അധ്യാപകന്റേത് ‘ബാഡ് ടച്ച്’, പല തവണ ഇതാവർത്തിച്ചു,സ്കൂൾ അധ്യാപകന്റെ ജാമ്യപേക്ഷ തള്ളി കോടതി

തിരുവനന്തപുരം. അദ്ധ്യാപകൻ തന്നെ തൊട്ടത് ‘ബാഡ് ടച്ച്’ എന്ന സ്കൂൾ വിദ്യാർത്ഥിനിയുടെ മൊഴിയിൽ സ്കൂൾ അധ്യാപകന്റെ ജാമ്യപേക്ഷ തള്ളി കോടതി. തിരുവനന്തപുരം അതിവേഗ സ്പെഷ്യൽ കോടതി ജഡ്ജി ആജ് സുദർശനനാണ് അധ്യാപകന്റെ ജാമ്യപേക്ഷ തള്ളിയത്. സ്കൂളിലെ സംഗീത അധ്യാപകനായ ജോമോനാണ് കേസിലെ പ്രതി. പ്രതി പല തവണ തൻ്റെ ശരീരഭാഗങ്ങളിൽ പിടിച്ചിട്ടുണ്ടെന്നാണ് കുട്ടി പൊലീസിന് നൽകിയ മൊഴിയിൽ പറഞ്ഞിരിക്കുന്നത്.

പല തവണ ഇതാവർത്തിച്ചത് ‘ബാഡ് ടച്ച്’ ആണെന്ന് തോന്നിയതിനാലാണ് പരാതി നൽകിയതെന്നും ഏഴാം ക്ലാസുകാരിയുടെ മൊഴിയിൽ ഉണ്ട്. ക്ലാസ്സ് റൂമിന്റെ പുറത്ത് വെച്ച് കാണുമ്പോഴൊക്കെ തന്നെ ഇഷ്ടമാണെന്ന് തന്നോടും കൂട്ടുകാരിയോടും അദ്ധ്യാപകൻ പറഞ്ഞിട്ടുണ്ട്. കുട്ടിയുടെ പരാതിയുടെ അടിസ്ഥാനത്തിൽ 2023 ഫെബ്രുവരി 10 ന് അറസ്റ്റ് ചെയ്ത ജോമോനെ കോടതി റിമാൻഡ് ചെയ്തു. താൻ നിരപരാധി ആണെന്നും ഈ കേസുമായി തനിക്ക് ഒരു ബന്ധവുമില്ലെന്നും പറഞ്ഞാണ് ജോമോൻ ജാമ്യപേക്ഷ നൽകിയിരുന്നത്.

അധ്യാപകനായ പ്രതി നടത്തിയ കുറ്റകൃത്യം അംഗീകരിക്കാനാവില്ലെന്ന് ജാമ്യപേക്ഷയെ എതിർത്ത് സ്പെഷ്യൽ പബ്ലിക്ക് പ്രൊസീക്യൂട്ടർ ആർഎസ് വിജയ് മോഹൻ വാദിച്ചു. പ്രതിക്കെതിരെ മറ്റൊരു വിദ്യാർത്ഥിനി കൂടി പരാതി നൽകിയതിനാൽ പ്രതിക്ക് ജാമ്യം അനുവദിക്കരുതെന്നും പ്രോസീക്യൂഷൻ വാദിക്കുകയുണ്ടായി. ഇത് പരിഗണിച്ച കോടതി ജാമ്യ അപേക്ഷ തള്ളുകയായിരുന്നു.

മാതൃകയാകേണ്ട അദ്ധ്യാപകന്റെ പ്രവർത്തി ന്യായീകരിക്കാനില്ല – കോടതി ഉത്തരവിൽ പറഞ്ഞു. സമൂഹത്തിൽ തെറ്റായ സന്ദേശം നൽകുന്നതിനാൽ പ്രതി ജാമ്യത്തിന് അർഹനല്ല – കോടതി വ്യക്തമാക്കി. മറ്റൊരു വിദ്യാർത്ഥിനിയുടെ പരാതിയിൽ പ്രതിക്കെതിരെ ഒരു കേസും കൂടി എടുത്തിരിക്കുകയാണ്