രാജ്യം ഇലക്ട്രിക്ക് വാഹനങ്ങളുടെ യുഗത്തിലേക്ക്.

ന്യൂഡൽഹി/ രാജ്യം ഇലക്ട്രിക്ക് വാഹനങ്ങളുടെ യുഗത്തിലേക്കുള്ള പ്രയാണത്തി ലാണ്. രാജ്യത്ത് ഇതുവരെ രജിസ്റ്റർ ചെയ്ത ഇലക്ട്രിക് വാഹനങ്ങളുടെ വിവരങ്ങൾ കേന്ദ്രസർക്കാർ പുറത്തു വിട്ടു. കേന്ദ്രമന്ത്രി നിതിൻ ഗഡ്കരിയാണ് ഇലക്ട്രിക് വാഹനങ്ങളുടെ വിശദവിവരങ്ങൾ പുറത്ത് വിട്ടിരിക്കുന്നത്. രാജ്യത്ത് ഇതുവരെ സ്ഥാപിച്ച ഇലക്ട്രിക് ചാർജിംഗ് സ്റ്റേഷനുകളുടെ വിവരങ്ങളും കേന്ദ്രമന്ത്രി പുറത്തുവിട്ടുണ്ട്.

13,34,385 ഇലക്ട്രിക് വാഹനങ്ങളാണ് ഇതുവരെ രാജ്യത്ത് രജിസ്റ്റർ ചെയ്തിട്ടുള്ളത്. തെലങ്കാന, മദ്ധ്യപ്രദേശ്, ആന്ധ്ര പ്രദേശ്, ലക്ഷദ്വീപ് എന്നീ സംസ്ഥാനങ്ങൾ ഒഴികെയുള്ളതാണീ കണക്ക്. 2,826 ചാർജിംഗ് സ്റ്റേഷനുകളും രാജ്യത്ത് ഇതുവരെ സ്ഥാപിച്ചു കഴിഞ്ഞു. മന്ത്രി വ്യക്തമാക്കി.

ലോകത്ത് ആകെ ഇതിനകം രജിസ്റ്റർ ചെയ്തിട്ടുള്ള വാഹനങ്ങളിൽ 13.27 ശതമാനം വാഹനങ്ങളും ഇന്ത്യയിൽ ആണ് ഉള്ളത്. വാഹനാപകടങ്ങളിൽ 26.37 ശതമാനവും നടക്കുന്നതും ഇന്ത്യയിലാണ് – മന്ത്രി പറഞ്ഞു. ടോൾ പിരിവുകളെക്കുറിച്ച് പരാതികൾ വന്നിട്ടുണ്ടെന്നും ദേശീയ പാത അതോറിറ്റി വിവരങ്ങൾ പരിശോധിച്ച് വരികയാണെന്നും മന്ത്രി പറയുകയുണ്ടായി.