മലമൂത്രം കൈകൊണ്ട് കോരി വൃത്തിയാക്കും, കൂലി കിട്ടുന്നില്ല, സങ്കടം വിവരിച്ച് ഹോം നേഴ്സ്

തിരുവനന്തപുരം. തൊഴിൽ വാ​ഗ്ദാനം ചെയ്തുള്ള തട്ടിപ്പുകൾ ദിനം പ്രതി വർധിച്ചു വരുന്നു. തട്ടിപ്പുകാർക്ക് ഇരകളാകുന്നത് നിരവധി തൊഴിൽ അന്വേഷകരും. രോ​ഗികളെ പരിചരിക്കുന്നതിനായി ആശുപത്രികളിലും വീടുകളിലും ഹോം നേഴ്സായി ജോലി ചെയ്ത് തട്ടിപ്പിനിരയായ നിരവധി ആളുകൾ. ഇത്തരക്കാരെ പറ്റിച്ച് ലക്ഷങ്ങൾ തട്ടിയെടുക്കുന്ന ഏജൻസികളും ഉണ്ട്. അത്തരത്തിൽ തട്ടിപ്പിനിരയായ ഒരാളാണ് ഷൈജ.

സായൂജ്യ കൺസൾട്ടൻസിയിൽ നിന്ന് രണ്ടുമാസം മുൻപ് ഒരു ഫോൺകോൾ വരികയും, പട്ടം എസ് യു റ്റി ഹോസ്പിറ്റലിൽ ഒരു അമ്മയെ നോക്കാൻ വിളിച്ചു. താത്പര്യാമില്ലായെന്ന് പറഞ്ഞിട്ടും 20000 രൂപ വാ​ഗ്ദാനം ചെയ്താണ് ജോലിയിൽ പ്രവേശിച്ചത്. കിടപ്പുരോ​ഗിയുടെ മലമൂത്ര വിസർജ്യം കൈകൊണ്ട് എടുത്തു വ‍ൃത്തിയാക്കുകവരെ ചെയ്യുമായിരുന്നു താൻ. എന്നാൽ അതു കഴിഞ്ഞ് അതിന്റെ ശമ്പളം ഇതുവരെ ഏജൻസി തനിക്ക് നല്കിയിട്ടില്ല.

ശമ്പളത്തിനായി വിളിക്കുമ്പോൾ ഓരോ കാരണങ്ങൾ പറഞ്ഞ് ഒഴിവാകും, അല്ലെങ്കിൽ തരാമെന്ന് പറഞ്ഞ് പറ്റിക്കും. ഒടുവിൽ പൊലീസ് സ്റ്റേഷനിൽ പരാതിപെട്ടു.എന്നാൽ ഈ സ്ഥാപനത്തിനെതിരെ സമാനമായ നിരവധി പരാതികൾ സ്റ്റേഷനിൽ മുൻപും ലഭിച്ചിട്ടുണ്ടെന്നാണ് പൊലീസ് പറഞ്ഞത്. പൊലീസിന്റെ ഭാ​ഗത്തു നിന്നും അനുകൂല മറുപടി ലഭിക്കാതെ വന്നതോടെയാണ് ഷൈജ ഇത് മാധ്യമങ്ങളോട് തുറന്നുപറയാൻ തീരുമാനിച്ചത്.