പോലെ ചരിത്ര സിനിമകളുടെയും ഭാഗമായി പ്രശ്‌സതിയിലേക്ക് ഉയരാൻ ഇതിനകം നടിയ്ക്ക് കഴിഞ്ഞിട്ടുണ്ട്.

ഇപ്പോൾ തമന്നയുടെ വ്യക്തി ജീവിതവുമായി ബന്ധപ്പെട്ട ചില കഥകളാണ് സോഷ്യല്‍ മീഡിയയിലൂടെ പ്രചരിക്കുന്നത്. പാകിസ്ഥാന്‍ ക്രിക്കറ്റ് താരം അബ്ദുള്‍ റസാഖും തമന്നയും പ്രണയത്തിലാണെന്നും ഇവര്‍ വിവാഹം കഴിക്കാന്‍ പോവുകയാണെന്നുമുള്ള വാര്‍ത്തകള്‍ ആണ് സോഷ്യൽ മീഡിയ ആകെ. നുണക്കഥകൾ മാത്രം പ്രചരിപ്പിച്ചു വരുന്ന പാപ്പരാസികളുടെ വാർത്തയാണിത്.

സാനിയ മിര്‍സയെ പോലെ തന്നെ തമന്നയും പാകിസ്ഥാന്‍ ക്രിക്കറ്റ് താരത്തിനെ വിവാഹം കഴിക്കാന്‍ പോകുന്നു എന്നാണ് ആദ്യം വാര്‍ത്തകളെത്തിയത്. എന്നാല്‍ ആരാധകരെ അത്ഭുതപ്പെടുത്തിയിരിക്കുന്നത് നടിയുടെ കാമുകനെ കുറിച്ചുള്ള വിശേഷങ്ങളാണ്. ക്രിക്കറ്റ് താരം എന്നതിലുപരി വിവാഹിതനും രണ്ട് കുട്ടികളുടെ പിതാവുമാണ് അബ്ദുള്‍ റസാഖ് . അങ്ങനൊരാളെയാണോ തമന്ന വിവാഹം കഴിക്കുന്നതെന്ന ചോദ്യം ഉയര്‍ന്ന് കേൾക്കുന്നത്. എന്നാല്‍ ഇതൊക്കെ തികച്ചും അഭ്യൂഹങ്ങള്‍ മാത്രമാണെന്നാണ് താരം പ്രതികരിച്ചിരിക്കുന്നത്.

2017 ൽ താരങ്ങൾ ഒരു ജ്വല്ലറിയിൽ നിൽക്കുന്ന ചിത്രങ്ങൾ പ്രചരിച്ചതോടെയാണ് ഇത്തരം കഥകൾ പ്രചരിക്കാൻ തുടങ്ങിയത്. ഒരു ജ്വല്ലറിയുടെ ഉദ്ഘാടന ചടങ്ങില്‍ പങ്കെടുക്കുന്നതിനിടെയാണ് അബ്ദുള്‍ റസാഖും താനും കാണുന്നതെന്നും അതല്ലാതെ മറ്റൊരു ബന്ധവുമില്ലെന്നാണ് തമന്ന പറഞ്ഞിരിക്കുന്നത്. എന്നാൽ വിവാഹത്തിന് സ്വര്‍ണാഭരണങ്ങള്‍ വാങ്ങാനാണ് ഇരുവരും ജ്വല്ലറിയിലെത്തിയതെന്ന തരത്തിലാണ് പ്രചരിച്ച റിപ്പോര്‍റ്റുകൾ. ഇത് അഭ്യൂഹങ്ങള്‍ക്ക് കാരണമായി മാറുകയായിരുന്നു. എന്നാല്‍ നടി തന്നെ ഇതില്‍ വിശദീകരണം നല്‍കിയതോടെയാണ് ഗോസിപ്പുകള്‍ക്ക് അവസാനമായത്.

അതേസമയം,ഇതിനു പിന്നാലെ തമന്ന അമേരിക്കയില്‍ നിന്നുള്ള ഒരു ഡോക്ടറെ വിവാഹം കഴിക്കാനൊരുങ്ങുകയാണെന്ന വാർത്തകളും എത്തി. അടിസ്ഥാനരഹിതമായ കിംവദന്തികള്‍ക്ക് താന്‍ വില കൊടുക്കാറില്ലെന്ന് അതിനോട് അനുബന്ധിച്ച് ഒരു അഭിമുഖത്തില്‍ നടി തുറന്നടിച്ചു. തമന്നയുടെ വാക്കുകളിങ്ങനെയായിരുന്നു.

‘ചില ദിവസങ്ങളില്‍ കൂടെ അഭിനയിക്കുന്ന നടന്മാരുടെ പേരിലാവും, അതല്ലെങ്കില്‍ ക്രിക്കറ്റ് കളിക്കാരന്‍, ഇപ്പോള്‍ അതൊരു ഡോക്ടറാണ്. ഞാനും ഭര്‍ത്താവും ഷോപ്പിങ്ങ് നടത്തുകയാണെന്നൊക്കെയാണ് കിംവദന്തികള്‍. പ്രണയത്തിലാവുക എന്ന ആശയം എനിക്ക് ഇഷ്ടമാണ്. എന്നാല്‍ എന്റെ വ്യക്തി ജീവിതത്തിലേക്ക് അടിസ്ഥാന രഹിതമായിട്ടുള്ള വാര്‍ത്തകള്‍ വരുമ്പോള്‍ അതിന് ഞാനൊരു വിലയും നല്‍കുന്നില്ല’ എന്നായിരുന്നു തമന്ന പറഞ്ഞത്. തമനക്ക് പ്രണയം ഇഷ്ടമാണ്. നിലവില്‍ തെലുങ്ക് സിനിമയിലും ഹിന്ദിയിലുമായി അഭിനയിച്ച് കൊണ്ടിരിക്കുകയാണ് തമന്ന. തമിഴില്‍ രജനികാന്തിന്റെ ജയിലര്‍ എന്ന ചിത്രത്തിലും തമന്ന ഉണ്ടെന്നാണ് പുറത്ത് വന്നിട്ടുള്ള വിവരം.