ടീം ഖേറള ലാൻഡ് ചെയ്തതും ഹവായ് ദ്വീപിൽ അഗ്നിപർവ്വതം പൊട്ടിത്തെറിച്ച് വൻ ലാവാ പ്രവാഹം, ട്രോളി തീർത്ത് അഞ്‍ജു പാർവതി

ലോക കേരള സഭയുടെ മേഖലാ സമ്മേളനത്തിനായി പുറപ്പെട്ട മുഖ്യമന്ത്രിയും സംഘവും അമേരിക്കയിലെത്തി. മുഖ്യമന്ത്രിക്കൊപ്പമൊന്നിരിക്കാൻ താരനിശ മോഡലിൽ സ്പോൺസർഷിപ്പ് കാർഡുകൾ ഇറക്കി പണപ്പിരിവ് മുതൽ സാമ്പത്തിക പ്രതിസന്ധി കാലത്തെ ധൂർത്ത് വരെ വിവാദങ്ങൾ കത്തി നിൽക്കുമ്പോഴാണ് ഈ മഹാ സംഘത്തിന്റെ യാത്ര.

പിണറായിയുടെ ഭാര്യ കമല, സ്പീക്കർ എഎൻ ഷംസീർ, ധനമന്ത്രി കെഎൻ ബാലഗോപാൽ, ജോൺ ബ്രിട്ടാസ് എം.പി, ചീഫ് സെക്രട്ടറി വി ജോയ് എന്നിവരും നോർക്ക ഭാരവാഹികളുമാണ് സംഘത്തിൽ ഉള്ളത്. ഇപ്പോഴിതാ മുഖ്യമന്ത്രിയുടെയും സംഘത്തിന്റെയും യാത്രയെ പരിഹസിച്ച് എഴുത്തുകാരി അഞ്‍ജു പാർവതി പ്രഭീഷ് രംഗത്ത് വന്നിരിക്കുകയാണ്. ഹവായ് ദ്വീപിൽ അഗ്നിപർവ്വതം പൊട്ടിത്തെറിച്ചു ഉണ്ടായ വൻ ലാവാ പ്രവാഹത്തെയും കേരള സംഘത്തിന്റെ യാത്രയെയും കോർത്തിണക്കി പരിഹസിച്ചിരിക്കുകയാണ് അഞ്‍ജു

‘ബൂർഷ്വാ മുതലാളിമാരെ ‘പുകച്ചു’ ചാടിക്കാൻ ടീം ഖേറളാ അമേരിക്കയിൽ ലാൻഡ് ചെയ്തിട്ടുണ്ട്. ഈ ചിത്രത്തിൽ എനിക്ക് ഏറെ ഇഷ്ടമായത് ബൂർഷ്വാസികളെ നേരിടാനുള്ള പോരാട്ടത്തിൽ ടീം ഖേരളയേ മുന്നിൽ നിന്നും നയിക്കുന്ന കമലാ മാഡത്തിനെയാണ്. ആഗോള മുതലാളിത്ത സിംഹത്തെ അതിന്റെ മടയിൽ പോയി നേരിടുന്ന ടീം ഖേറളയ്ക്കൊപ്പം പ്രകൃതി പോലും നിലയുറപ്പിക്കുന്നു എന്നതിന്റെ തെളിവ് ആണ് അവർ ലാൻഡ് ചെയ്തതും ഹവായ് ദ്വീപിൽ അഗ്നിപർവ്വതം പൊട്ടിത്തെറിച്ചു ഉണ്ടായ വൻ ലാവാ പ്രവാഹം. സാമ്രാജിത്വം തുലയട്ടെ! വിപ്ലവം ജയിക്കട്ടെ! ലോൽ സെലാം’, അഞ്‍ജു പാർവതി ഫേസ്‌ബുക്കിൽ കുറിച്ചിരിക്കുന്നു.