വിഴിഞ്ഞത്തെ സര്‍ക്കാര്‍ സമീപനത്തില്‍ തൃപ്തരല്ലെന്ന് ലത്തീന്‍ സഭ

തിരുവനന്തപുരം. വിഴിഞ്ഞം തുറമുഖവുമായി ബന്ധപെട്ടു നടന്നു വന്ന സമരം അവസാനിച്ച് നിർമ്മാണപ്രവർത്തനങ്ങൾ പുനരാരംഭിച്ചിരിക്കെ വിഴിഞ്ഞം തുറമുഖ വിഷയത്തിലെ സര്‍ക്കാര്‍ സമീപനത്തില്‍ തൃപ്തരല്ലെന്ന് ലത്തീന്‍ സഭ. ഞായറാഴ്ച പള്ളികളിൽ വായിക്കാനിരിക്കുന്ന ഇടയലേഖനത്തിൽ ആണ് ഇക്കാര്യം പറഞ്ഞിരിക്കുന്നത്.

ആറ് ആവശ്യങ്ങള്‍ നടപ്പിലാക്കിയെന്നതു സര്‍ക്കാര്‍ വാദം മാത്രമാണ്. ആവശ്യങ്ങള്‍ ഭാഗികമായി മാത്രമാണ് നടപ്പിലാക്കുന്നതെന്നും ഞായറാഴ്ച പള്ളികളില്‍ വായിക്കാനിരിക്കുന്ന ഇടയലേഖനത്തിൽ പരാമർശിച്ചിരിക്കുന്നു.

വിഴിഞ്ഞത്ത് ഒരു മാസത്തിലധികം നീണ്ടുനിന്ന മത്സ്യത്തൊഴിലാളി സമരം കഴിഞ്ഞ ദിവസമാണ് ഒത്തുതീർപ്പിലാവുന്നത്. സമരസമിതിയുടെ ആറ് ആവശ്യങ്ങൾ സർക്കാർ അംഗീകരിച്ചത്തോടെ ആയിരുന്നു സമരം ഒത്തു തീർപ്പായത്. സമരത്തെത്തുടർന്ന് മുടങ്ങിയ വിഴിഞ്ഞം തുറമുഖ നിർമാണം പുനഃരാരംഭിച്ചു.