കൊച്ചി : പുരാവസ്തു വില്പ്പനക്കാരനെന്ന പേരില് കോടികളുടെ സാമ്ബത്തിക തട്ടിപ്പ് നടത്തിയ യുവാവ് ക്രൈംബ്രാഞ്ചിന്റെ പിടിയില്. കൊച്ചി കേന്ദ്രീകരിച്ച് പുരാവസ്തുക്കളുടെ വില്പ്പന നടത്തിയിരുന്ന മോന്സന് മാവുങ്കലിനെ എറണാകുളം ക്രൈംബ്രാഞ്ചാണ് അറസ്റ്റ് ചെയ്തത്.
ടിപ്പു സുല്ത്താന്റെ സിംഹാസനം അടക്കം പുരാവസ്തുക്കളായി ഉണ്ടെന്ന് അവകാശപ്പെട്ടായിരുന്നു മോന്സന് മാവുങ്കലിന്റെ പുരാവസ്തു വില്പ്പന. ബൈബിളില് പറയുന്ന മോശയുടെ അംശ വടി അടക്കം തന്റെ പക്കലുണ്ടെന്ന് മോന്സന് അവകാശപ്പെട്ടിരുന്നു. എന്നാല് ഇയാളുടെ പക്കലുള്ള വസ്തുക്കളില് കൂടുതലും ചേര്ത്തലയിലെ ഒരു ആശാരിയാണ് ഇവ നിര്മിച്ചത്. ഒറിജിനലല്ല അതിന്റെ പകര്പര്പ്പാണെന്ന് പറഞ്ഞു തന്നെയാണ് താന് പുരാവസ്തുക്കള് വിറ്റിരുന്നതെന്നാണ് മോന്സന് പോലീസിനെ അറിയിച്ചത്.
രാജകീയ ജീവിതമായിരുന്നു മോന്സണ് നയിച്ചിരുന്നത്. പാട്ടും നൃത്തങ്ങളും കളി ചിരികളുമായി നടിമാർ അടക്കമുള്ളവർ ഇയാള്ക്ക് ചുറ്റിലും എന്നും ഉണ്ടായിരുന്നു. കൊട്ടാര സമാന വീട്ടിലായിരുന്നു ഇയാളുടെ പുരാവസ്തു ശേഖരങ്ങളും ഉണ്ടായിരുന്നത്. ഇതുകൂടാതെ ജിഎംസി കാരവാൻ ഉൾപ്പെടെയുള്ള കാറുകളുടെ ശേഖരം തന്നെ മോന്സണിനുണ്ടായിരുന്നു. എവിടെയെങ്കിലും പോകുമ്പോൾ ചുറ്റും ബ്ലാക് ക്യാറ്റ്സിനെ പോലുള്ള ഒരു സംഘം അനുഗമിക്കും. നടൻ, എഴുത്തുകാരൻ, മോട്ടിവേഷൻ സ്പീക്കർ എന്നീ നിലകളിലും മോന്സണ് അറിയപ്പെട്ടിരുന്നു.
പുരാവസ്തു വില്പ്പനയുടെ ഭാഗമായി രണ്ട് ലക്ഷത്തി അറുപതിനായിരം കോടി രൂപ വിദേശത്തു നിന്ന് ബാങ്കിലെത്തിയിട്ടുണ്ട്. അത് വിട്ടുകിട്ടാന് ഇപ്പോള് നിയമ തടസങ്ങളുണ്ടെന്ന് പറഞ്ഞ് പലരില് നിന്നായി ഇയാള് നാലു കോടിയിലധികം രൂപ കടം വാങ്ങിപ്പറ്റിച്ചെന്നാണ് കേസ്.
കോസ്മറ്റോളജിയില് ഉള്പ്പെടെ ഡോക്ടറേറ്റും ഉണ്ടെന്നും ഇയാള് അവകാശപ്പെട്ടിരുന്നു. ഇതും വ്യാജമാണെന്ന് ക്രൈംബ്രാഞ്ച് കണ്ടെത്തിയിട്ടുണ്ട്. ഇയാളുടെ കലൂരിലേ വീട്ടില് ക്രൈംബ്രാഞ്ച് റെയ്ഡ് നടത്തുകയാണ്. ഇന്ന് ഉച്ചയ്ക്ക് ശേഷം പ്രതിയെ കോടതിയില് ഹാജരാക്കുമെന്ന് അന്വേഷണ സംഘം അറിയിച്ചു.
അല്ഫോണ്സാമ്മയുടെ വസ്ത്രത്തിന്റെ ഭാഗം, അന്തോണിസ് പുണ്യാളന്റെ നഖത്തിന്റെ ഭാഗം, മദര് തെരേസയുടെ മുടി, റാണി മരിയ സിസ്റ്ററിന്റെ തിരുശേഷിപ്പ്, ഗാഗുല്ത്തയില് നിന്നെടുത്ത മണ്ണില് ഉണ്ടാക്കിയ കുരിശിനുള്ളില് നിര്മിച്ച ഏറ്റവും ചെറിയ ബൈബിള്, സ്വര്ണ്ണം കൊണ്ടുണ്ടാക്കിയ ബൈബിള് തുടങ്ങിയ നിരവധി പുരാവസ്തുക്കള് തന്റെ ശേഖരത്തില് ഉണ്ടെന്ന് വിശ്വസിപ്പിച്ചിരുന്നു. മാത്രമല്ല അത് ഉണ്ടാക്കി പ്രദര്ശിപ്പിക്കുകയും ചെയ്തിരുന്നു.
പുരാവസ്തുക്കള് വിറ്റതിന് കുവൈത്തിലെയും ദുബായിലെയും രാജ കുടുംബാംഗങ്ങള് അടക്കമുള്ളവര് വിദേശത്തു നിന്നും അയച്ചു തന്ന പണമാണ് തന്റെ പക്കലുള്ളതെന്ന് വ്യാജരേഖ കിട്ടിയാണ് പലരില് നിന്നായി കോടികള് തട്ടിയത്. പത്ത് കോടിയോളം രൂപ പലരില് നിന്നായി ഇയാള് വാങ്ങിയെന്നാണ് അന്വേഷണത്തില് കണ്ടെത്തിയിട്ടുണ്ട്. ബാങ്കിന്റെ പേരിലുള്ള വ്യാജ രേഖകള് കാണിച്ചാണ് തട്ടിപ്പ് നടത്തിയത്. എന്നാല് പോലീസ് നടത്തിയ പരിശോധനയില് ഇയാളുടെ പേരില് വിദേശത്ത് ഒരു അക്കൌണ്ടും ഇല്ലെന്ന് കണ്ടെത്തിയിട്ടുണ്ട്.
കൊച്ചി കലൂരിലാണ് ഇയാളുടെ പുരാവസ്തു കേന്ദ്രമുള്ളത്. അവിടേക്ക് സംസ്ഥാനത്തെ പല പ്രമുഖരേയും വിളിച്ചു വരുത്തി സത്കരിക്കുന്ന പതിവുണ്ടായിരുന്നു. അത്തരത്തില് ഉന്നതരായ പലരേയും ചൂണ്ടിക്കാണിച്ച് അവരുമായുള്ള ബന്ധം വ്യക്തമാക്കിയാണ് തട്ടിപ്പ് നടത്തിയിരുന്നത്. കൂടാതെ ഇയാള്ക്ക് ചില സിനിമാ ബന്ധങ്ങളും ഉണ്ടെന്നാണ് ക്രൈംബ്രാഞ്ചിന്റെ അന്വേഷണത്തില് വ്യക്തമായിരിക്കുന്നത്. ഇയാളുമായി ബന്ധപ്പെട്ട് കൂടുതല് തട്ടിപ്പുകള് നടന്നിട്ടുണ്ടോയെന്നും ക്രൈംബ്രാഞ്ച് പരിശോധിച്ച് വരികയാണ്.
തൃശൂർ : അർമേനിയയിൽ മലയാളി യുവാവിനെ ബന്ദിയാക്കിയതായി വിവരം. വിഷ്ണുവിനെ തോക്കു ചൂണ്ടി ഭീഷണിപ്പെടുത്തുന്നത് അർമേനിയൻ സ്വദേശികൾ വിഡിയോ കോളിലൂടെ…
അമ്മയുടെ ഇഷ്ടമല്ലേ,മക്കളെ ഏത് രീതിയിൽ വളർത്തണമെന്നത്..എന്ന് ചോദിച്ചാൽ തെറ്റി. അമ്മയാണേലും സ്വന്തം കുട്ടിയെ ഇഷ്ടം പോലെ വളർത്താൻ ആകില്ല.ഒന്നരവയസുകാരിയെ പുകവലിപ്പിച്ച്…
കശ്മീർ : ജമ്മു കശ്മീരിൽ ഭീകരനെ വധിച്ച് സൈന്യം. ഞായറാഴ്ച രാത്രി ആരംഭിച്ച ഏറ്റുമുട്ടൽ തിങ്കളാഴ്ചയും തുടരുകയാണ്. ഡ്രോണ് ദൃശ്യങ്ങളിലൂടെയാണു…
ന്യൂഡല്ഹി : കോണ്ഗ്രസ് നേതാവ് രാഹുല് ഗാന്ധി വയനാട് എം.പി. സ്ഥാനം രാജിവെച്ച് റായ്ബറേലിയില് തുടരും. പകരം പ്രിയങ്കാ ഗാന്ധി…
ന്യൂഡല്ഹി : കോണ്ഗ്രസ് നേതാവ് കൊടിക്കുന്നില് സുരേഷിനെ ലോക്സഭയുടെ പ്രോ ടേം സ്പീക്കറായി തിരഞ്ഞെടുത്തു. മാവേലിക്കര മണ്ഡലത്തിലെ നിയുക്ത എംപിയായ…
ഡൽഹി : പ്രധാനമന്ത്രി നരേന്ദ്ര മോദി-മാർപ്പാപ്പ കൂടിക്കാഴ്ചയെ പരിഹസിച്ച് പോസ്റ്റിട്ടതിൽ ക്രിസ്ത്യാനികളോട് കോൺഗ്രസ് മാപ്പ് പറയണമെന്ന് ബിജെപി നേതാവ് അനിൽ…