തങ്കച്ചന്‍ ഇനി സ്റ്റാര്‍ മാജിക്കിലേക്കില്ലേ, ഇടവേളയ്ക്ക് കാരണം ഇതാണ്

മലയാളികളുടെ പ്രിയപ്പെട്ട നടനാണ് തങ്കച്ചന്‍ വിതുര. സ്റ്റാര്‍ മാജിക് പരിപാടിയിലെ സ്ഥിരം സാന്നിധ്യമായിരുന്നു തങ്കച്ചന്‍. കൗണ്ടറുകളിലൂടെയും സ്‌കിറ്റുകളിലൂടെയും പ്രേക്ഷകരുടെയും സഹതാരങ്ങളുടെയും അതിഥികളുടെയും ഉള്‍പ്പെടെയും ഏവരുടെയും പ്രിയം നേടിയ താരമാണ് തങ്കച്ചന്‍. വന്‍ ആരാധകരാണ് തങ്കച്ചനുള്ളത്.

ഇപ്പോള്‍ സ്റ്റാര്‍ മാജിക്ക് പരിപാടിയില്‍ നിന്നും ഇടവേള എടുത്തിരിക്കുകയാണ് തങ്കച്ചന്‍. പരിപാടിയില്‍ നിന്നും തങ്കച്ചന്‍ ഇടവേള എടുക്കാനുള്ള കാരണം അറിഞ്ഞപ്പോള്‍ മുതല്‍ താരത്തിന് ആശംസ പ്രവാഹമാണ് ഉണ്ടായിരിക്കുന്നത്. തങ്കച്ചന്‍ നായകനായി അഭിനയിക്കുന്ന സിനിമയുടെ ചിത്രീകരണത്തിന്റെ ഭാഗമായിട്ടാണ് നടി സ്റ്റാര്‍ മാജിക്കില്‍ നിന്നും ഇടവേള എടുത്തിരിക്കുന്നത്. സോഷ്യല്‍ മീഡിയകളിലൂടെ തങ്കച്ചന്‍ തന്നെയാണ് ഇക്കാര്യം അറിയിച്ചത്.

‘മലയാള സിനിമയിലേക്കുള്ള എന്റെ ആദ്യ നായക പരിവേഷം ഷാനു സ്റ്റീഫന്‍ സംവിധാനം ചെയ്യുന്ന മാരുതന്‍ എന്ന സിനിമയിലൂടെ , എല്ലാവരുടെയും ഇതുവരെയും ഉണ്ടായിരുന്ന സ്‌നേഹവും സപ്പോര്‍ട്ടും പ്രാര്‍ത്ഥനയും കൂടെ ഉണ്ടാകുമെന്ന പ്രതീക്ഷയോടെ ടൈറ്റില്‍ ഇവിടെ അനൗണ്‍സ് ചെയ്യുന്നു, first look poster ഉടന്‍ തന്നെ പുറത്തിറങ്ങുന്നതായിരിക്കും.’ എന്നായിരുന്നു താരം കുറിച്ചത്. വലിയ സ്വീകാര്യത തന്നെയാണ് തങ്കച്ചന് ലഭിച്ചിരിക്കുന്നത്. ഒട്ടേറെ പേരാണ് തങ്കച്ചന് ആശംസകളുമായി എത്തിയത്.